අනතුරුව දශක තුනකටත් වැඩි කාලයක් මෙකී පුවත්පත් කලාව ලාංකේය භුමියේ නොපැවතුනු අතර ඒ හා බැදුනු ශිල්පීන් ප්‍රමාණයක් අද වන තුරුත් කලා ලෝකයේ ශේෂව පැවතුනි.
80 දශකයෙන් වියැකී ගිය එකී පුවත්පත් කලාව නැවත ආරම්භ කිරීමට ඒ කෙරේ උනන්දු වූ ශිල්පීන් පිරිසක් පසුගියදා කටයුතු කරනු ලැබීය. ඒ චිත්‍ර කතා රසවිදි පාඨකයන්ගේ මනදොල සපුරනුවස් රිසිරස නමින් චිත්‍රකතා පුවත්පතක් එළිදැක්වීමෙනි.
ඩී.ආර්. විජේවර්ධන මාවතේ ට්‍රයිනෝර් ෆෘඩ් රෙස්ටුරන්ට් හිදී පැවැති චාම් උත්සවයක් මගින් සැප්තැම්බර් 11 වන දින එළිදැක්වූ මෙම පුවත්පත එළිදැක්වීමට චිත්‍රකතා පාඨකයින් හා ශිල්පීන් විශාල පිරිසකගේ සහභාගීත්වයද ලැබී තිබිනි.
චිරත් මීඩියා ප්‍රකාශනයක් ලෙස එළිදැක්වූ රිසිරස පුවත්පතෙහි සංස්කාරකවරුන් ලෙස චිත්‍ර කතා ඉතිහාසයෙහි පතාක යෝධයන් වූ බලංගොඩ සරත් මධූ, විල්ටන් රාජපක්‍ෂ, ආරියසිරි කොඩිතුවක්කු, සුසිල් ජයශාන්ත ඇතුලත්ව ගයාෂාන් ඇල්පිටිය, රවී වික‍්‍රමතුංග ,අසිත දහනායක, පාලිත ජනරංජන,අනුර විජේවර්ධන,කුසුම් මංගලිකා,විජය කීර්ති ,රත්නසිරි මුණසිංහ, කුමුදු තාරක ද එක්ව සිටී. මෙහි ප්‍රධාන පි‍ටු සැලසුම් ශිල්පියා ලෙස සාලිය ලියනාරච්චි මහතා කටයුතු කරයි. එසේම චිත්‍රකතා පත්තර ඉතිහාසයේ ප්‍රථම වරට කාන්තා විකට චරිතයක් රිසිරස හඳුන්වා දෙයි ඇය සොපියාය. සොපියා, සාලිය ලියනාරච්චිගේ නිර්මාණයකි.
රිසිරස පුවත්පතෙහි පළවන කතාවන් හා ඒවා පන පෙවීමට දායකවන ශිල්පීන් පිරිස පහත දැක්වේ.
1 ගයාෂාන් ඇල්පිටිය - තක්කඩි
2 රවී වික‍්‍රමතුංග - රුවැත්ති
3 සුසිල් ජයශාන්ත - මැඩී
4 බලන්ගොඩ සරත්මධු - අත්සන
5 බලන්ගොඩ සරත්මධු - යුනිකෝන්
6 අසිත දහනායක - ශ‍්‍රී රාවන
7 පාලිත ජනරංජන - චොක්කගෙ පට්ට පේ‍්‍රමේ
8 අනුර විජේවර්ධන - රාජණී
9 සාලිය ලියනාරච්චි - සොපියා
10 කුසුම් මංගලිකා - කදුලට කදුලක්
11 විජය කීර්ති - සුදේහිනී
12 රත්නසිරි මුණසිංහ - හංසකුමාරී
13 විල්ටන් රාජපක්‍ෂ - මරණයේ සළකුණ
14 ආරියසිරි කොඩිතුවක්කු - කලුගිණිදැල්
15 කුමුදු තාරක - ලව් ඔප් සෝංග්
16චන්දන වීරසිංහ -2001
