Derana dream star” පස්වන අදියරේ සුපිරි තරුව ලෙස පසුගියදා අභිසෙස් ලැබුවේ ඇඹිලිපිටියේ එම්.ජී. ධනුෂ්ක යි. අවසාන තරගය පැවති දින වැඩසටහනේදී එම්.ජී. ව “චක්‍රවර්ති” ලෙස හැඳින්වීම හේතුවෙන් බයිලා චක්‍රවර්ති එම්.එස්. ප්‍රනාන්දු ගායකයාණන් හට අපකීර්තියක්, අගෞරවයක් සිදු වී යයි සංගීත ක්ෂේත්‍රයේ කතාබහක් ඇති වී ඇති අතර “සැබැවින්ම අපේ පියා (එම්.එස්. ප්‍රනාන්දු) දශක ගණනාවක් රැගෙන ආ ‘චක්‍රවර්ති’ නාමය reality වැඩසටහනකින් ආ SMS තරුවකට දීලා අපේ පියාට කලා ලොවේ ඉන්න කුහකයින් පිරිසක් මේ කළේ අගෞරවයක්” යයි පවසමින් එම්.එස්. ගේ දරුවෝ ද සිය විරෝධය ප්‍රකාශ කරමින් සිටිති.


ඒ පිළිබඳව එම්.එස්. ගේ පුතෙකු වන සරත් ප්‍රනාන්දු කතාබහකට එක් වුණේ මෙසේ ය.

“අපේ පියාගේ වියෝ වීමෙන් පසුව මේ වනතුරුම එතුමාගේ නාමයට හානියක්, අගෞරවයක් වන අයුරින් සංගීත ක්ෂේත්‍රයේ කිසිවෙකු හෝ මේ වගේ දෙයක් කරලා නැහැ. ඇත්ත වශයෙන්ම මේ දේ කරලා තියෙන්නේ අපගේ පියාගේ කීර්ති නාමයට ඊර්ෂ්‍යා කරන කුහක සිත් ඇති තමන් කලාකාරයින් යයි කියා ගන්නා තුට්ටු දෙකේ කලාකරුවන් පිරිසකගේ මෙහෙයවී‍මෙන් කියලයි අපට හිතෙන්නේ. සත්තකින්ම මෙය කුහකකමක්. අපගේ පියා වියෝ වීමෙන් පසුවත් ‘චක්‍රවර්ති’ නමින් හැඳින්වෙමින් ජනප්‍රියත්වයේ රැඳී සිටිමින් එතුමාගේ ගීත රැව් පිළිරැව් දී පවතිනවාට ඊර්ෂ්‍යා කළ ඔය තුට්ටු දෙකේ කුහක කලාකාර පිරිස මාන බලබලා උන්නේ ‘චක්‍රවර්ති’ යන ඔය වටිනා නාමය කාට හෝ දීලා නැතිකර දමන්නයි. ඔය SMS තරුව අපේ පියාගේ ගීත ගායනා කළ හින්දා එම කුහකයින් මේක අවස්ථාවක් කර ගත්තා ඔවුන්ගේ කුහක අරමුණ ඉටු කර ගන්න.”

 

  • ඔබේ පියාගේ නමට මෙම “චක්‍රවර්ති” නාමය එක් වූ අයුරු පවසනවා නම්..?

“අපේ පියා ‘චක්‍රවර්ති’ නාමය ලබා ගත්තේ ආවට ගියාවට නෙමේ. එතුමා ගීත ගායන කලාවට යොමුවෙලා, පුහුණුවීම් කරලා, වාද බයිලා ක්ෂේත්‍රයේ බලකණු සමඟ තරග කරලා, රන් සහ රිදී කුසලාන 159 ක් දිනා ගනිමින් ඉමහත් කැපවීමක් කරලා තමයි ඔය වටිනා නාමයෙන් පිදුම් ලැබුවේ. එමෙන්ම එතුමා භාෂා පහකින් ගීත ගායනා කළා. රසික ජනතාව ඉදිරියේ ප්‍රසිද්ධ වේදිකාවේ එවලේම දුන් මාතෘකාවට පද බැඳ ගායනා කර ‘චක්‍රවර්ති නාමය සඳහන් රන් බෝ කොළය කරුණාරත්න අබේසේකර කලාකරුවාණන්ගෙන් තමයි ලබා ගත්තේ. මෙම නාමය අපේ පියාට ලැබුණේ එතුමාගේ සුවිශේෂ දක්ෂතාව නිසා මිස ඔය අවිචාරවත් SMS නිසා නෙමේ. ‘චක්‍රවර්ති’ නාමය reality වැඩ සටහනකින් ආපු SMS තරුවකට දීම මෙම ගෞරවනීය නාමයට වගේම අපේ පියාටත්, එතුමාගේ දරුවන් වන අපටත්, එම්.එස්. ප්‍රනාන්දු ගායකයාණන්ට ආදරය කරන එතුමාගේ ගීත වලට ප්‍රිය කරන රසික රසිකාවියන්ටත් කළ අගෞරවයක් ලෙසයි අපි සලකන්නේ.”

 

  • ඔබ පැහැදිලිවම පවසන්නේ ‘චක්‍රවර්ති’ ලෙස එම්.ජී. ව හැඳින්වීම හේතුවෙන් මෙම අගෞරවය සිදු වූ බව ද..?

“ඔව්. එම නිසා අපේ පවුලේ හැමෝමත්, සංගීත කලාව හොඳින් දන්නා කලාකරුවනුත්, අපේ පියාට ආදරය කරන රසික රසිකාවියනුත් දැඩි අපහසුතාවයකට පත් වුණා. ඒ අවස්ථාවේ සිට මෙතෙක් අපට දුරකථනයෙන්, facebook එකෙන්, e-mail වලින්, skype එකෙන් සහ හමුවීමෙන් අදහස් දක්වන එතෙර මෙතර සිටින රසික හිතවතුන්ගේ ප්‍රතිචාර වලින්ම අපට පැහැදිලිව දැනෙනවා ඔවුන් මොනතරම් නම් අපහසුතාවයකට පත් වීද ඉන්නේ කියන එක. ඔවුන් වත්, අපේ පවුලේ කිසිවෙකු වත් SMS තරුව සමඟ අමනාපයක් නැහැ. මොකද ඔහු නොවේනේ ‘චක්‍රවර්ති’ නාමය දමා ගත්තේ. පැහැදිලිවම මෙවැනි වටිනා නාමයක් ලබන්න තම ජීවිතය කැප කළ එම්.එස්. ප්‍රනාන්දු නම් අග්‍රගණ්‍ය කලාකරුවාට මේ අගෞරවය කළේ අප මුලින් සඳහන් කළ අපේ පියාගේ ජනප්‍රියත්වය ඉවස දරා ගත නොහැකිව සිටින අර තුට්ටු දෙකේ කලාකාර කුහකයින් පිරිසයි. (“තොප්පිය හරි නම් දාගන්න” යයි උපහාස ස්වරයෙන් පවසා හිනැහෙමින්...) ඔවුන් මාන බලමින් උන්නේ කොයි යම් මොහොතක හෝ ‘බයිලා චක්‍රවර්ති එම්.එස්. ප්‍රනාන්දු’ නාමය ඉදිරියට ගෙන එන එතුමන්ගේ දරු පරපුරට ප්‍රහාරයක් එල්ල කරන්නයි. මේ කළේ ඒ කුහක පහර දීමයි.”

