නමුත් මහින්ද රාජපක්ෂට හිටපු ජනපති ලෙස හිමි වරප්‍රසාද මැතිවරණයෙන් පසුව හිමි නොවන බවත් එවිට හිමිවන්නේ මන්ත්‍රී වරප්‍රසාද බවත් හෙතෙම පැවැසීය. විපක්ෂයේ මන්ත්‍රීවරයෙක්‌ වූවහොත් හිමිවන්නේ ආරක්ෂාවට පොලිස්‌ නිලධාරීන් දෙදෙනකු බවද පැවසීය.
පසුගිය කාලසීමාව තුළ හිටපු ජනාධිපතිවරයාට ජවිත තර්ජන අැති බවට විවිධ ප්‍රකාශයන් සිදු කිරීමක් දක්නට ලැබුණු බව මතකය.කෙසේ නමුත් බුද්ධි අංශ වර්තා අනුව මේ වන විට මහින්ද රාජපක්ෂ මහතා දැඩි ජීවිත අවධානමක් සහිත පුද්ගලයකු ලෙස නොසැලකේ. කෙසේ වෙතත් හිටපු ජනාධිපතිවරයාගේ ආරක්ෂාවට යැයි කියමින් පෞද්ගලික අරක්ෂක අංශයක් ගොඩ නැගීම සඳහා රාජපක්ෂ හිතවාදීන් උත්සහ කරමින් සිටි බවත්ද සැලවුණි.
කෙසේ වුවත් හිටපු ජනපතිවරුන්ට අාරක්ෂාව ලබා දෙන්නේ දේශපාලනය කිරීමට නොව ගෙදර‍ට වී විශ්‍රාම සුවෙන් සිටීමටය.නමුත් හිටපු ජනාධිපතිවරයා යළිත් දේශපාලනය කිරීමට පටන් ගැනීම තුළ ඔහුට ජීවිත තර්ජන අැති බවත් අාරක්ෂාව අවැසි බවත් පැවසූ අාකාරය සිහිපත්වේ. මේ වන විට හිටපු ජනපති කුරුණෑගලින් මැතිවරණයට ඉදිරිපත් වන්නේ නම් ඔහු මන්ත්‍රීවරෙයකි. ඒ විට ඔහුට ලැබිය යුත්තේ මන්ත්‍රී වරප්‍රසාද පමණි.
හිටපු ජනපති ලෙස අභිමානනීයව තම ඉදිරි ජීවිතය ගෙවනු විනා මහින්ද විරෝධි පාර්ශ්වයේ කොන්දේසි වලට හා විහිළු තහලු වලට යටත් වී නිවටයෙක් සේ මහමැතිවරණයට ඉදිරිපත්වීම තුළ ඔහු ලබන සංතෘප්තිය පිළිබද දැනෙන්නේ පිළිකුළකි.කෙසේ වූවත් මහින්ද රාජපක්ෂ විපක්ෂයේ මන්ත්‍රීවරයෙක්‌ වූවහොත් හිමිවන්නේ ආරක්ෂාවට පොලිස්‌ නිලධාරීන් දෙදෙනෙකි. මේ මෙහොත වන විට ජීවිත තර්ජන අවධානම ගැන පැවසු මහින්ද රාජපක්ෂට එම කතා පවා අමතක වී අැති සෙයකි.
