වඳ සැත්කම් කරන ලද බවට චෝදනා කරමින් වෛද්‍ය ශාෆී සහාබ්දීන් අත් අඩංගුවට ගත් පසු, ඔහුගේ සේවය අත්හිටුවා නැති අතර, සිදුකර තිබෙන්නේ ඔහු අනිවාර්ය නිවාඩු යැවීම පමණක් බවත්, ඒ හේතුව මත, ඔහුට ගෙවීමට තිබෙන හිග වැටුප් ගෙවන ලෙස නියෝගය නිකුත් කර තිබෙන බවද නීතීඥවරයා පවසයි.

ෂාෆී ශහාබ්දීන් සම්බන්ධයෙන් පළමු ආන්දෝලනාත්මක හෙළිදරව්ව සිදු කරන ලද්දේ දිවයින පුවත්පතයි. ඒ, 2019 වසරේ මැයි මාසයේ 23 වන දා ය.

ඊට දින කිහිපයකට පසුව අපරාධ පරීක්ෂණ දෙපාර්තමේන්තුව මගින් ඔහු අත් අඩංගුවට ගනු ලැබී ය.

පරික්ෂණ මෙහෙය වූ අපරාධ පරීක්ෂණ දෙපාර්තමේන්තුව, ෂාෆී සහාබ්දීන්ට එරෙහිව එල්ල වී තිබෙන චෝදනා සනාත කිරීමට සාක්ෂි නොමැති බව අධිකරණය හමුවේ කරුණු දැක් වී ය.

අත් අඩංගුවට ගෙන මාස දෙකකට පමණ පසු, 2020 වසරේ ජූලි මාසයේ 26 වන දා ඔහු ඇප මත මුදා හැරියේ ය.

මව්රටa