 

  • එම්.ජී. ට ‘චක්‍රවර්ති’ නමින් හැඳින්වීම නොගැළපෙන බව ද ඔබ තවදුරටත් අදහස් කරන්නේ...?

“සංගීත ක්ෂේත්‍රයේ කාට වුණත් ඒ දෙය පැහැදිලිවම තේරෙනවානේ. SMS reality වැඩසටහනින් අපේ පියාගේ ගී ගැයුවාට ඔය SMS ‘චක්‍රවර්ති නාමය කොහෙත්ම ගැළපෙන්නේ නැහැ. වෙනත් ගායන ශිල්පියෙකු අනුකරණය කරමින් අනුන්ගේ ගීත ගයමින් SMS වලින් ආව ඔහුට කොහොමද මේ වටිනා නාමය දෙන්නේ...? මෙය වැරැද්දක්. මීට අපේ පවුලේ බලවත් අප්‍රසාදය අපි පළ කරනවා.”

 

 

  • ඔබ ඇතුළු සහෝදරයින් විසින් ඊට පිළියම් ලෙසින් කිසියම් පියවරක් ගත යුතුයි නේද...?

“අපි විමසිල්ලෙන් ඉන්නවා. මොකද ඔය SMS තරුව පවසා තියෙනවානේ තරගයේදී අපේ පියාගේ ගීත ගායනා කළාට ඉන්පසුව ගායනා නොකරන බව. ශ්‍රී ලංකාවේ බයිලා චක්‍රවර්ති එම්.එස්. ප්‍රනාන්දු කියන්නේ අපේ පියාට පමණයි. මේ ලොව පවතින තාක් කල් එය වෙනස් කරන්න කාටවත්ම බැහැ. මේ රටේ බුද්ධිමත් රසික ජනතාව දන්නවා - නියම බයිලා චක්‍රවර්තිගේ ගීත ගායනා කරන්න එතුමාගේ පුතුන් සහ සහෝදරයා (වෝල්ටර් ප්‍රනාන්දු) සිටින බව. මම මේ ප්‍රකාශය කරන්නේ අපේ පවුලේ හැමෝම වෙනුවෙනුයි. කුහකයින් පිරිසකගේ ඕනෑකමට ඔය මොන දේ කළත් ඒවාට අපි සැලෙන්නේ නැහැ. හැමදාටම අපේ පියා එම්.එස්. ප්‍රනාන්දුම ‘බයිලා චක්‍රවර්ති’ මිස අන් කිසිවෙකු චක්‍රවර්ති නොවේ. මේ අවස්ථාවේ අපව දැනුවත් කරමින් අප සමඟ රැඳි සිටින සියලුම රසික හිතවතුන්ට ස්තූතියි.”

(සිළුමිණ- රසඳුන)

මිලේච්ඡත්වය කරා සමාජය ඇදගෙන යන මේ ගමන ඇතුලේ විවිධ අන්තවාදී සංවිධාන නිර්මාණය වුණ බවත් එවැනි විවිධ බල සේනා හැදී වැඩුණේ පෝෂණය වුණේ මේ ආණ්ඩුවේ ඔඩොක්කුවේම බවත් සම අයිතිය ව්‍යාපාරයේ කැඳවුම්කරු රවීන්ද්‍ර මුදලිගේ පවසීය.

ශ්‍රී ලංකා නීතිඥ සංගමය විසින් අලූත්ගම සිදුවීමට පෙර සිටම ප‍්‍රකාශ කළා බොදු බලසේනාව සම්බන්ධයෙන් නීතිය කි‍්‍රයාත්මක කළ යුතුයි කියලා. අලූත්ගම සිදුවීමෙන් පසුවත් එය සිදුවෙලා නැහැ.

"සුන්දර චන්දරේ" ටෙලි නාට්‍යයේ ඔබ අන්ධ යුවතියක්. ඒකට ලැබෙන ප්‍රතිචාර කොහොමද?

ගොඩක් හොඳයි. ඒකේ මම "සැංගී, සැංගී ඈත සූරියා දිලෙන්නා" කියන ගීතය ගායනා කරන කොටසක් තියෙනවානෙ. ඒක කියන්න කියලා තමයි ගොඩක් ප්‍රේක්ෂකයෝ මගෙන් ඉල්ලන්නෙ.

Muthu-Taaranga-4

ඔබ වැඩිපුරම රඟපාන්නෙ අහිංසක, ගැමි සුන්දර චරිත. ඇයි ඊට වඩා වෙනස් චරිත තුළ ඔබව දැකගන්න නැත්තෙ?

'අම්මාවරුනේ, කියන නාට්‍යයෙ මම වෙනස් චරිතයක් කළා. ඒක ටිකක් බටහිර පන්නයේ චරිතයක්. ඒත් ගොඩක් ප්‍රේක්‍ෂකයෝ මම එවැනි චරිතවලින් දකින්න කැමැති නෑ.

නිරුවත් රංගනයකට ටැලන්ට්ස් නෑ - මුතු තරංගා

Muthu-Taaranga-1

Muthu-Taaranga-3

Muthu-Taaranga-2

Muthu-Taaranga-5

 

