එම මුදල් පෞද්ගලික බැංකු ගිණුමක තබා තිබූ අතර පසුව එම මුදල් අත්හිටුවා ඇත. ෆීල්ඩ් මාර්ෂල් ෆොන්සේකා සඳහන් කර තිබුණේ එම මුදල තම දියණියගේ එවකට සිටි සැමියාගේ මවට තාවකාලිකව රඳවා තබා ගැනීම සඳහා ලබා දී ඇති බවයි. පසුව මේ සම්බන්ධයෙන් ඇයට එරෙහිව මහාධිකරණයේ නඩුවක් ගොනුකර තිබූ අතර එහිදී ඇය විනිමය පාලන පනත යටතේ වරදක් කළ බව පිළිගෙන එම මුදල් ෆීල්ඩ් මාර්ෂල්වරයාගේ බවට නීතිපතිවරයාට සහ අධිකරණයට දැනුම් දුන්නා. එම මුදලට හිමිකම් කියමින් මන්ත්‍රීවරයා අධිකරණයට දිවුරුම් ප්‍රකාශයක් ද ගොනු කර තිබුණි.
මුදල් නිදහස් කරනවාද නැද්ද යන්න පිළිබඳ තීරණය මුදල් අමාත්‍යාංශය විසින් ගත යුතු බවට මහාධිකරණය තීන්දු කර තිබූ අතර එම මුදල් ආපසු ගැනීමට ෆීල්ඩ් මාර්ෂල්වරයාට අමාත්‍යාංශය පසුගියදා අවසර ලබා දුන්නේය.
මන්ත්‍රීවරයා ඒ අනුව තිඹිරිගස්යායේ පිහිටි පෞද්ගලික බැංකු ශාඛාව වෙත ගියේය. කෙසේ වෙතත් සේප්පුව විවෘත කළ විට, සේප්පුවේ තිබූ මුදල්වලින් වැඩි ප්‍රමාණයක් වේයන් විසින් ගිල දමා ඇති බව ඔහු තුෂ්නිම්භූත විය. වේයන් ගෙන් ගැලවුණු බොහෝ විදේශ මුදල් නෝට්ටු බොහෝ දුරට වියැකී ගොස් හෝ දුර්වර්ණ වී තිබිණි. සමහර නෝට්ටු දැන් සංසරණයේ නැති බව ද ඔහු සොයා ගත්තේය.
විදේශ මුදල් රු. මිලියන 50ක් ගැලවිය හැකි විය. ෆීල්ඩ් මාර්ෂල්වරයා මේ සම්බන්ධයෙන් මුදල් අමාත්‍යාංශයට ලිඛිතව දැනුම් දී ඇති අතර තමන්ට අහිමි වූ මුදල් යළි ලබාදීමට කටයුතු කරන ලෙස ඉල්ලා තිබේ.
