පසුගිය කන්නයේ රජය විසින් රුපියල් මිලියන තිස්පහක මුදලක් වැයකර මුලික පියවරක් ලෙස අනුරාධපුර දිස්ත්රීක්කය තුල අක්කර 2000ක පරිවාරික වී වගා කිරීමට අවශය බිත්තර වී නොමිලේ ලබාදී ඇත.
එමගින් ලැබෙන අස්වැන්න රජය විසින්ම කිලෝවක් රු 60 බැගින් මිලදි ගෙන මේ කන්නයේ ගොවීන් ලක්ෂයක් අතර බෙදා හැරීමට සැලසුම් කර තිබේ.
කෙසේ වෙතත් දේශීය සහල් වල ඖෂධිය ගුණය නිසා මේ වන විට රට තුල ඉහල ඉල්ලුමක් ඇතිව ඇති හෙයින් පැරණී වී කිලෝවක් රුපියල් 100කට පෞද්ගලික සමාගම් කිහිපයකට අත යටින් විකිණීමට අනුරාධපුර දිස්ත්රීක් කෘෂිකර්ම අධ්යක්ෂවරයකු කටයුතු යොදමින් ඇත.
මේ වන විටත් වහවලස්සිය ප්රදේශයේ එ ආකාරයට වගාකර තිබු දේශීය වී මෙට්රික් ටොන් 20ක් පමන සී.අයි. සී සමාගම මිලදි ගෙන ඇතැයි වාර්තාවේ.
වකුගඩු රෝගී පවුල් අතර බෙදාදීම සඳහා කෘෂි රසායන භාවිතා නොකර වගාකල හැකි පාරම්පරික දේශීය වී ප්රචලිත කිරීමේ වැඩසටහන යටතේ රජය විසින් මිලදී ගැනීමට යෝජිතව තිබු බිත්තර වී පෞද්ගලික පොහොර සමාගම් කිහිපයකට විකිනීමට කටයුතු යොදා ඇති බව හෙලිවේ.
Leave a comment