කොළඹ පදනම් ආයතනයේදී පසුගිදා (15) පැවති වැඩමුළුවේදී මෙලෙස මුදල සදහන් නොකළ ලැයිස්තුවකට අත්සන් ගැණීමට එම ආයතනයේ කලමනාකාරීනියක් උත්සහා ගෙන ඇති අතර ඊට එරෙහිවූ මැතිවරණ නිරීක්ෂකයන් අත්සන් තැබීම ප්‍රතික්ෂේප කර ඇත. මෙම උත්සාහය ගෙන ඇත්තේ මීට පෙරද තම පෙම්වතාට රුපියල් මිලියනයක මුදලක් ආයතනයෙන් වංචනිකව ලබා දීමට කටයුතු කළ කළමනාකාරීනියමය.
මුදල සදහන් නොකර දීමනා ගෙවනුයේ පසුව වැඩි මුදලක් එයට යොදා මුදල් යටි මඩි ගැසීමටද යැයි ප්‍රශ්න කළ ප්‍රාදේශීය මාධ්‍යවේදීන්ද වන මැතිවරණ නිරීක්ෂකයන්. ආයතනය වෙනත් ගෙවීම් කරන්නේ මෙසේද යැයි ප්‍රශ්න කර තිබේ.
එමෙන්ම ට්‍රාන්ස්පේරන්සි ඉන්ටර්නැශනල් ආයතනය කියන සුපිලිපන්භාවය මෙය දැයි ප්‍රශ්න කළ ඔවුන් මෙයට පෙරදී මෙවන් තත්වයකට මුහුණ නොදුන් බව ප්‍රකාශ කළහ. මින් පසු තමන් ට්‍රාන්ස්පේරන්සි ඉන්ටර්නැෂනල් ආයතනයේ මැතිවරණ නිරීක්ෂණ කටයුතු වලට සහභාගී නොවන බවද ඔවුන් සමහරක් පවසා ඇත.
එදිනම රාත්‍රියේ පැවතී ට්‍රාන්ස්පේරන්සි ඉන්ටර්නැෂනල් ආයතනයේ සාමාජිකයන්ගේ හමුවකදීද මෙම සිදුවීම දැඩි ලෙස විවෙච්නයට ලක්ව තිබේ. ආයතනයේ කීර්තිමත් සාමාජිකයන් වන චන්ද්‍රා ජයරත්න, නෙලුම් ගමගේ, ලසන්ත ද සිල්වා, සී. දොඩාවත්ත මෙහිදී අදහස් දක්වමින් ආයතනයේ කීර්තිනාමයට මෙවන් සිදුවීම් වලින් දැඩි හානියක් වන බව පෙන්වා දී ඇත.
