මීළඟ ජනාධිපතිවරණයේදී රට හැරවුම් ලක්ෂයක් කරා ගමන් කළ යුතු බව ජාතික හෙළ උරුමයේ මහලේකම්, අමාත්‍ය පාඨලී චම්පික රණවක මහතා පවසයි. නෙත් එෆ්.එම්. රේඩියෝවේ ඊයේ රාත‍්‍රියේ විකාශය වූ නෙත් එෆ්.එම්. අන්ලිමිටඞ් වැඩසටහනට සහභාගි වෙමින් ඒ මහතා මේ බව කියා සිටියේය.
රාජකාරී කාලසීමාව තුළ නීති විරෝධී රැස්වීමක් පැවැත්වීම සඳහා කොළඹ ජාතික රෝහලේ අධ්‍යක්ෂ වෛද්‍ය අනිල් ජාසිංහ මහතා අවසර ලබා දී ඇතැයි රජයේ වෛද්‍ය නිලධාරීන්ගේ සංගමය චෝදනා කරයි.
ලෝකයේ දුර්ලභ ලේ වර්ගයක් වන ‘බොම්බේ ඕ පොසිටිව්‘ ලේ සහිත මවක් පෙරේදා (29) මාතර මහ රෝහලේ දී දරුවකු ප්‍රසූත කළ බව එම රෝහල් අධ්‍යක්ෂිකා වෛද්‍ය දිල්කා සරණසිංහ මහත්මිය පැවසුවාය.
'පළමු පෙරමුණ' නමින් රටපුරා පෝස්ටර් අලවා ඇති බහුජන ව්‍යාපාරය බැසිල් රාජපක්ෂ අමාත්‍යවරයාගේ අතකොළුවක් බව, පෙරටුගාමී සමාජවාදී පක්ෂයේ 'ලංකා වීව්ස්' වෙබ්අඩවිය ප්‍රකාශ කරයි.
රජරට විශ්වවිද්‍යාලයේ උපකුලපතිවරයා හා ආචාර්යවරු පරිපාලන ගොඩනැගිල්ලක රදවා තබා ගැනීම හේතුවෙන් වසා දැමුණු සරසවිය නැවත විවෘත කිරිමටත්, තහනම් කළ ශිෂ්‍ය සංගම් නැවත ආරම්භ කිරීමට හා පන්ති තහනම් කළ සිසුන්ගේ පනති තහනම ඉවත් කිරීමටත් එහි පාලනාධිකාරිය අද (30) දින තීරණය කොට ඇත.
"මගේ මුළු සේසතම අරගෙන හරි මගේ අහිංසක දරුවා මට ආපසු දෙන්න. මං වැඳලා ඉල්ලන්නේ හයහතර නොතේරෙන දරුවට කරදරයක්‌ කරන්න එපා කියලා" යෑයි පැහැර ගැනීමට ලක්‌වූ මීගලෑවේ සිව් හැවිරිදි දරුවාගේ පියා හඬා වැළපෙමින් කියා සිටියේය.
රටපුරා රෝහල්වල ශ්‍රේණි 27කට අයත් කණිෂ්ඨ කාර්ය මණ්ඩලය අසනීප නිවාඩු වාර්තා කර වෘත්තිය සමිති අරගලයක යෙදී සිටීම නිසා, කොළඹ ජාතික රෝහලේ සහ කළුබෝවිල ශික්‍ෂණ රෝහලේ ද ඇතැම් කටයුතු සඳහා ද බාහිර පාර්ශ්වයන්ගේ සහය ලබාගෙන ඇත.
2013 වසරේ ‘මිස් අර්ත් එයාර්‘ හෙවත් ‘මිහිකත රූ රැජින‘ කිරුළ දිනා ගත් ඔස්ට්‍රියාවේ කාර්ටියා වැග්නර් අද (30) ශ්‍රී ලංකාවට පැමිණියාය. මෙවර ටී.වී දෙරණ විසින් සංවිධානය කරනු ලබන ‘වීට් මිස් ශ්‍රී ලංකා රූ රැජිනට කිරුළ පැළැන්දවීම ඇය විසින් සිදුකෙරෙනු ඇත.
