අද තෛපොංගල් දා සිරගෙදර කල්දේරම් බත ඉදුනේ නැත.

Friday, 14 January 2022 16:14

"අස්වැන්න නෙලීමේ උත්සවය"යන අරුත ගෙන ඇති තෛපොංගල් උත්සවය ලොව පුරා වාසය කරන දමිළ ජනතව විසින් සෑම වසරකදීම සමරනු ලබයි.

පාරම්පරික ගොවි ජනතාව වාර්ශිකව සිය අස්වැන්න නෙ‍‍ලන අවස්ථාව පදනම් කරගෙන සමරනු ලබන මෙම උත්සවය සෞභාග්‍යය සහ ස්තූති කිරීම හා බැදී පවතින්නකි. මෙහිදී තම අස්වැන්න සරු වීමට උපකාර කළ වර්ශාව, සූර්යයා හා ගොවි සතුන්ට ස්තූති කරනු ලබයි. ගම්බද වැසියන් අලුත් ඇදුමෙන් සැරසී සිටින අයුරු දැකගත හැකි අතර මෙය ගවයන් සතු ජනතාවට බෙහෙවින් වැදගත් උත්සවයක් වේ. පොංගල් උත්සවය ඉන්දියාවේ තමිල්නාඩු වැසියන් හා ලෝවැසි සියළු දමිළ ජාතිකයින් විසින් සමරනු ලැබේ.

තෛපොංගල් උත්සවය දෙමළ ජනතාවගේ සංස්කෘතික භාවිතාවක් පදනම් කරගෙන බිහිවූවත් මෙහි හරය ලෝක වාසි ජනතාවටම වැදගත් පණිවිඩයක් ගෙන එන්නකි. තමන්ට අස්වැන්න ලබා දීමට උපකාර කළ සියලුම පණ ඇති, පණ නැති දේවල් වෙනුවෙන් ස්තූතිය පුද කිරීමේ ගුණය මෙහිදී ප්‍රකට කරවයි. එවැනි දිනයක් උත්සවශ්‍රීයෙන් සමරණ අද දින ජන සමාජයෙන් වෙන්කර තැබීමට ලක් කෙරුණු මිනිසුන් වෙනුවෙනුත් එනම් සිරගත කෙරුණු මිනිසුන් වෙනුවෙන් මේ අවස්ථාව සැමරුමක් කර දෙන්නට මනුස්සකමෙන් පිරිපුන් මිනිසෙකු උත්සාහයක් ගෙන තිබිණි.

ඒ අද දින වැලිකඩ බන්ධනාගාර ‍රැඳවියන් 3000 කට විශේෂ දිවා භෝජන සංග්‍රහයක් ලබා දෙමිනි. මේ අපූර්ව කටයුත්තට මුල පිරිවේ ඇවන්ට්ගාර්ඩ් සමූහ ව්‍යාපරයේ අධිපති නිශ්ශංක සේනාධිපති මහතාය. තමන්ට එරෙහිව එල්ල කළ අභූත චෝදනා මත වැලිකඩ සිරමැදිරියෙහි මාස කිහිපයක්ම රඳවා තබනු ලැබු සේනාධිපති මහතා තමන් ඇතුළු මේ සිරකරුවන් මුහුණ දෙන පීඩාකාරිත්වයන් අත්විඳ ඒ හොඳින් වටහාගත් අයෙකි. සිරකරුවන් යනුද මනුෂ්‍යයෝය යන්න තවමත් මේ සමාජයේ බහුතරය පිළිගන්නේ නැතැයි කීමෙහි වරදක් නැත. එහෙත් සමාජයෙන් බැහැර කළ යුතු, මිනිස් සමාජයට අනවශ්‍ය යැයි අච්චු කෙරූ සත්ව වර්ගයක් කොට ගැරහීමට පාත්‍ර වූ මේ මිනිස් කොට්ඨාශය යළිත් මේ මිනිස් සංහතියේ අභිවෘද්ධිය වෙනුවෙන් යොදා ගත යුතු, යොදා ගත හැකි බව විශ්වාස කරන නිශ්ශංක සේනාධිපති මහතා මේ සිරකරුවන් පුනරුත්තාපනය කිරීම දැවැන්ත වැඩ සටහනකට අත පෙව්වේ මීට කලකට පෙරය.

සිය පෞද්ගලික ධනයෙන් මිලියන සිය ගනනක් මේ මිනිසුන්ගේ අභිවෘද්ධිය වෙනුවෙන් ඔහු වැය කළේය. විවිධ හැකියාවන්ගෙන් යුතු මේ මිනිසුන්ට එම හැකියාවන් වැඩි දියුණු කර මේ රටේ සංවර්ධනය වෙනුවෙන් යොදා ගත හැකි අභිමානවත් පුරවැසියන් බවට පත් කරන්නත්, ඔවුන්ගේ ජීවිත සහ ඔවුන්ගෙන් යැපෙන්නන්ගෙ ජීවිත සමෘද්ධිමත් කර සෞභාග්‍යමත් අනාගතයක් උරුම කර දීම ඔහුගේ අවංක ප්‍රාර්ථනාව විය. ඒ අනුව විවිධ අවස්ථා, වැඩසටහන්, වෘත්තීය පුහුණු ආදිය සකස් කරමින් මේ මිනිස් ප්‍රජාව රටේ සමස්ත මිනිස් ප්‍රජාව හා බද්ධ කර සියල්ල යහපත් ලෙස ගොඩනැගීම ඔහුගේ ඉලක්කය විය.

