අදාළ තනතුර සඳහා විශ්‍රාමික රේගු නිලධාරියෙකු පත්කිරීමට උත්සහ දැරීම සම්බන්ධව තම වෘත්තීය සමිති දැක්වූ විරෝධය සහ පසුව ඒ ගැන සිදුකළ සාකච්ඡාවේ එකඟතා ලෙස 2016-11-02 දින රේගු අධ්‍යක්ෂ ජනරාල්වරයා විසින් මුදල් අමාත්‍යංශයේ ලේකම්වරයාට දැනුම්දුන් ලිපියේ ඒ බව සඳහන් වන බව පෙන්වා දෙන රේගු වෘත්තීය සමිති වැඩිදුරටත් සඳහන් කර සිටින්නේ තමන් විසින් එවැනි නමක් පිළිබඳ දැනුම්වත් වුයේත් අදාළ ලිපියේ පිටපතක් ලැබීමෙන් පසුව බවය.
" ප්‍රධාන තොරතුරු තාක්ෂණ නිලධාරී තනතුර" පිළිබඳ පැවැති සාකච්ඡාවේදී තමන් පෙනී සිටියේ රේගුවේ අදාළ තනතුර වෙනුවෙන් සුදුසුකම් ඇති නිලධාරීන් ඕනෑතරම් ඇති බවත් එසේම සිදුකරන සියලු පත්වීම් සඳහා රේගු දෙපාර්තනේතුවේ බඳවා ගැනීමේ පටිපාටියට අනුකූලව සිදුකළ යුතුය යන්න වෙනුවෙන් බව එම ආරංචිමාර්ග වැඩිදුරටත් සඳහන් කරයි. මොහු පසුගිය රාජපක්ෂ සමයේ සිට වෙනත් ව්‍යපාර කටයුතු වල නිරත පුද්ගලයකු බවත් දැන ගැනීමට තිබෙන අතර එවැනි පුද්ගලයකුට මෙවැනි තනතුරක් ලබා දීම ද ගැටලු සහගතය.
තවද මේ ආකාරයෙන් රේගුවට බාහිර පුද්ගලයන් ඇතුළු කිරීමට උත්සහ ගැනීම ඇතුළුව කිසිදිනක සිදුවී නොමැති අයුරින් මේ වන විට ඉතා දැනුවත්ව ශ්‍රී ලංකා රේගුව දුර්වල කිරීමේ සුදානමක් තමන්ට පෙනීයන බවත් ඉදිරියේදී ඒ සම්බන්ධව දැඩි ක්‍රියාමාර්ග ගැනීමට තමන් කටයුතු කරන බවද ඔවුන් වැඩිදුරටත් පෙන්වා දෙයි.
සැබැඳි පුවත් :
