අද උදෑසන මෙම පිරිස වියලි සලාක රැගෙන මෙම කඳවුරු දෙකට ගිය විට පවසා ඇත්තේ අද උදැසන ජනාධිපති මහින්ද රාජපක්ෂ ආධාර බෙදීම සඳහා පැමිණෙන නිසා වෙනත් කිසිවකුට ආධාර බෙදාදීමට ඉඩලබා දිය නොහැකි බවය. ජනාධිපතිවරයා ආධාර බෙදා දී ගිය පසුව ඔවුන්ට ආධාර බෙදාදිය හැකි බව ද පසා ඇතිමුත් පසුව දහවල් 12,30 ට පමණ දැනගැනීමට ලැබී ඇත්තේ ජනාධිපතිවරයා නොපැමිණෙන බවය. එසේම ජනාධිපතිවරයා අතින් බෙදාදිමට ගෙන ආ ආධාර තොගයද ආපසු රැගෙන ගොස් තිබේ.
ඔහුගේ ආරක්ෂාව හා පරිවාර කණ්ඩායම් ඉවත්ව ගිය පසුව කඳවුරබාර ආරක්ෂක අංශ සාමාජිකයන්ගෙන් තමන් රැගෙන ආ ආධාර බෙදාදීමට අවස්ථාව ඉල්ලා සිටියද ඔවුන් පවසා ඇත්තේ කිසිවකුට ආධාර බෙදාදීමට ඉඩ ලබා නොදෙන ලෙසට තමන්ට නියෝගයක් ලැබී තිබෙන බවය.
මේ සම්බන්ධයෙන් අප වෙත අදහස දැක්වූ ජනාධිපති අපේක්ෂක මෛත්‍රීපාල සිරිසෙන මහතාගේ සොහොයුරකු වන කුමාරසිංහ සිරිසේන මහතා පැවසූවේ මේවන විට කිසිදු ආධාරයක් නොලැබීම නිසා දහස් ගනනක අසරන ජනතාවක් පොළොන්නරුවේ සිටින බවය. මෙලෙස ආධාර බෙදාදිම තහනම් කිරීම මිනිස්කමට නිගා දෙන තුච්ඡ කටයුත්තක් බවය.