“පුංචිම කා‍ලේ වැස්සක් වැටෙනකල් මම බලා ගෙන ඉන්නේ කඩදාසි බෝට්ටු හදලා වතුරේ පා කරලා යවන්න. වැස්සෙ දැඟලුවට, වැලි සෙල්ලම් කළාට, මැටිවලින් රූප ඇඹුවට අම්මගෙන් කවදාවත් තහංචි වැටුණේ නැහැ.ගෙදර වැඩට කට්ටිය හිටියට උයන පිහන මහන ගොතන කටයුතු අම්මා මට පුරුදු කළේ පුංචි කාලෙදීමයි. ගොයම් කපන කාලෙට මමත් කුඹුරු වැඩට උදව් වුණා. වටාපිටාවේ ළමයි එක්ක ඇති තරම් සෙල්ලම් කළා. ගෙදර වැඩට කට්ටිය හිටියට උයන පිහන මහන ගොතන කටයුතු අම්මා මට පුරුදු කළේ පුංචි කාලෙදීමයි. ගොයම් කපන කාලෙට මමත් කුඹුරු වැඩට උදව් වුණා. වටාපිටාවේ ළමයි එක්ක ඇති තරම් සෙල්ලම් කළා. සමහරු කියනවා අද ළමයින්ට ළමා කාලය අහිමි වෙලා තියෙන්නේ අධ්‍යාපන තරගය නිසා කියලා. මම නම් ඒක පිළිගන්නේ නැහැ. එදත් ඔය අධ්‍යාපන තරගය තිබුණා. ඒත් අපිට ළමාවිය විඳින්න ඉඩකුත් තිබුණා. මම මුලින්ම පුද්ගලික පන්තියකට ගියේ සාමාන්‍ය පෙළ කරද්දී. හැබැයි අපි එදා ළමා විය විඳිමින්, ජීවිතය විඳිමින් අධ්‍යාපන තරගයටත් ඉතා සාර්ථකව මුහුණදීලා පාසල් අධ්‍යාපනය වගේම විශ්වවිද්‍යාල අධ්‍යාපනයත් ජයගත්තා.

 

ප්‍රශ්නය - මේ දිනවල අපේ රටේ දේශපාලන කථිකාව තුළ මංගල සමරවීර කියන්නේ විවාදිත චරිතයක්‌. දර්ගා නගරය මුල් කරගෙන පසුගිය දිනවල ඇතිවුණ සිංහල මුස්‌ලිම් ගැටුම්වලට අපේ රටේ රාජ්‍ය බුද්ධි අංශය සම්බන්ධ බව කියමින්, ඔබ කළ හෙළිදරව්ව ඊට මුල් වුණා. මෙවන් බරපතළ චෝදනාවක්‌ රටේ රාජ්‍ය බුද්ධි අංශයට කරන්න ඔබට තිබෙන අයිතිය මොකක්‌ද?

පිළිතුර - රටක රජයේ බුද්ධි අංශය රටට අහිතකර යම් යම් ක්‍රියාවන්වල යෙදෙනවා නම්, බුද්ධි අංශය පටු දේශපාලන න්‍යාය පත්‍රයක්‌ අනුව වැඩ කරනවා කියල අපට තොරතුරු තියෙනවා නම්, පාර්ලිමේන්තු මන්ත්‍රීවරයෙක්‌ හැටියට අපට විශේෂ වගකීමක්‌ තියෙනවා, අපි දන්න දේ රටට හෙළිදරව් කිරීමට.

 

ප්‍රශ්නය - රාජ්‍ය බුද්ධි අංශයක්‌ කියන්නේ රජයේ පාලන තන්ත්‍රයේ අතිශයින් රහසිගත හා සංවේදී ආරක්‍ෂක ඒකකයක්‌. එහි රහස්‌ හා තොරතුරු විපක්‍ෂයේ දේශපාලනඥයන් අතරට යනවා කියන්නේ එක්‌ අතකින් බුද්ධි අංශයේ දුර්වලකමක්‌. අනිත් අතින් විපක්‍ෂයේ තිබෙන කුමන්ත්‍රණකාරී රාජ්‍ය විරෝධී කඩාකප්පල් වැඩපිළිවෙළ හෙළිදරව් කරන්නක්‌.

පිළිතුර - නෑ. නෑ. ඔච්චර දුර යන්න එපා. අපි ඉස්‌සරවෙලා තේරුම් ගනිමු. රජය බුද්ධි අංශයක්‌ තුළින් බලාපොරොත්තු විය යුතු රාජකාරිමය ස්‌වභාවය මොකක්‌ද කියලා. විශේෂයෙන්ම යම් බුද්ධි අංශයක්‌ රටේ ආරක්‍ෂාව හා සාමය පවත්වාගෙන යැමට, යම් ත්‍රස්‌තවාදී වැඩපිළිවෙළක්‌ මර්දනය කිරීමට, රටේ ආරක්‍ෂාව භෞමික අඛණ්‌ඩතාව හා ස්‌වෛරීත්වය ආරක්‍ෂා කිරීමට ගන්නා වැඩපිළිවෙළ හා උපාය මාර්ග තිබෙනවා නම් ඒවා යම් යම් මාර්ග මගින් සොයාගෙන හෙළිදරව් කරනවා නම් ඒක මහා බරපතළ විශාල වරදක්‌ බව මමත් පිළිගන්නවා. ඒවා හෙළිදරව් කිරීම බරපතළ වරදක්‌. නමුත් යම් බුද්ධි අංශයක්‌ රටේ සාමය හා ආරක්‍ෂාව කඩ කරන එක්‌තරා කණ්‌ඩායමක්‌ වෙනුවෙන් පෙනී සිටිනවා නම්, ඔවුන් ආරක්‍ෂා කරනවා නම්, රටේ ජාතීන් අතර සාමය හා සහජීවනයට හානි වන අයුරින් ක්‍රියා කරනවා නම් රටේ පැවැත්මට අහිතකර යම් ක්‍රියාවල යෙදෙනවා නම් ඒවා රාජ්‍ය රහස්‌ නෙවෙයි. රාජ්‍ය රහස්‌වල මුවාවෙන් කරන දේශපාලන තක්‌කඩිකම්. මම හෙළිදරව් කරන්නේ ඒ තක්‌කඩිකම් විතරයි.

 

ප්‍රශ්නය - සමස්‌ත බුද්ධි අංශයටම ඔබේ ඔය චෝදනාව අදාළ ද............?

පිළිතුර - නෑ. නෑ... බුද්ධි අංශ භාර ප්‍රධානියා යටතේ ඉන්න නිලධාරීන් කිහිපදෙනෙක්‌. ඕන්නම් මම නම් කියන්නම්. (නම් කීමට සූදානම් වෙයි) තව නම් තියෙනවා ලැයිස්‌තුවක්‌. විශේෂයෙන්ම පසුගිය කාලය පුරාම ලංකාවේ බොදු බල සේනා කියන සංවිධානයට මඟ පෙන්වන, ආරක්‍ෂාව දෙන රාජ්‍ය මුදල් පවා ලබා දෙන දිරිමත් කරන නිලධාරීන් කිහිපදෙනෙක්‌ම තමයි මම හෙළිදරව් කරන්නේ..... මෙයාලත් මේ කරන්නේ තමන්ට ඉහළින් ඉන්න ප්‍රධානියෙක්‌ගේ අණ ක්‍රියාත්මක කිරීම.... ඒ අනුව තමයි, මුස්‌ලිම් විරෝධී ව්‍යාපාරයක්‌ රට පුරා ක්‍රියාත්මක වෙන්නේ. ඒක කරන ප්‍රධානියෙක්‌ ඉන්නවා. ඔහු පිටුපස ඉන්න තව දේශපාලන කණ්‌ඩායමක්‌ ඉන්නවා.

