රට ඉල්ලා සිටි සංහිඳියාව මෙය නොවේද?

Wednesday, 04 March 2015 11:06

උතුරත් දකුණත් බෙදා වෙන්කරගෙන රට පාලනය කිරීම වඩා පහසු යැයි කල්පනා කළ යුගය දැන් අවසන්ය.රට එක්සේසත් කළා ඒකීය කළා යනුවෙන් කළ ව්‍යාජය ගැන මෙරටේ පොළවේ පයගහගෙන සිටි කිසිවකුට අමුතුවෙන් පැහැදිලි කළ යුතු නැත.

පැවැති රාජපක්ෂ පාලනය තුලත් දැන් යළි රාජපක්ෂව අවශ්‍ය යැයි කියන සිංහල ජාතිවාදීන්ට නියම පිළිතුර මෛත්‍රීපාල සිරිසේන මහතා ලබා දී තිබේ. පසු ගියදා උතුරේ මහ ඇමැතිවරයා විසින් යෝජනා සම්මත කොට ගන්න ලද යෝජනාවක් නිසා සිංහල ජාතිවාදීන්ද, දෙමළ විමුක්තිකාමය තමන් තුල වෙතැයි කියමින් සිටි ඇතැමුන්ද ඊට එරෙහිව මත පළ කරන ලද්දේ උතුරේ දෙමල සංහාරයක් කෙදිනකවත් වූයේ නැති බවට මහා තරක විතර්ක ගොඩක් ඇද දමමිනි. උපන් ගෙයි ජාතිවාදීන් නොවුනත් සිංහල මහ ජාතියේ මහන්තත්ත්වකමට තමතමන්ගේ පීඩක විරෝධි, ව්‍යාජ ‍රැඩිකල් භාවයන්ද යම් දිනක ගොදුරුවන බව මේ සිදුවීමෙන් මනාව ඔප්පු විය.

ඒ එසේ වුවත් යළි සිංහල ජාතිවාදයට එසවීමට වලිකන ඉතා සුළු පිරිසක් සිටියද ඊට කිසිසේත්ම සිංහල සමාජය ඉඩ දිය යුතු නැත. උතුරේ දෙමළා ජාතිවාදය අවියක් කොට ගන්නේ සිංහලයාගේ නරක භාවිතාවට එරෙහිව මිසක් රට බෙදා වෙන් කර ගැනීමට නොවන බව විග්නේශ්වරන්ගේ යෝජනාව තුලද පැහැදිලිය.උතුරේ දෙමළ සමාජය ඉල්ලා සිටින්නේ ඓතිහාසිකව තමන්ට වූ අසාධාරණය පිළි ගන්නා ලෙසය. එය ශිෂ්ඨ සම්පන්න සිංහලයා පිළිගත යුතුව තිබේ. ඒ වරද නිවැරදි කළ යුතුව තිබේ. ඔවුන්ට යුක්තිය ඉ‍ටුකළ යුතුව තිබේ.

මෛත්‍රීපාල සිරිසේන මහතා උතුරේත් දකුණේත් වෙන් වෙනව නොව සමස්ථ රටක් ලෙස සලකා සිය පාලනය ගෙනයනු ඇතැයි උතුරේත් දකුණේත් ජනතාවගේ අපේක්ෂාවය. එක රටක් තුල භාෂා කිහිපයක් සංස්කෘතීන් කිහිපයක් පැවැතීම රටේ සංස්කෘතිකමය ශිෂ්ඨ සම්පන්න භාවය තවත් දියුණු කරනවා හැර රට ආපස්සට ගෙන යාමක් වන්නේ නැත. වෙනස් අනන්‍ය තාවයන්ට අවශ්‍ය නිදහස, අයිතිය සුරක්ෂිත කිරීමේ පාලන ක්‍රමවේදයක් මිස අපට බෙදුම්වාදී යුද්ධයක් අවශ්‍ය නැත. එවැනි යුද්ධයක් අවශ්‍ය වී තිබෙන කල්ලි කණ්ඩායක් කිහිපයක් තවමත් සිටින බව නුගේගොඩදීත් මහනුවරදීත් යාපනයේදීත් වූ සිදුවීම වලින් පෙනෙන්නට තිබුණත් ඒ තීරණාත්මක ලෙස පරාජය කළ යුතුව තිබේ. ඒ සඳහා ජනාධිපතිවරයාටත් අගමැතිවරයාටත් අවශ්‍ය ශක්තිය තිබේ යැයි අප විශ්වාස කරමු.

my3 go to jafna 1

my3 go to jafna 2

my3 go to jafna 3

my3 go to jafna 4

my3 go to jafna 5

Leave a comment

Gossip

සාරංගගෙන් වෙන් වුණ උමාලි රංගන ශිල්පියෙක් සමග විවාහ ගිවිස ගනී

සාරංගගෙන් වෙන් වුණ උමාලි රංගන ශිල්පියෙක් සමග විවාහ ගිවිස ගනී

උමාලි තිලකරත්න කියලා කියන්නේ හැමෝම ආදරය කරන රංගන ශිල්පිණියක්. ඇය ඉතාම ආදරෙන් විවාහා වී සිටියේ සාරංග...

පාස්කු ප්‍රහාරයේ සුළමුල හෙළිකරමින් මෛත්‍රීගෙන් පොතක්

පාස්කු ප්‍රහාරයේ සුළමුල හෙළිකරමින් මෛත්‍රීගෙන් පොතක්

"පාස්කු ප්‍රහාරය සැබෑ ලෙසම කළේ කවුරුන්ද කියලා තවම කිසි කෙනෙක් කියලා නෑ. ඒක මම දන්නවා කවුද කළේ කියලා"

ප්‍රමිතියේ ගැටලුවක් නිසා mc ලංකාව හැර යන්න සුදානමින්

ප්‍රමිතියේ ගැටලුවක් නිසා mc ලංකාව හැර යන්න සුදානමින්

මෙරට පිහිටි සියලුම මැක්ඩොනල්ඩ් අවන්හල් ශාඛාවන් නැවත දැනුම් දෙන තුරු වසා දමා තිබේ.

රනිල් බැසිල් අදත් හමුවේ. ඊයේ ගත්ත තීන්දුව දැනුම් දෙයි ?

රනිල් බැසිල් අදත් හමුවේ. ඊයේ ගත්ත තීන්දුව දැනුම් දෙයි ?

ජනාධිපති රනිල් වික්‍රමසිංහ මහතා සහ පොදුජන පෙරමුණේ නිර්මාතෘ හා හිටපු අමාත්‍ය බැසිල් රාජපක්ෂ මහතා අතර...

Connet With Us