ඊයේ (26)සංචාරකයෙකු ලෙස වෙස් වලා ගත් පුද්ගලයෙකු හදිසියේම වෙරළේ හිරු රශ්මිය විඳිමින් සහ පිහිනමින් සිටි සංචාරකයන්ට ඉවක් බවක් නොමැතිව වෙඩි තැබීම නිසා මෙම මරණ සිදු වී තිබේ.
මිය ගිය සංචාරකයන් අතර බ්‍රිතාන්‍ය, බෙලිජියන්, ප්‍රංශ සහ ජර්මානු ජාතිකයෝද සිටිති.
මේ අතර වෛරය පතුරුවන බවට චෝදනා ලද ටියුනීසියාවේ පල්ලි විශාල ප්‍රමාණයක් වසා දැමීමට නියෝග කර ඇතැයි එරට අගමැති හබීබ් එසිඩ් පවසයි.
ආරක්ෂක හමුදාව විසින් එක් තුවක්කු කරුවෙකු මරා දමා ඇති බව මීට පෙර වාර්තා සඳහන් කර තිබුණු නමුත් ඔහු තනිවම මෙම ප්‍රහාරය එල්ල කළේ ද යන්න තවමත් පැහැදිලි නැත.
මාස කිහිපයක් ඇතුළත මෙවැනි ප්‍රහාරයන් දෙකක් සිදු වූ අතර එය ටියුනීසියාවේ සංචාරක කර්මාන්තයට තද බල පහරක් වී තිබේ.
මාර්තු මාසයේ දී ටියුනීසියාවේ කෞතුකාගාරයකට එල්ල වූ වෙඩි ප්‍රහාරයකින් විසි දෙනෙකු පමණ මරණයට පත් විය.