 

ප්‍රශ්නය - ඇයි ඔවුන් ගැන කෙළින් කියන්නේ නැත්තේ.. කවුද ඒ ප්‍රධානියා...... කවුද ඒ බලවේගය.

පිළිතුර - කියන්නම්.... (සිනාසෙමින්) පළ කරනවාද.. ඒ තමයි රටේ ආරක්‍ෂක අමාත්‍යාංශයේ ඉන්න (ඉහළම නිලධාරියකුගේ තනතුර කියයි) එයා පිටුපස්‌සේ ඉන්නේ කවුද කියන්න ඕන නැහැනේ.

 

ප්‍රශ්නය - මෙය භයානක චෝදනාවක්‌. ඔබට එහෙම කියන්න සාධක තියෙනවාද?

පිළිතුර - මොකද නැත්තේ. කොච්චර තියෙනවාද? මම මේක කිව්වේ අද ඊයේ නෙවෙයි. ඔය "හලාල්" ව්‍යාපාරය මුල් කරගෙන ඔය බොදු බල සේනා කණ්‌ඩායම මේ රටේ ඉස්‌ලාම් මුස්‌ලිම් විරෝධී රැල්ලක්‌ අරගෙන ගියානේ. ඒ වෙලාවේ මම කිව්වා මේ බොදු බල සේනා සංවිධානය පුම්බන්නේ, ආරක්‍ෂා කරන්නේ විතරක්‌ නොවෙයි...... ආරක්‍ෂක අමාත්‍යාංශය යටතේ තිබෙන රහස්‍ය ගිණුමෙන් මුදල් පවා ලබා දෙන්නේ රටේ ආරක්‍ෂක අමාත්‍යාංශයේ ප්‍රධානියා කියල. ඒ වෙලේ..... නැහැ කිව්වෙත් නැහැ. ඔව් කිව්වෙත් නැහැ. ඊට ටික දවසකට පස්‌සේ ඔහු ගිහින් ගාල්ලේ බොදු බල සේනා මූලස්‌ථානයක්‌ විවෘත කළා. ඒ විතරක්‌ද...

බොදු බල සේනා කණ්‌ඩායම මේ රටේ කරන ත්‍රස්‌ත ක්‍රියා, ජාතිවාදය, සාමය කඩ කිරීම් ඉදිරියේ පොලිසියේ හා හමුදාවේ නිහඬතාව බලන්න. අපට පුළුවන්ද එයාල ඉද්දී මේ රටේ සාමකාමී විරෝධතාවක්‌ වත් කරන්න. බැහැනේ. අපි විරෝධතාවක්‌ කළොත් කඳුළු ගෑස්‌ ගහනවා. වතුර ගහනවා. උසාවි නියෝග අරන් ඇවිත් තහනම් කරනවා. ශිෂ්‍ය උද්ඝෝෂණවලට පැනලා ඇස්‌ එළියට පනින්න ගහනවා. එහෙම පොලිසිය, එහෙම හමුදාව, එහෙම එස්‌. ටී. එෆa. එක බොදු බල සේනාවට මොනවද කරලා තියෙන්නේ.

බේරුවලදී අලුත්ගමදී බොදු බල සේනාවට පුළුවන් වුණා මොබයිල් වේදිකාවක්‌ ගෙනත් පාර මැද තියලා ඒ වේදිකාවට නැඟලා ඉතාම භයානක ලෙස ජාතීන් අතර වෛරය ක්‍රෝධය ඇතිවන විදියට කතා කරලා ධර්මය වෙනුවට වෛරය, ක්‍රෝධය වපුරවලා මහා විනාශයක්‌ කරන්න. නමුත් මේ ඔක්‌කොම කළ බොදු බල සේනාවට ආරක්‍ෂාව දුන්නේ එස්‌. ටී. එෆa. එක. එයාලා ගිහින් කඳුළු ගෑස්‌ ගැහුවේ කලබලකාරීන්ට නොවෙයි. අර අහිංසක ප්‍රදේශවාසීන්ට. මම බය නැතිව නොපැකිළිව කියනවා. මේක හිතාමතා සැලසුම් කරපු සැලසුම් සහගත මෙහෙයුමක්‌. මේක ක්‍රියාත්මක කළේ රජයේ ඉහළම අය.

 

ප්‍රශ්නය - අපේ රටේ ඉහළම රාජ්‍ය නායකයා, ජනාධිපති මුස්‌ලිම් ප්‍රජාව සමග ජාතිකවත් ජාත්‍යන්aතරවත් ඉතාම මිත්‍රත්වයකින් කටයුතු කරන රාජ්‍ය තාන්ත්‍රිකයෙක්‌. එතුමා එහෙම කටයුතු කරද්දී ඔහුගේම ආරක්‍ෂක ප්‍රධානියා මුස්‌ලිම්, සිංහල අරගලයක්‌ රටේ ඇතිකරන්න සැලසුම් කළා කියලද ඔබ කියන්නේ. පරස්‌පර ක්‍රියාවලියක්‌නේ එහෙමනම්... වෙන්න පුළුවන් දෙයක්‌ද?.

පිළිතුර - මේ ක්‍රියාවලිය දෙස මතුපිටින් බැලුවාම පරස්‌පරයි තමයි. නමුත් ගැඹුරට ගිහින් බලන්න. ජනාධිපතිගේ පේනවා තමයි, මුස්‌ලිම් ප්‍රජාව සමග සුහදව සිටින බවට මුහුණුවරක්‌. මම කියනවා ඒක බොරු බයිස්‌කෝප් සුහදත්වයක්‌ කියලා. ලෝකෙට පෙන්නනවා එකක්‌. මුස්‌ලිම් සහෝදර වාදය ලෝකෙට පෙන්නලා මුස්‌ලිම් ප්‍රජාවේ සහයෝගය ගන්නවා. ජිනීවාවලදී ඡන්දයක්‌ ගන්නවා. සමහර රටවලින් සම්මානත් ගන්නවා. ඒක එක පැත්තක්‌.

අනිත් අතින් ඔහුගේම සහෝදරයා අනිත් පැත්තෙන් මුස්‌ලිම් විරෝධී බෞද්ධ සංවිධානයකට උදව් කරමින් සිංහල, මුස්‌ලිම් අරගල අවුළුවනවා. එහෙම පේන්නේ මතුපිටින් බැලුවොත් විතරයි. ගැඹුරින් විග්‍රහ කරලා බලන විට මේ දෙන්නගේ ගමන එකම අතකට යන එකම න්‍යාය පත්‍රයකට අනුව සැකසුණ වැඩපිළිවෙළක්‌ බව පැහැදිලියි. මේ දෙන්නා මේ ක්‍රියාත්මක කරන්නේ දේශපාලන න්‍යාය පත්‍රයක්‌. ඒකේ ඉලක්‌කය තමයි මේ රටේ හොඳින් හෝ නරකින් මහින්ද රාජපක්‍ෂ තුන්වැනි වරටත් ජනාධිපති කරවීම. ඒක තමයි මේ මෙහෙයුමේ ඉලක්‌කය.

