එහි නියෝජ්‍ය මහලේකම් බස්නාහිර පළාත් සභා අමාත්‍ය උදය ගම්මන්පිල මහතා, බස්නාහිර පළාත් කෘෂිකර්ම අමාත්‍යංශයේ ඊයේ පැවති උත්සවයට එක්වෙමින් පැවසුවේ රනිල් වික‍්‍රමසිංහ මහතා එක්සත් ජාතික පක්ෂයේ ජනාධිපති අපේක්ෂකයා විය හැකි බැවින් ඒ පිළිබඳ සාකච්ඡුාවක් හෝ පැවැත්වීය නොහැකි බවයි.
ඔහු එහිදී මෙසේද කීය.
ඊයේ ජාතික හෙළ උරුමයේ පක්ෂ සමුළුවේදී මම සඳහන් කළා යෝජනා මාළාවක්. අපි පක්ෂ සමුළුවේදී ඒක සම්මත කරගත්තා. මේ යෝජනා මාලාව හෙට (21) අපි බලාපොරොත්තු වෙනවා ජනාධිපතිතුමත් එක්ක සාකච්ඡා කරන්න.
ජනාධිපතිතුමන්ගෙන් අපිට සුභවාදී ප‍්‍රතිචාරයක් නොලැබුණොත් මේ රටේ නිහඩ බහුතරය වෙන සිංහලයින්ගේ හඩ වෙනුවෙන් අපේක්ෂකයෙක් ඉදිරිපත් කරන්න අපි බලාපොරොත්තු වෙනවා.
හැබැයි අපි සූදානම් නැහැ රනිල් වික‍්‍රමසිංහ මහත්තයා ජයග‍්‍රහණය කරන්න කටයුතු කරන්න.
එක්සත් ජාතික පක්ෂයේ ඇතුළෙත් දේශපේ‍්‍රමී නායකයින් ඉන්නවා. අපි ඒක පිළිගන්නවා. ඒ දේශපේ‍්‍රමී නායකයෙක් එක්සත් ජාතික පක්ෂයේ අපේක්ෂකයා වෙලා තිබුණා නම් අපිට එක්සත් ජාතික පක්ෂයට සහය දීම ගැන සලකා බලන්න ඉඩ තිබුණා.
අපේ යෝජනාවලිය ගැන එක්සත් ජාතික පක්ෂයත් එක්ක සාකච්ඡාක කරන්න ඉඩ තිබුණා.
නමුත් රනිල් වික‍්‍රමසිංහ මැතිතුමාගේ අතීත ක‍්‍රියාකාරකම් පැත්තකින් තිබ්බත් වර්තමාන ක‍්‍රියාකාරකම් ගැනවත් අපිට සතුටු වෙන්න බැහැ.''
දේශපේ‍්‍රමි නායකයෙකු එක්සත් ජාතික පක්ෂයේ ජනාධිපති අපේක්ෂකයා ලෙස නම්කර තිබුණේ නම් ඔවුන්ට සහය දීම පිළිබඳ සලකා බැලිමට තිබු බව ජාතික හෙල උරුමය පවසයි.
Leave a comment
