එහිදී සත්ථිකුම්භ ජාතකයේ තාපස කණ්ඩායමට එක්වන ගිරවාට සුපිරි ක්‍රිකට් ක්‍රීඩක සචින් ටෙන්ඩුල්කාර් සමාන වන අතර සොර මුළට හසුවන ගිරවාට සමාන වන්නේ, සචින්ගේ පාසල් සමයේ හොඳ ම මිතුරා වූ විනෝද් කම්බ්ලි ය.
සචින් ටෙන්ඩුල්කාර් ඉන්දියානුවන් සලකනුයේ, දෙවි කෙනෙකු ලෙස ය.
එහෙත්, හිටපු ක්‍රිකට් ක්‍රීඩකයෙකු වූ විනෝද් කම්බ්ලි මේ වන විට මූල්‍යමය වංචාකරුවෙකු බවට ප්‍රසිද්ධියට පත්වී අවසන් ය.
DNS Bank නමැති ඉන්දීය බැංකුවක් විසින් පළ කරනු ලැබූ පුවත්පත් දැන්වීමක සඳහන් වූයේ, විනෝද් කම්බ්ලි සිය බැංකුවෙන් නිවාස සහ රථවාහන ණය ලබාගෙන ඇති අතර එම ණය මුදල්වල වාරික ගෙවීම් රැසක් පැහැර හැර ඇති බව ය.
මේ පිළිබඳව අවස්ථා රැසකදී ඔහුට දැනුම් දී ඇතත් කිසිදු ප්‍රතිචාරයක් දක්වා නොමැත.
මේ හේතුවෙන් ඔහුගේ නිවසට ගිය සිය බැංකුවේ නිලධාරිණියකට ඔහුගේ බිරිඳ පහර දී ඇතැයි ද එම දැන්වීමෙහි සඳහන් වන බව NDTV පුවත් සේවය පවසයි.
හින්දි බසින් පළ කර තිබූ එම පුවත්පත් දැන්වීම පහත දැක්වේ.
(සිරස)