 

ප්‍රශ්නය - ඔබ යෝජනා කරන්නේ ඒ වගේ කුමන්ත්‍රණයකින් තොරව ජනාධිපති මහින්ද රාජපක්‍ෂට මේ රටේ නැවත ජනාධිපති විය නොහැකි බවද?

පිළිතුර - ඔව්..... මොකද හේතුව.... දැන් බලන්න මහින්ද රාජපක්‍ෂ ජනාධිපති වෙලා වසර 10 යි. යුද්ධය දිනලා ඉවර වෙලා අවුරුදු 5 කට කිට්‌ටුයි. බලන්න මේ කාලය තුළ රජය රටට කරල තියෙන්නේ මොකක්‌ද?... යුද්දේ විතරයි. ජයග්‍රහණ විතරයි. යුද්ධය ඉවර වුණාට පස්‌සේ මේ අවුරුදු 5 තුළ රටේ ජනතාවගේ ජීවන තත්ත්වය බිඳවැටිලා. හොරකම, මැරකම, ජඩකම රටේ රජ කරලා. පකිස්‌තානය හා ලංකාව දැන් ආසියාවේම හෙරොයින් කේන්ද්‍රස්‌ථානය බවට පත්වෙලා කියලා ලෝක වාර්තා හැදිලා. ආශ්චර්යය කියලා වචනයට කිව්වට ඇති ආශ්චර්යයක්‌ නැහැ. රට සංවර්ධනය කළා ලස්‌සන කළා කිව්වාට ඇති දෙයක්‌ රටට වෙලා නැහැ.

 

ප්‍රශ්නය - ඇයි ඔබ එහෙම කියන්නේ. මේ රටේ ඕනම තැනක ඇවිදලා විවෘත මනසකින් වට පිට බැලුවාම රට ලබල තියෙන සංවර්ධනය ඕනම කෙනකුට පේනවනේ.

පිළිතුර - සංවර්ධනය කියල මොනවද තියෙන්නේ. අහස්‌ යානා එන්නේ නැති ගුවන් තොටුපළකුයි නැව් ඉඳල හිටල එන හාබර් එකකුයි මහ වැස්‌සට හෝදගෙන යන කාපට්‌ පාරවල් ටිකකුයි නේ තියෙන්නේ. ඔච්චරනේ. වෙන මොනවද. පාරට ගල් අල්ලලා මල් හිටුවලා තියෙනවා. වෙන මොනවද? ඔය ටික ඇරෙන්න සැබෑ සංවර්ධනයක්‌ ජනතාවට පෙන්වන්නෙ නැහැ. කෝටි ගණන් වියදම් කරනවා. කෝටි ගණන් කොමිස්‌ ගහනවා. මම කියන්නේ ඒකට කොමිස්‌ කුට්‌ටි සංවර්ධනය කියලයි.

 

ප්‍රශ්නය - යුද්ධය දිනලා ජනතාවට නිදහස ලබාදීමේ ගෞරවය රජයට තියෙනවා. ඔබට පේන්නේ නැද්ද?

පිළිතුර - යුද්දේ දින්නා. ප්‍රභාකරන් නැති වුණා. ත්‍රස්‌තවාදය නැති වුණා. ඒක ඇත්ත. අපිත් සතුටුයි. හැබැයි ඒ චූන් එක හැමදාම ජනතාවට පෙන්නලා ඡන්ද දිනන්න බැහැ. අද යුද්දෙ නැහැ. නමුත් රට ඉදිරියට ගිහින් නැහැ. ඒක නිසා ආයෙත් ඡන්දයක්‌ ඉල්ලන්න ජනතාව ඉදිරියට යන්න මෙයාලට හැකියාවක්‌ නැහැ.

මෙන්න මේ නිසා මෙයාල හිතනවා ආයිමත් අර 2010 යුද්ධය අවසන් වුණු වෙලාවේ තිබුණු ආකාරයේ මානසිකත්වයක්‌ රටේ ගොඩනගලා, නැවත හතුරෙක්‌ නිර්මාණය කරලා, ජාත්‍යන්තරයේ නැති ජාත්‍යන්තර පීඩනයක්‌ නිර්මාණය කරලා, මේ රට බේරාගත හැකි එකම දේශප්‍රේමී නායකයා මහින්ද රාජපක්‍ෂ ඉස්‌මතු කරලා විතරයි ජනාධිපතිවරණය දිනිය හැක්‌කේ කියලා. මම මේක වගකීමකින් කියන්නේ.

 

ප්‍රශ්නය - බරපතළ චෝදනාවක්‌. මේ රජය ද්විත්ව චරිතයක්‌ පෙන්නුම් කරන බවක්‌ ඔබ කියනවනේ?

පිළිතුර - ඔව්. ඒක තමයි ඇත්ත. ජනාධිපති ලෝකෙට එකක්‌ පෙන්නනවා. රටට තව එකක්‌ පෙන්නනවා. ඒකනේ වෙලා තියෙන්නේ. දැන් පසුගිය දිනවල ජාත්‍යන්තරයට ගිහින් කිව්වා පරීක්‍ෂණවලට අපි එකඟයි, මේවා මේවා කරනවා, එන්න ඇවිත් බලන්න කියලා. දැන් ඔන්න පරීක්‍ෂණයකට එන්න හදනකොට එන්න එපා කියනවා. දෙබිඩි පිළිවෙතක රජය ඉන්න නිසා නේ ඔය කරදර ඔක්‌කොම.

 

ප්‍රශ්නය - ඔබ සමඟ කතා කරන විට මට එක දෙයක්‌ පැහැදිලියි. ඒ තමයි සැබැවින්ම ඔබ ජනාධිපති මහින්ද රාජපක්‍ෂ සමඟ ඔහුගේ රජය සමඟ දැඩි වෛරයකින් පෙළෙන බව.

