ඔහු මේ බව කියා සිටියේ මහරගම තරුණ සේවා සභා ශ‍්‍රවණාගාරයේ ඊයේ (19) පස්වරුවේ පැවති ජාතික හෙළ උරුමයේ 11 වන ජාතික මහා සමුළුවට එක්වෙමිනි.
එම පක්‍ෂ සභාපති හා පාර්ලිමේන්තු කණ්ඩායම් නායක අතුරලියේ රතන හිමියන් සඳහන් කලේ ජනාධිපතිවරණයේදී හෙළ උරුමයේ සහාය දෙනුයේ කාටදැයි මධ්‍යම කාරක සභාව තීරණයක් ගන්නා බවයි.
පසුගිය දා පිවිතුරු හෙටක් උදෙසා ජාතික සභාව එළිදැක්වූ 19 වන ආණ්ඩු ක‍්‍රම ව්‍යවස්ථා සංශෝධන යෝජනාවේ ඇතුළත් කරුණු සම්බන්ධයෙන් ද උන්වහන්සේ එහිදී අදහස් පළ කළහ.
එළැඹෙන ජනාධිපතිවරණයට පෙර ව්‍යවස්ථා සංශෝධනයක් සිදු නොකළහොත් ඊට පොදු අපේක්ෂකයකු ඉදිරිපත් කරන බව සංවත්සරය අමතමින් එම පක්‍ෂ නියෝජ්‍ය ලේකම් උදය ගම්මන්පිල මහතා ප්රකාශ කළේය.
ජනාධිපතිවරයා ලවා ආණ්ඩුක‍්‍රම ව්‍යවස්ථා සංශෝධනයක් සිදුකර ගැනීමට උත්සහ දරන බවද කී ඒ මහතා මෙරට ජනතාව ව්‍යවස්ථා සංශෝධනයක් බලාපොරොත්තුවෙන් සිටින බවත් පෙන්වා දුන්නේය.
