මේ යටතේ කාසි එකතු කිරීම ඊයේ (21 දා) මාතලේ නගරයේ පූජනීය ස්‌ථානවලදී සිදුකිරීමට පියවර ගෙන තිබිණි.



රු. මිලියන 2346ක  අලුත් කාසි එයි

මේ අතර, රුපියල් මිලියන 2346 ක කාසි වෙළෙඳපොළ සඳහා නිකුත් කර ඇති බව ශ්‍රී ලංකා මහ බැංකුව කියයි.

වෙළෙඳපොළේ පවතින කාසි හිඟයට හේතුව කාසි කැටවල කාසි රැස්‌කර තබා ගැනීම බව ශ්‍රී ලංකා මහ බැංකුවේ මධ්‍යම පළාත් ප්‍රාදේශීය කළමනාකරු ඩී. එම්. ඩී. කේ. දිසානායක මහතා පැවසීය.

මෙරට මුළු ජනගහනය මෙන් 117 ගුණයක කාසි මෙරට වෙළෙඳපොළ සංසරණයට ශ්‍රී ලංකා මහ බැංකුව නිකුත් කර ඇත.

නිකුත් කර ඇති රුපියල් දහයේ කාසි ප්‍රමාණය රුපියල් මිලියන 157 කි. රුපියල් පහේ කාසි රුපියල් මිලියන 604 ද නිකුත් කර ඇත.

රුපියලේ කාසි රුපියල් මිලියන 711 ක්‌ සහ රුපියල් දෙකේ කාසි රුපියල් මිලියන 503 ක්‌ ද නිකුත් කර ඇත. ශත පනහේ කාසි රුපියල් මිලියන 371 ක්‌ද නිකුත් කර ඇත.