ඉන්දියාව 2017 වර්ෂය වන විට ඇමෙරිකාව අභිභවා යමින් මෙම ස්ථානයට පත්වනු ඇති බව මෙම සමීක්ෂණයෙන් හෙළිව තිබේ. ජංගම දුරකතන ඔස්සේ 'ෆේස් බුක්' සමඟ වැඩිම පිරිසක් සම්බන්ධ වන රට ලෙස දැනට මුල් තැන හිමි කරගෙන සිටින්නේ ඇමෙරිකාවයි.

එරට ලක්ෂ 1,231ක පිරිසක් දැනට ජංගම දුරකතන භාවිතයෙන් 'facebook' සමඟ සම්බන්ධ වන අතර දෙවැනි තැන සිටින ඉන්දියාවේ එම සංඛ්‍යාව ලක්ෂ 1,015ක් වේ. මේ වර්ෂයේදී ඉන්දියාවේ කෝටි දහය ඉක්මවන පිරිසක් ජංගම දුරකතන භාවිතයෙන් 'facebook' හා සම්බන්ධ වනු ඇතැයි පෙන්වාදී ඇති එම සමීක්ෂණය අනුව 2017 වර්ෂය වන විට ඉන්දියාව ඇමෙරිකාව අභිභවා යන බව පෙන්වා දෙයි.

ඉන්දියාවේ මාධ්‍ය වාර්තා කරන පරිදි මෙම සමීක්ෂණ වාර්තාවට අනුව මේ වර්ෂයේදී ජංගම දුරකතන භාවිත කරන බිලියනයක් දෙනාගෙන් සෑම අයකුම මසකට වරක්වත් සිය ජංගම දුරකතනය ඔස්සේ 'facebook' වෙබ් අඩවිය හරහා සම්බන්ධ වනු ඇත.