මේ පුද්ගලයා කතෝලික පූජා ප්‍රසාදිතුමකු නොවන බවත් මේ රටේ හතු පිපෙන්නා සේ විවිධ තැන්වල බිහිවී ඇති ආගමික කණ්‌ඩායමක දේවගැතිවරයකු යෑයි තමන් විසින්ම හඳුන්වා ගන්නා ලද පුද්ගලයකු බවත් කතෝලික සභාව අවධාරණය කර සිටියි.
ඔහු විසින් සිදුකර ඇති මේ මහා අපරාධය දැඩි පිළිකුලින් යුතුව හෙළා දකින බව කතෝලික සභාව නිවේදනයක් නිකුත්කරමින් කියා සිටියි.
කුමන ආගමක හෝ මුවාවෙන් තම ආත්මාර්ථකාමී අභිලාෂයන් සපුරා ගන්නට වංචා සහ අපරාධ සිදුකරන පුද්ගලයන්ගෙන් පරෙස්‌සම් වන ලෙස සෑම දෙනාගෙන් ඉල්ලා සිටින බවද කතෝලික සභාව දන්වා සිටී.
මාදම්පේ ප්‍රදේශයේ 'දේවගැතිවරයකු' තම යාච්ඤා මධ්‍යස්‌ථානයට පැමිණ දැරියන් දෙදෙනකු දූෂණය කර අනතුරුව තමන් ද වස පානය කොට මියගිය පුවත පසුගිය දිනවල මාධ්‍ය වාර්තා කොට තිබිණි.
Leave a comment
