ජීවිතේ හැමදාම සාමාන්‍ය විදියට ගෙවන අපි බොහෝ දෙනෙකුට එවැනි සිරිත් ගැන හරි අවබෝධයක් නැතිවෙන්න පුළුවන්. ඔබ හිතයි මොකටද මම හැඳි ගෑරුප්පු වලින් කන්න ඉගෙන ගන්නේ කියල. විශේෂම කාරණය වෙන්නෙ ඔබ මේ සිරිත් අකුරටම පිළිපැදිය යුතුයි කියල අනිවාර්ය කරලා නෑ. මොකද බොහෝ විට මේ ආහාර ගැනීමේ සංස්කෘති කීපයක්ම ලෝකය තුල පවතින නිසා.
ඔබට කැමතිනම් පුළුවන් තමන් කැමති ආකාරයට සාමාන්‍ය විදියට ආහාර ගන්න. ඕනෑම දෙයක් පිලිබඳ දැනුම ලබාගෙන තිබීම වැදගත්නේ. වැදගත් වන්නේ අනිත් අය අපහසුතාවයක් නොවන පරිදි ප්‍රසන්න ලෙස ආහාර ගැනීම පමණයි. ඒ නිසා අපි හිතුව සුපිරි හෝටලයකට කෑමකට ගියාම අනුගමනය කරන්න ඕන සිරිත් ටිකක් ඔබට කියල දෙන්න.
ඔබ ආහාර ගැනීමට පෙර මේසය මත තිබෙන අත් පිස්නාව (napkin )ඔබේ උකුල මත එල ගැනීම සාමාන්‍යයෙන් කළයුතු දෙයක්. නැතිනම් ඔබට යම් කිසිවක් පිළිගන්වන අවස්ථවේ ඒ සඳහා මේසය මත 
ඉඩ මදි වෙන්න පුළුවන්.
ඒවගේම ඔබ නූඩ්ල්ස් හෝ සුප් වැනි දියරමය වැගිරෙන සුළු දෙයක් ආහාරයට ගන්නවානම් අත් පිස්නය (napkin ) ඔබේ බෙල්ලේ රඳවාගැනීම වඩා හොඳයි.
මෙයින් ආහාර ඔබේ ඇඳුම් මත වැටීම වැළකෙනවා. ඒවගේම ආහාර ගන්න අතරමග ඔබ මේසයෙන් නැගිට යනවනම් අත්පිස්නාව මේසය මත ඔබේ ගෑරුප්පුවට වම් පැත්තෙන් තබා යාම උචිතයි.
මීලගට වැදගත් වන්නේ කෑම ගන්නා පිළිවෙලයි. යුරෝපීය ක්‍රමයට අනුව කෑම වේල කොටස් කිහිපයකට බෙදා සංග්‍රහ කෙරෙනවා. එවැනි කෑම වේලකදී මුලින්ම ගත යුත්තේ සුප් එකකි. සුප් එක සමග පාන් හෝ බනිස් වර්ගයක් පිළිගන්වයි . එසේත් නොමැතිනම් සුප් එක නොමැතිව පාන් හෝ බනිස් බටර් සමග ලබා දිය හැක. මේ සියල්ලට පසුව තමයි ප්‍රධාන කෑමවේල ලබාගැනීම සිදු කරන්නෙ. නමුත් ඔබට අවශ්‍ය නම් වෙනත් අමතර ආහාර වලින් තොරවම ප්‍රධාන ආහාර වේල භුක්ති විඳින්න බාදාවක් නෑ.
ඔබ සුප් පානය අතර තුර පාන් පෙත්තක් හෝ බනිස් ගෙඩියක් කෑමට ගත හැක. මුලින්ම පාන් පෙත්ත හෝ බනිස් එක සපයා ඇති පොඩි පිගානකට දමාගෙන සුප් පානය කරන අතරතුර පාන් පෙත්ත හෝ බනිස් එක අත භාවිතා කරමින් ආහාරයට ගන්න . එසේම ඔබට අවශ්‍යනම් පාන් සුප් වල පොගවාගෙන කන්නත් පුළුවන්. සුප් ටිකක් හැන්ඳට පුරවා පාන් කැබැල්ල හැන්ද තුල ඇති සුප් වල බහා පාන් කෑල්ල ආහාරයට ගත හැක.
