මහරගම පාසල් මාවතේ පදිංචිව සිටි විශේෂඥ වෛද්යවරයකු සම්බන්ධයෙන් මෙම මරණ පරීක්ෂණ වාර්තාව ඉදිරිපත් කෙරිණි.
2011 දෙසැම්බර් 03 දින හෝ ඊට ආසන්න දිනයක පැමිණිලිකාර ශාමිණි දුෂ්මන්ති සින්නයියා නමැත්තිය අතේ ඇතිවූ අමාරුවක් සඳහා ප්රතිකාර ගැනීමට ඩර්ඩන්ස් රෝහල වෙත ගොස් ඇත.එම අවස්ථාවේ ඇයව සැකකාර වෛද්යවරයා වෙත යොමු කිරීමෙන් අනතුරුව ඔහු විසින් ඇයට රෝහලේ ලෙඩුන් පරීක්ෂා කරන කාමරයක් තුළදී ලිංගික අතවරයක් සිදුකළ බවට ඇය විසින් කොල්ලුපිටිය පොලිසියට පැමිණිලි කර තිබිණ.
එම පැමිණිල්ලට අනුව මූලික විමර්ශන සිදුකිරීමෙන් අනතුරුව සැකකරු කොටුව මහෙස්ත්රාත් අධිකරණය හමුවට ඉදිරිපත් කර ඇපමත මුදා හැර නඩු පැවරීම සඳහා නීතිපති උපදෙස් ලබා ගැනීමට උද්ධෘත නීතිපති වෙත යවා තිබිණි.
මෙම පැමිණිල්ල කොටුව මහෙස්ත්රාත් අධිකරණයේ කැඳවූ අවස්ථාවේ සැකකාර වෛද්යවරයා ඉකුත් මාර්තු මස 27වැනි දින හෘදයාබාධයකින් මියගොස් ඇති බවට මරණ පරීක්ෂණ වාර්තාවක් ඉදිරිපත් කරන ලදී.
ඇමෙරිකන් තානාපති කාර්යාලයේ නිලධාරිනියකට කොල්ලුපිටිය ඩර්ඩන්ස් රෝහලේදී ලිංගික අතවරයක් සිදුකළ බවට චෝදනා ලැබ සිටි සැකකාර විශේෂඥ වෛද්යවරයා මියගොස් ඇති බව නීතිඥවරයකු විසින් මරණ සහතිකයක් කොටුව මහෙස්ත්රාත් අධිකරණයේදී මහෙස්ත්රාත් තිළිණ ගමගේ මහතා වෙත ඉදිරිපත් කරමින් දැනුම් දුන්නේය.
Leave a comment