මෛත්‍රිපාල සිරිසේන මහතා එළඹෙන ජනාධිපතිවරණයේදී පොදු අපේක්‍ෂකයා ලෙස සියලුම පක්‍ෂවල සහයෝගයෙන් දිනවීමට සියලු දෙනා එකතුවිය යුතු බවද රනිල් වික්‍රමසිංහ මහතා එහිදී එක්‌සත් ජාතික පාක්‍ෂිකයන්ගෙන් ඉල්ලීමක්‌ කළේය.
රටේ විධායක ජනාධිපති ක්‍රමය අහෝසි කර රට සිරවී සිටින ණය උගුලෙන් බේරාගෙන රාජපක්‍ෂ රෙජිමය වෙනුවට ජනතාවගේ ආණ්‌ඩුවක්‌ බිහි කරමු යැයි ඔහු කියා සිටියේය.
මෛත්‍රිපාල සිරිසේන මහතා පොදු අපේක්‍ෂකයා ලෙස පත්කර කැපකිරීමක්‌ සිදුකළේ මේ රට අලුත් යුගයකට රැගෙන යෑමට බවත් ජනාධිපතිවරණයේ දී පොදු අපේක්‍ෂක ලෙස තරග කරන මෛත්‍රිපාල සිරිසේන මහතා ජනාධිපති ලෙස පත්කර නව දේශපාලන සංස්‌කෘතියක්‌ ඇති කිරීමට සියලු දෙනාම එකතු විය යුතු බවත් එජාප බලමණ්‌ඩල රැස්‌වීමේදී රනිල් වික්‍රමසිංහ මහතා අවධාරණය කර සිටියේය.