උපකරණ භාවිතය
සාමාන්‍යයෙන් අපි නොදන්නම දෙයක් තමයි ආහාර ගැනීම සඳහා අවශ්‍ය කරන උපකරණ කොහොමද හරි විදියට පාවිච්චි කරන්නේ කියල. සාමාන්‍යයෙන් හැඳි හා පිහි තබන්නේ දකුනු පසිනි. ගෑරුප්පු වම් පසින් තබනු ලබයි. මුලින්ම භාවිතා කල යුත්තේ පිටතින්ම ඇති හැන්ද හා ගෑරුප්පුවයි.
ගෑරුප්පුව භාවිතා කිරීමට කැමති අතක් භාවිතාකල හැක. නමුත් ගෑරුප්පුව හා හැන්ද එකම විට භාවිතා කරන විට ගෑරුප්පුව වම් අතෙහි තිබිය යුතු වේ . කෑම ගෙන ඉවර වූ පසු ගෑරුප්පුව හා පිහිය පිඟාන මත තැබිය යුතුය. මේසය මත තියන හැඳි වලින් ලොකුම හැන්ද සුප් බිම සඳහා තමයි භාවිත කරන්නේ. ඒවගේම තිරස් ලෙස තබා තිබෙන උපකරණ යොදාගන්නේ අතුරුපස රස විඳීම සඳහා පමණයි.
ඒවගේම ඔබට සාමාන්‍ය පරිදි අතින් ආහාර ගැනීමට අවශ්‍ය නම් සේවකයෙකු අමතා අත සේදීම සඳහා බඳුනක් ලබා ගන්න පුළුවන්. එය Finger bowl නමින් හැඳින්වේ.
අවම වශයෙන් වීදුරු වර්ග තුනක් කෑම මේසය මත විය යුතුය. වීදුරු දෙකක් සුදු වයින්(white wine) හා රතු වයින් (red wine) සඳහායි. මීට අමතරව වතුර සදහා තවත් වීදුරුවක් වේ. විශාලම වීදුරුව රතු වයින් සදහා වේ. ඉතිරි දෙකෙන් කුඩා කට සහිත වීදුරුව සුදු වයින් සදහා වන අතර ඉතිරි වීදුරුව වතුර සදහා වේ.
පාන් හෝ බනිස් බටර් සමග ආහාරයට ගන්නා විට මුලින්ම බටර් ගෙන කුඩා පිගානකට දමා ගන්න. ඉන්පසු බටර් පාන් පෙත්තට ගා ගැනීමට බටර් ගෑමට ගන්නා පිහිය යොදාගන්න. දකුනු අතින් පිහිය ගෙන තම පිගාන මත ඇති බටර් වලින් ටිකක් ගෙන එය පාන් පෙත්ත මත ගාගන්න.
බටර් ගාගැනීමට අවසන් වූ පසු පිහිය පාන් ආහාරයට ගන්නා පිඟාන මත දකුනු පසට වන්න තබන්න. පාන්, බනිස් අතින් කඩා ගෙන කෑම ප්‍රශ්නයක් නොවේ.
ඔබ ආහාර ගන්න අතරතුර මදකට නවත්වනවානම් භාවිත කරන හැන්ද සහ ගෑරුප්පුව පිගන මතම තිබීමට සැලැස්විය යුතුයි. ආහාරගෙන අවසන් නම් මේ ආකාරයට උපකරණ තැබිය යුතුයි.
ඒවගේම ඔබ භාවිත කල පිහියේ මුවහත පිගන මැදට සිටින සේ තැබීම සුදුසුයි. යම්කිසි පුද්ගලයෙක් ඔබේ උපකරණ වැරදීමකින් භාවිත කරන බව දැක්කොත් ඔබට පුළුවන් සේවකයෙකු අමතා ඔබ සඳහා නැවත එකක් ලබාගන්න. ඒවගේම බොහෝ අවස්ථා වලදී අප පැවසු පරිදිම මෙම උපකරණ සපයා නොතිබෙන්නටත් හැකියි. එවැනි අවස්ථාවකදීත් ඔබට සේවකයෙකු අමතා ඒ පිලිබඳ විමසීමේ බාදාවක් නෑ.
ඒවගේම බොහෝ පිරිසක් හැඳි ගෑරුප්පු භාවිතා කිරීමට අකමැති වන්නේ මස් වර්ග, මාළු වර්ග ආහාරයට ගැනීමේදී ඇතිවන අපහසුතා නිසයි. පහත වීඩියෝව නැරඹීමෙන් ඔබට නිවැරදි ආකාරයට හැඳි හා ගෑරුප්පුව භාවිතා කර මස් ආහාරයට ගන්නා ආකාරය වැටහේවි.
.
