ඩුබායි ගුවන් තොටුපොළේදී ජාත්‍යන්තර පොලිසිය විසින් අත්අඩංගුවට ගත් බව පැවැසු උදයංග වීරතුංග මහතා මෙරටට රැගෙන ඒම සඳහා විශේෂ නියෝජිත කණ්ඩායමක් ඉකුත් 8දා අවස්ථා දෙකකදී ඩුබායි බලා පිටත්ව ගියහ.
රාජ්‍ය තාන්ත්‍රික කටයුතුවලදී මතුවූ ගැටලු හේතුවෙන් උදයංග වීරතුංග මහතා එම නියෝජිත කණ්ඩායමට මෙරටට රැගෙන ඒමට නොහැකි වී ඇත. ජ්‍යාතන්තර වරෙන්තුකරුවන් ශ්‍රීලංකාවට බාර දීමට ඩුබායි රාජ්‍යය මෙරට හා බැඳී නොමැත. එහෙත් ඔහුව අත් අඩංගුවට ගැනීමට පොලිසිය එතරම් උනන්දුවක් දක්වා නැති බවද වාර්තා වේ. මුල්‍ය අපරාධ කොට්ඨාශ නිලධාරීන් රජපක්ෂ පවුලේ ඇතැම් සාමාජිකයන් හා ගනුදෙනු කරමින් සිටින බවට මීට පෙර අවස්ථා ගනනාවකදී වාර්තා වීද තිබිණි.
කෙසේ නමුත් උදයංග මෙතෙක් ඩුබායි රාජ්‍යයෙන් පිටමං නොවී සිය ආරක්ෂාව පතා එහි රැඳී සිටින බවද වාර්තා වේ. උදයංගව අත් අඩංගුවට ෙගන තිබුණේ වෙනත් වංචාවකටය. ඒ නීත්‍යානුකූල නොවන ශ්‍රීලංකා ගුවන් ගමන් බලපත්‍රයකින් ඇමරිකාව සඳහා යෑමට ගත් උත්සාහයකදීය.
