දෙමළ සන්ධානයේ නායක ආර්. සම්බන්ධන් මහතාගේ නායකත්වයෙන් යුත් කණ්ඩායමක් ඊට සහභාගිවේ.
ඔවුන් මෙම සාකච්ඡුාවේදී මෙරට වත්මන් දේශපාලනය සම්බන්ධයෙන් ඉන්දීය රජයේ නියෝජිතයින් දැනුවත් කිරීමට නියමිතය.
එමෙන්ම යුද්ධය අවසන් වීමෙන් පසු උතුරේ සහ නැගෙනහිර ප‍්‍රදේශවල සිදු වූ නැවත පදිංචි කිරීමේ කටයුතු සම්බන්ධයෙන් ද සාකච්ඡුා කිරීමට දෙමල සන්ධාන මන්ත‍්‍රී කණ්ඩායම බලාපොරොත්තුවෙන් සිටියි.
'' උතුරු පළාතේ ඇතැම් ඉඩම්වල තවමත් යුද හමුදාව සිය කඳවුරු පවත්වාගෙන යනවා. මේ නිසා උතුරේ ජනතාවට තම මුල් බිම්වල පදිංචි වීම සම්බන්ධයෙන් තවමත් ගැටලූ පවතිනවා. මෙවැනි කරුණු නිසා උතුරේ දෙමළ ජනතාව තවමත් පීඩාවට පත්ව සිටිනවා. මේ සම්බන්ධයෙන් අපේ මන්ත‍්‍රී කණ්ඩායම ඉන්දීය දේශපාලන බලධාරීන් දැනුවත් කිරීමටයි බලාපොරොත්තුවෙන් සිටින්නේ. එමෙන්ම උතුරේ ජනතාවට ලබාදෙන දේශපාලන විසඳුම සම්බන්ධයෙනුත් මෙහිදී සාකච්ඡුා කිරීමට නියමිතව තිබෙනවා..'' යයි පාර්ලිමේන්තු මන්ත‍්‍රී සුරේෂ් පේ‍්‍රමචන්ද්‍රන් මහතා කියා සිටියේය.
දෙමළ ජාතික සන්ධානයේ නියෝජිතයින් පිරිසක් නිල සංචාරයක් සඳහා අද ඉන්දියාව බලා පිටත්ව යති. එම සන්ධානයේ පාර්ලිමේන්තු මන්ත‍්‍රී සුරේෂ් පේ‍්‍රමචන්ද්‍රන් මහතා ගෙන් කළ විමසීමකදී කියා සිටියේ, ඉන්දීය අග‍්‍රාමාත්‍ය නරේන්ද්‍ර මෝදි මහතාගේ ආරාධනයකට අනුව මෙම සංචාරය සංවිධාන කෙරුණු බවයි.
Leave a comment