පිළිතුර - අනේ නැහැ. මට නම් මහින්ද රාජපක්‍ෂ මැතිතුමා සමඟÊකුඩා හෝ වෛරයක්‌වත් නෑ. ඔහු මගේ පැරැණිතම යාළුවෙක්‌. 1988 මම මුල් වරට ඩාර්ලි රෝඩ් එකට ගිය වෙලාවේ ඔහු තමයි මගේ හොඳම මිතුරා. මුල්ම මිතුරා. ඔහු තමයි අපි හැමෝටම වඩා ඉදිරියෙන් සිටිමින් හැම තැනම කැපී පෙනුනේ. වෘත්තීය සමිති ව්‍යාපාරවල කම්කරු ව්‍යාපාරවල ශිෂ්‍ය හා තරුණ ව්‍යාපාරවල ඔහු තමයි හිටියේ ඉදිරියෙන්. ජනමාධ්‍ය අතරත් වීරයා, සුරතලා ඔහු. මමයි රුවන් ෆර්ඩිනැන්ඩුයි එකතු වෙලා 88 - 89 වකවානුවේ අතුරුදන් වූවන් පිළිබඳ එකතු කරපු දීප ව්‍යාප්ත තොරතුරු ඔහු තමයි ජාත්‍යන්තරයට අරගෙන ගිsහින් වීරයෙක්‌ වුණේ. ඔහුට ඒ වෙනුවෙන් ජාත්‍යන්තර සම්මාන ලැබුණා. වරක්‌ ඉන්දියානු විශ්වවිද්‍යාලයක්‌ ආචාර්ය උපාධියක්‌ දුන්නා මානව අයිතීන් සම්බන්ධව. ඒ විදිහට 90 දශකය පුරා ලංකාවේ හිටපු වඩාත්ම ප්‍රගතිශිලී නායකයා වුණා මහින්ද. අද කොහොමද. ලෝකයේ මුගාබෙලා, බෂීර්ලා, අසාඩිලා වගේ අය හිටගත්ත පෙළේ නම කියෑවෙන්නේ කියලා මම තවම අධ්‍යයනය කරනවා. මට වෛරයක්‌ තියෙනවා අද මේ රටේ වෙන සමහර දේවල් ගැන දකින කොට මේ රජය සමඟ. සංවර්ධනයේ නාමයෙන් වන මහා සොරකම් දකින කොට. දැන් මේ බුර බුරා නැගෙන ජාතිවාදයේ ගිනිදළු දකින කොට වෛරයක්‌ ඇති නොවන්නේ කාටද?

 

ප්‍රශ්නය - අපි ආයෙත් බුද්ධි අංශ හෙළිදරව්ව වෙත හැරෙමු. ඔබ අද බුද්ධි අංශ නිලධාරීන් හෙළිදරව් කරමින් කරන්නේ එදා 2002 ආණ්‌ඩුවේදී "මිලේනියම්සිටි" ඓතිහාසික පාවාදීම කියන හෙළිදරව්වේ දෙවැනි පියවර නොවෙයිද?

පිළිතුර - නැහැ වැරදියි. ඔය විග්‍රහය කරන්නේ අර කුණුහරුප කියන ජඩ මාධ්‍යවේදීන් පිරිසක්‌ විතරයිනේ. සිහියක්‌ මොලයක්‌ තියන අය ඔය කතා කියන්නේ නැහැ. මොකද මිලේනියම් සිටි සිද්ධියයි මේ සිද්ධියයි කියන්නේ පැහැදිලිවම දෙකක්‌. අවස්‌ථා දෙකක්‌ විතරක්‌ නොවෙයි. මුහුණුවරිනුත් හැඩරුවිනුත් අන්තර්ගතයෙනුත් දෙකක්‌.

එදා තිබුණේ රටක්‌ රටේ රාජ්‍යයක්‌ හමුදාවක්‌ බුද්ධි අංශයක්‌ ත්‍රස්‌තවාදයට එරෙහිව කරපු යුද්ධයක්‌. ඒ යුද්ධයේදී ත්‍රස්‌තවාදය මර්දනය කරන්න, මේ රට බේරාගෙන සාමය උදා කරන්න සේවය කරපු හමුදාවක්‌ වෙනුවෙනුයි එදා අපේ බුද්ධි අංශය ක්‍රියා කළේ. ඒ පාවාදීම දේශෙද්‍රdaහී ජාතිෙද්‍රdaහී පාවාදීමක්‌ වුණේ ඒකයි. ඒකට විරුද්ධව කතා කළ කථිකයන් අතර මමත් එක්‌කෙනෙක්‌. නමුත් අද තත්ත්වය ඊට සපුරාම වෙනස්‌. අද තියෙන්නේ මේ රටේ ත්‍රස්‌තවාදී ගින්න නැවත අවුලන්න ජාතිවාදය වපුරන්න බුද්ධි අංශය විසින් මෙහෙයවන මෙහෙයුමක්‌ නිසයි මම මේ හෙළිදරව්ව කරන්නේ. මේක පාවාදීමක්‌ නොවන්නේ ඒ නිසයි.

 

ප්‍රශ්නය - අවසන් වරට මම අහන්නේ ඔබ මේ බරපතළ විවේචනත් සමඟ මේ රජය පෙරළන්න, ඡන්දයකින් පරාජය කරන්න ඔබලාගේ ලොකු සූදානමක්‌ තිබෙන බව පේනවා. මොකක්‌ද වැඩපිළිවෙළ?

පිළිතුර - ඔව්........ අපි අහනවා අද රටේ මේ රජයට, ජනාධිපති මහින්ද රාජපක්‍ෂට එරෙහිව ලොකු ජනතා අප්‍රසාදයක්‌ මේ වන විට වර්ධනය වෙමින් තියෙනවා. සමහර අය ඉන්නවා මේ රජයේම මහින්ද රාජපක්‍ෂට ඡන්දය දීලා කරගත්තේ මහා මෝඩකමක්‌ කියලා හිතන දේශපාලනඥයෝ පවා. ලොකු අප්‍රසාදයක්‌ වර්ධනය වෙලා. ඒ අප්‍රසාදය ගොඩනැගුණු පළියට, එම බලවේග අප වටා ගොනුවෙයි කියලා මම හිතන්නේ නැහැ. ඊට අපට ශක්‌තිමත් වැඩපිළිවෙළක්‌ තිබිය යුතුයි.

 

ප්‍රශ්නය - ඔබලා පොදු අපේක්‍ෂකයෙක්‌ ගැන හිතනවාද?

පිළිතුර - ඒ ගැන කල්පනා කරන්න කලින් අපිට ඕන විපක්‍ෂයේ පොදු බලවේග එකට ගොනු කරන පොදු වැඩපිළිවෙළක්‌. පොදු අපේක්‍ෂකයා අවශ්‍ය ද නැද්ද යන්න ඊට පසුව ගන්නා පියවරක්‌.

 

ප්‍රශ්නය - පොදු අපේක්‍ෂකයා කවුද කියන එක පසෙකට තබමින් හිටපු ජනාධිපතිනි චන්ද්‍රිකා බණ්‌ඩාරනායක මැතිනිය කරළියට ගෙන එන්න කියලත් සමහරු කියනවා. ඔබ ඒ සඳහා වෙහෙසෙන කෙනෙක්‌ ලු.

