ශ්‍රී ලංකා පොලීසියට වසර 160ක් පිරීම නිමිත්තෙන් සංවිධාන කරන ‘පොලිස් පාපැදි සවාරිය’ අද (01) පෙරවරු 7.30ට කොළඹ කොම්පඤ්ඤවීදිය පොලිස් මූලස්ථානය අසලින් ආරම්භ වුණා.

ශ්‍රී ලංකාවට පමණක් ආවේණික වූ තැඹිලි වගාව ජාත්‍යන්තර මට්ටමට ඔසවා තබමින්, රටේ අපනයන ආදායම ඉහළ නැංවීම, නව රැකියා උත්පාදනය සහ ග්‍රාමීය දිළිඳුකම තුරන් කිරීම අරමුණු කරගත් තැඹිලි ගම්මාන 250ක් පිහිටුවීමේ ජාතික ව්‍යාපෘතිය හෙට (02) ආරම්භ කෙරෙනවා.

ලබන සතියේ පාසල් යළි ආරම්භ කිරීමට පෙර රජයේ සහ ‌​ෙපෟද්ගලික පාසල් පරිශ්‍ර පිරිසුදු කරන ලෙස ජාතික ඩෙංගු මර්දන ඒකකය සියලු පාර්ශ්වවලින් ඉල්ලා සිටී.

සත්ත්ව හානි හේතුවෙන් වාර්ෂිකව පොල් ගෙඩි මිලියන දෙසීයකට පමණ හානි සිදුවන බව පොල් පර්‌යේෂණ ආයතනය සඳහන් කරයි.

බස්නාහිර සහ සබරගමුව පළාත්වලත් ගාල්ල, මාතර, මහනුවර සහ නුවරඑළිය දිස්ත්‍රික්කවලත් වැසි වාර කිහිපයක් ඇති විය හැකි බව කාලගුණවිද්‍යා දෙපාර්තමේන්තුව නිවේදනය කරයි.

මහජනතාවගේ සාමකාමී ජීවිතයට සහ අවට පදිංචිකරුවන්ට බාධාවක් නොවන පරිදි ශබ්ද විකාශන යන්ත්‍ර, ඇම්ප්ලිෆයර් සහ වෙනත් ශබ්ද උපකරණ නීත්‍යානුකූලව භාවිතා කරන ලෙස ශ්‍රී ලංකා පොලිසිය මහජනතාව වෙත දැනුම් දෙයි.

22 වන ආණ්ඩුක්‍රම ව්‍යවස්ථා සංශෝධන පනත් කෙටුම්පත සම්බන්ධයෙන් පෙත්සම් ගොනු කිරීමේ කාලය අද (31) දිනයෙන් අවසන් වේ.

මහරගම අපේක්ෂා රෝහල ඇතුළු පිළිකා රෝගීන්ට ප්‍රතිකාර කරන රෝහල්වල මේ වන විට ෆිල්ගැස්ටින් එන්නත නොමැති වීම හේතුවෙන් කි​මෝ තෙරපි ප්‍රතිකාර නතර කිරීමට සිදුව ඇතැයි පිළිකා රෝග පිළිබඳ වි​ශේෂඥ වෛද්‍යවරු පවසති.