අද දින වැලිකඩ බන්ධනාගරයේ, බන්ධනාගාර රෝහලේ සහ කාන්තා අංශයේ රැඳවියන් 3000 කට තෛපොංගල් උත්සවය වෙනුවෙන් දිවා භෝජනය සඳහා රසවත් බිරියානි සංග්‍රහයක් ලබා දීමට ඇවන්ට්ගාර්ඩ් ආයතනය පියවර ගෙන තිබිණි. හැමදාමත් සිරගෙදර මුළුතැන්ගෙයි සකස්වන නීරස කල්දේරම් බත වෙනුවට බිරියානි බතක් ලැබීම ඔවුන්ගේ සතුටට හේතුවන නිමේශයක්ම පමණක් නොවේ. මීට පෙර අවස්ථා ගනනවකදීම මෙවැනි සංග්‍රහයන් ගනනාවක් ද මේ ර‍ැඳෙවියන්ට ඇවන්ට්ගාර්ඩ් වෙතින් ලැබී තිබිණි. එහෙත් වැදගත්ම දේ මේ බත් පත නොවේ.
මේ මිනිසුන්ද මේ රටේ වැදගත් පුරවැසියන් ලෙස සැලකීමය. සමාජයෙන් වෙන් කර තැබීමේ පීඩනය සමඟ සමාජ වෛරයන්, මානසික කඩා වැටීම්, තවදුරටත් වරදටම පෙළෙඹීමට ඇති ඉඩ කඩ ආදිය මකා දැමීම මේ සංග්‍රහයන්ගේ තවත් අරමුණක් වේ. සෙසු රට වැසියා, තමන් යහපත් පුරවැසියන්ව එළියට එන තෙක් බලා සිටිනවාය කියන පණිවිඩය මේ අනුව මේ ‍රැඳවියන්ට ලැබේ. තවදුරටත් තමන් වෙනස් කොට සැලකීමකට භාජනය නොවන බව ඔවුන්ට දැනවීම, ඒ විශ්වාසය ගොඩනැඟීම වැදගත්ම දේය.

නිශ්ශංක සේනාධිපති මහතා වැලිකඩ රැඳවියකුව සිටියදී ලැබූ අමිහිරි අත්දැකීම් සහ එම තත්වයන් වෙනස් කළ හැකි බවට ඔහු එම සිර මැදිරියේ සිටියදීම සැලසුම් කළ වැඩපිළිවෙල යථාර්තයක් කිරීමට ඔහුට තිබූ ශක්තිය, අධිෂ්ඨානය නිසා අද මේ රැඳවියන්ට යහපත් අනාගතයක් ගැන බලාපොරොත්තු තබා ගැනීමට තරම් දේවල් සිදුවෙමින් තිබේ. එම තත්වයන් උදාකරලීම වෙනුවෙන් සේනාධිපති මහතාගේ එළඹුම සත්‍ය වශයෙන්ම අගය කළ යුතු ඉතා ඉහළම මානව ගුණාංගයක් බව කිසිවකුට ප්‍රතික්ශේප කළ නොහැක. කවුරු කෙතරම් අභුත අවලාද නැඟුවත්, ගැරහුමට පාත්‍ර කළත් නිශ්ශංක සේනාධිප්ති, උත්තම මනුෂ්‍ය ආත්මයෙහි නියම ගුණයන් කිසිදා අත්හලේ නැත. ඒ කිසිවකුට සමකළ නොහැකි තරම් උත්තුංග බව අනිවාර්යෙන් සටහන් කළ යුතුය.

Leave a comment

Gossip

චම්පිකගේ කරුමය

චම්පිකගේ කරුමය

රාජගිරියේදී වූ රිය අනතුරට අදාලව සමගි ජන බලවේගය පාර්ලිමේන්තු මන්ත්‍රී පාඨලී චම්පික රණවකට එරෙහිව පසුගි...

වඳ සැත්කම් කළා කිව් දොස්තර සාෆිට සියලු හිඟ වැටුප් ගෙවයි   

වඳ සැත්කම් කළා කිව් දොස්තර සාෆිට සියලු හිඟ වැටුප් ගෙවයි  

සිංහල කාන්තාවන් දහස් ගණනකට වඳ සැත්කම් කරන ලදැයි චෝදනා කරමින් දීර්ඝ කාලයක් අත් අඩංගුවේ රදවාගෙන සිට නි...

බෝම්බ ප්‍රහාරයෙන් ආබාධිත වූ මහින්ද විජේසේකරට කළ අපහාසයට මනූෂට දැඩි විරෝධයක්..

බෝම්බ ප්‍රහාරයෙන් ආබාධිත වූ මහින්ද විජේසේකරට කළ අපහාසයට මනූෂට දැඩි විරෝධයක්..

ධීවර රාජ්‍ය ඇමති කාංචන විජේසේකර මහතාගේ පියා වූ හිටපු අමාත්‍ය මහින්ද විජේසේකර එල්ටීටීඊ බෝම්බ ප්‍රහාරය...

අනුරයියාගේ ‍රැල්ල...

අනුරයියාගේ ‍රැල්ල...

බුකියේ ‍රැළි හැදීම සාමාන්‍ය දෙයක්..ඒවාත් මුහුදු රැළි වගේ එනවා යනවා. සමහර ඒවා අතරමඟදී සුනුවිසුනු වෙයි...

අනං මනං

ආත්මය විකුණු ප්‍රේමය ...

ආත්මය විකුණු ප්‍රේමය ...

එදාත් හරි ලස්සනට ඉර පායපු දවසක්උඹ ඇවිත් මගේ ලෝකේ පාට කරා බලාපොරොත්තු හින පෙන්නුවාමාත් හරි අසාව...

Connet With Us