පිළිතුර - නැහැ... මම දන්නේ නැහැ. එතුමිය කැමැති නම් එතුමියට ඉඩකඩ තියෙනවා ඕන තරම් මේ දේශපාලන කරළියට පොදු වේදිකාවට ඇවිත් වැඩ කරන්න. ඒකෙන් කියන්නේ නැහැ ඊළඟ පොදු අපේක්‍ෂකයා ඇය කියලා.

 

ප්‍රශ්නය - හිටපු ජනාධිපතිනිය පසුගිය දිනවල කවදාවත් නොතිබූ ආගමික සංහිඳියාවක්‌ ගැන කතා කරමින් කරළියට ආවා. ඇය මේ රටේ ආගමික සංහිඳියාවක්‌ නැහැ කියමින් කතා කරන අතරතුර හිටි හැටියේම රටේ මතුවුණ සිංහල - මුස්‌ලිම් අරගලය ගැන අපට ප්‍රශ්න තියෙනවා.

පිළිතුර - ඇයි ඒ.

 

ප්‍රශ්නය - ඒ තුළින් ඔප්පු වෙනවා මේ රටේ ආගමික ගැටුමක්‌ ඇති කිරීමට ජාත්‍යන්තරයේ යම් සැලසුමක්‌ ක්‍රියාත්මක වුණු බව. දෙපිරිස අතර ගැටුමක්‌ නිර්මාණය වේවිය කියලා තුන්වැනි පාර්ශ්වයක්‌ බලා සිටිය බව.

පිළිතුර - විහිළු කතා. ඒකයි මම අහන්නේ අර බොදු බල සේනා සංවිධානය බේරුවලට එව්වේ ඔබාමාද? බේරුවලට ඇවිත් ධර්මය වෙනුවට වෛරය වපුරන්න කිව්වේ ඔබාමාද කියලා මම අහන්නේ ඒකයි. අන්තිමේ පොලිසිය 13 දෙනෙක්‌ අත්අඩංගුවට ගත්තා. පොලු, කිණිසි, කඩු එක්‌ක. දවස්‌ 2 ක්‌ යන්න කලින් ඒ පිරිස නිදහස්‌ කරන්න කියලා පොලිසියට බලපෑම් කළේ ඔබාමාද? කෝ ඕවට උත්තර. කවුද මේක පටන් ගත්තේ කියලා බලන්න. එයාලා පිටිපස්‌සේ කවුද ඉන්නේ කියලා බලන්න. හැබැයි මම එකක්‌ කියන්න ඕන. මේකට උඩගෙඩි දෙන සමහරු නම් ඇමරිකානු පුරවැසියන්. අනිත් අතට ඔතන ඉන්නවා (නම කියයි) කියලා මැලේ මුස්‌ලිම් බුද්ධි නිලධාරියෙක්‌. ඔහු තමයි මේ කටයුතු සංවිධානය කරන්නේ. ඔහුට ජිහාඩ් එකෙන් සල්ලි එනවද කියල නම් මම දන්නේ නැහැ.

 

ප්‍රශ්නය - පසුගිය දිනෙක පාර්ලිමේන්තුවේදී විමල් වීරවංශ ඇමැතිවරයා ප්‍රකාශයක්‌ කළා එහි කියෑවුණා මුස්‌ලිම් අන්තවාදීන්ට සෞදිය හරහා මුදල් එන බව. බොදුබල සේනාවට නෝර්වේ හරහා මුදල් එන බව. ඒ දෙපැත්තෙන්ම එන්නේ ඇමරිකන් මුදල් බව ඔහු ප්‍රකාශ කළා.

පිළිතුර - ඔය කියන්නේ ජාතිවාදී විකාර සිහින දකින උදවිය කියන කතා. ඇමරිකාව එවපු ඒ සල්ලි ආවා නම් දර්ගා නගරයට කඩු, කිනිසි, බෝම්බ තියෙන්න එපායෑ මුස්‌ලිම්වරුන් අතේ. පල්ලිවල, ගෙවල්වල.

 

ප්‍රශ්නය - එස්‌ටීඑෆa නිලධාරීන් පෙන්වනවනේ මුස්‌ලිම් අය අතත් කඩු, කිනිසි, බෝම්බ තිබිලා අත්අඩංගුවට ගත්තා කියලා.

පිළිතුර - ඒ ඊට පස්‌සේ එක පාරට කියන කතානේ. සියලු ජනතාවට එරෙහිව රටේ ක්‍රියාත්මක වන එකම බලවේගයයි මම දන්නේ. ඒක වෙන එකක්‌ නොවෙයි. මම ඒකට කියනවා ආර්ටීඑෆa කියලා. රාජපක්‍ෂ කාර්ය බළකාය. එච්චරයි.සාකච්ඡා කළේ

- බූලිත ප්‍රදීප් කුමාර

 

"මම ඉන්න තැන විනෝදය ඇත."

දන්සැල්, පහුගිය මාස දෙකේම දන්සැල්. දැන් අපි කියන්න හදන්නෙත් දන්සැලක්‌ ගැන. මේක අමුතුම තාලේ දන්සැලක්‌. ඔබ මීට කලින් අසා තියෙනවද නාට්‍ය දන්සලක්‌ ගැන. සමහරවිට ලෝකයේ ප්‍රථම වතාවට වෙන්නැති අපේ රටේ නාට්‍ය දන්සැලක්‌ දෙන්නෙ. එක මාසයක්‌ නොවේ. අවුරුද්ද පුරාවටම.... අවුරුද්දකින් නතර වෙන්නෙ නෑ... දිගටම

මේ දන්සැල දෙන්නේ... ටෙනිසන් කුරේ. හිනාත් යාවි. විහිළුවක්‌ කියලත් හිතේවි. නෑ.... ටෙනිසන් නාට්‍ය දන්සැලට තෝරාගෙන තියෙන්නේ ඔහුගේ "අයි ඈම් ශ්‍රී ලංකා (අපාය සමග) නාට්‍ය මීවිත රසිකයන් වෙනුවෙන් ටෙනිසන්ගෙන් මේ දන්සල ගැන තොරතුරු ඇසුවා. අපි ඇසූ ප්‍රශ්නත් ටෙනිසන් දුන්නු උත්තරත් දැන් බලමු.

 

ඇයි නාට්‍ය දන්සැලකට හිත ගියේ...

