ජ්‍යෙෂ්ඨ කථිකාචාර්ය පූජ්‍ය දඹර අමිල හිමියන් මෙහි මුලසුන දැරූ මෙම රැස්වීමට හිටපු අගවිනිසුරු සරත් එන් ද සිල්වා, ජනතා විමුක්ති පෙරමුණේ නායක අනුර දිසානායක, රාවය කතෘ කේ. ඩබ්. ජනරංජන, පාර්ලිමේන්තු මන්ත්‍රී අර්ජුන රණතුංග, විශ්වවිද්‍යාල ආචාර්යවරුන්ගේ සමිති සම්මේලනයේ සභාපති චන්ද්‍රගුප්ත තේනුවර, ශ්‍රී ලංකා නීතිඥ සංගමය නියෝජනය කරමින් අධිනීතිඥ චන්ද්‍රපාල කුමාරගේ, ශ්‍රේෂ්ඨාධිකරණයේ නීතිඥ ක්‍රිස්මාල් වර්ණකුලසූරිය, ජනාධිපති නීතිඥ ශ්‍රීනාත් පෙරේරා, නීතිඥ උපුල් කුමරප්පෙරුම, නීතිඥ සුනිල් වටගල, ප්‍රවීණ පරිවර්තක ගාමිණි වියන්ගොඩ, ශ්‍රී ලංකා මාධ්‍යවේදීන්ගේ වෘත්තීය සමිතියේ සභාපති මන්දනා ස්මයිල්, ඇතුළු විද්වතුන් පිරිසක් වේදිකාවේ අසුන්ගෙන සිටියහ.
රැලිය පැවැත්වෙමින් තිබෙන අතරතුර පාර්ලිමේන්තු මන්ත්‍රී රවී කරුණානායක මහතාද එක් විය.
මෙහිදි අදහස් දැක්වූ කථිකයින් සියලුදෙනාම නීතිවිරෝධී ජනාධිපතිවරණයක් පැවැත්වීමට විරුද්ධව අදහස් පළකළහ.
ප්‍රජාතන්ත්‍රවාදය සඳහා ජනතා ව්‍යාපාරය සංවිධානය කළ ''මහින්දට තුන්වරක් බැහැ - නීති විරෝධී ජනාධිපතිවරණය එපා'' යන තේමාව යටතේ ඊයේ (30) නුගේගොඩ පැවති ඓතිහාසික රැලියට ධාරානිපාත වර්ෂාව නොතකා අති විශාල ජනතාවක් පැමිණ සිටියහ.
මෙම රැලිය ඓතිහාසික එකක් වූයේ මහින්දට තුන්වරක් බැහැ කීමට ආණ්ඩුවේ සහායක පක්ෂයක් වන හෙළ උරුමයේ අතුරලියේ රතන හිමියන්ද ප්‍රධාන කථිකයෙක් ලෙස වේදිකාවට එක්වීමය.
Leave a comment
