යුද හමුදාව හැරගිය සෙබළුන් දස දෙනකුට නවාතැන් පහසුකම් සපයමින් ඔවුන් ශ්‍රි ලංකා රජරජය කෙරෙහි පවතින රාජ පාක්ෂික භාවයෙන් ඉවත් කිරිමට කුමන්ත්‍රණය කිරිම යන චොදනාව යටතේ සරත් පොන්සේකා මහතාට හා හරිප්‍රිය මහතාට එරෙහිව නීතිපතිවරයා පැවරූ නඩුව ඊයේ කැඳවනු ලැබූ අවස්ථාවේ ෆොන්සේකා මහතා අධිකරණයේ පෙනී සිටියද හරිප්‍රිය මහතා පෙනී නොසිටියේය.

දෙවැනි විත්තිකරු අත්වැරදිමක් හෝ වාහන තදබදයක් හේතුවෙන් අධිකරණයට පැමිණ නොමැති බව ඔහුගේ නිතිඥවරයා පැවසීය.

ඇප මත සිටින සැකකරු පසුගිය නඩුවාරයේදි ඇප‍ කොන්දේසියක් මත අධිකරණ බාරයේ තබා ඇති විදේශ ගමන් බලපත්‍රය ලබා ගෙන ඇති අතර එය නැවත පසුගිය හත්වෙනි දින අධිකරණයට ඉදිරිපත් ‍කර නොමැති බව රජයේ නීතිඥ මාධව තෙන්නකෝන් මහතා පැවසීය.

එම ගමන් බලපත්‍රය පසුගිය 11 දින ලබා දී ඇති බව ඔහුගේ නීතිඥවරයා පැවසීය.

ෆොන්සේකා මහතාගේ නීතිඥ සාලිය පීරිස් මහතාගේ පුද්ගලික හේතුවක් මත නඩුව කල් තබන ලෙස අධිකරණයෙන්කළ ඉල්ලීමක් සලකා බැලු විනිසුරු තුමිය නඩු විභාගය සැප්තැම්බර් 04 දිනට ඊයේ කල් තැබුවාය.