ඇත්තටම මේක මට අද ඊයේ හිතට ආපු දෙයක්‌ නොවේ. මගේ පළමු නාට්‍ය වුණේ "අපායේ තත්පර 1800" නාට්‍යය. පසු කාලෙක ගාමිණී ෆොන්සේකාත් මාත් ප්‍රධාන චරිතය රඟපාමින් මේ නාට්‍යය චිත්‍රපටගත කෙරුණා. මම ඒ නාට්‍යය එදා කළේ අපේ මිනිසුන්ට පව් කෙරෙහි බියක්‌ ඇති කරන්න. අපායට ගියොත් වෙන දේ පෙන්වන්න. අද මගේ නාට්‍යයක්‌ බලන්න රට පුරා ජනතාව ආසාවෙන් ඉන්නවා. ඒත් බලන්න පුළුවන් වෙන්නේ නගරයේ අයට විතරයි. නගරයෙන් ඈත වෙසෙන ජනතාවගේ සතුට, ප්‍රීතිය සඳහා තමයි එළිමහන් වේදිකාවක මගේ "ඇයි. ඈම්. ශ්‍රී ලංකා (අපාය සමග) නොමිලේ වේදිකාගත කරන්න හිතුවේ.

 

කොහොමද මේ දන්සල සංවිධානය කරන්නේ?

ගමට.... ගමේ ජනතාවට ආදරය කරන සියලුම දෙනාගේ එකමුතුවෙන් ආගමික පූජකවරුන්ගේ මැදිහත්වීමෙන්, පොලිසියේ සහායත් ඇතිව ගමේ ඕනෑම තැනක මේ නාට්‍යය එළිමහනේ වේදිකාගත කළ හැකියි. අවශ්‍ය කරන වේදිකාව, විදුලිය, ශබ්ද විකාශන... සැපයිය යුතුයි. නාට්‍ය කණ්‌ඩායමේ අයට විතරක්‌ සුළු මුදලක්‌ ලබා ගන්නවා. සංවිධානය කරන අයට පුළුවන් අනුග්‍රහයක්‌ වුණත් ලබාගන්න. මේ නිසා පොලිසිය හා මහජනතාව අතර සුහදතාව වර්ධනය කරගන්නත් පුළුවන් වෙනවා. ඒ බව ජ්‍යෙෂ්ඨ නියෝජ්‍ය පොලිස්‌පති පූජිත ජයසුන්දර මහතාත් මට පැවසුවා. පව් කෙරෙහි බිය ඇතිකරන මේ නාට්‍යය පන්සල්, පල්ලි, පාසල්වල ආගමික පූජකවරුන්, දේශපාලකයන් නගරාධිපතිවරුන්ගේ අනුග්‍රහය ඇතිව වේදිකාගත කළ හැකියි.

 

මේ දන්සැල තවම එක දවසක්‌වත් දුන්නේ නැද්ද?

දුන්නා... දුන්නා... ෂෙරින් කුමාරතුංග... පාදුක්‌ක ප්‍රදේශයේ ජනතාව වෙනුවෙන් මේ දන්සල සංවිධානය කළා. එදා රැස්‌වූ ජනතාව මට ප්‍රශංසා කළා. ඒ පින ෂෙරින්ට ලැබෙනවා. ආබාධිත රණවිරුවන්ගේ මානසික සුවය සඳහා අයෝමා රාජපක්‌ෂ මහත්මිය මේ නාට්‍යය කඳවුරු තුළ වේදිකාගත කරන්නත් කටයුතු සූදානම් කරනවා. එය සතුටක්‌.

 

මේ දන්සැලෙන් ඔබට ලැබෙන්නේ මොනවද?

මානසික සුවය. මට පුදුම මානසික සුවයක්‌ මේ නිසා ලැබෙනවා. ඒක මුදලින් මනින්න බෑ. මගේ නාට්‍යයක්‌ බළලා අත්පුඩි ගසද්දී... මගේ ශරීරය පුරා අමුතුම ශක්‌තියක්‌ දිවයනවා. ඒක මුදලට ගන්න බෑ. ඒ නිසා තමයි මම නැති බැරි අය අතරට මේ නාට්‍යය අරගෙන යන්නේ.

 

මේ නිසා ඔබට ආර්ථික අතින් පාඩු සිදුවෙනවා...?

ඔව්... නාට්‍යයක්‌ නොමිලේ පෙන්වනවා කියන්නේ ආයෙත් ඒ පැත්ත පළාතක ඒ නාට්‍යය සල්ලිවලට පෙන්වන්න බෑ. අනෙක මම දන්නවා මගේ නාට්‍ය තමයි මිල අධිකම. ඒත් මේ නාට්‍යය නොමිලේ පෙන්වද්දී... මම සංවිධානය කරන අයගෙන් ඉල්ලන්නේ නළු නිළි දීමනාව විතරයි. මගේ මුදල් සියල්ල කපා හරිනවා. මට ශත පහක්‌වත් නෑ. ඒකට කමක්‌ නෑ. මගේ නාට්‍යයක්‌ ශාලාවක බලනවා නම් රුපියල් දාහක, පන්සීයක ප්‍රවේශපත්‍රයක්‌ ගන්න ඕනෑ. ඈත ගම්වල අහිංසක මිනිසුන්ට ඒක කළ හැකිද... බෑ... ඒකයි මම මේ නාට්‍යය නොමිලේ රටවටා ගෙනයන්න. තීරණය කළේ. මම මේ කැපවීම කරන්නේ හරිම සතුටකින්.

 

ඒ කියන්නේ ඔබ මේ වෙද්දී ඇතිතරම් සල්ලි හම්බකරලා තියෙන්නේ?

නෑ.... නෑ.... මට උවමනා මමත් යමක්‌ ලබමින් අනෙකාටත් යමක්‌ කරන්න. දැන් අපිට චිත්‍රපටත් හිඟයි නේ. නාට්‍යයත් අඩුයි. ඒක වෙනම කතාවක්‌. අපි යමක්‌ කළ යුතුයිනේ. හරිනම් රටේ හැමදේම ගණන් යන කාලේ මගේ නාට්‍යවල ගාණත් වැඩි කළ යුතුයි.

 

ඔබේ පවුලේ අයට ඔබෙන් වියයුතු යුතුකම් ඉටුවී අවසන් කියා හිතුණ නිසාද මෙහෙම දන්සැල් දෙන්නේ?

ඉවරම නෑ. දිගටම ඒ යුතුකම් කෙරීගෙන යනවා. මම ජීවත්ව ඉන්න තාක්‌ පවුලට විය යුතු යුතුකම් ඉටු කරනවා. මගේ ආදරණීය බිරිඳගෙන් කිසිම විරෝධතාවක්‌ ආවේ නෑ මේ දන්සැලට. මට හැකිදේ මම සඟවා තබාගෙන සිටිය යුතු නෑ. මම කැපවී ඉන්නා වේලාවේ මගෙන් උදව් ගැනීම ජනතාවගේ යුතුකමක්‌. ජනතාව වෙනුවෙන් ඒ සඳහා ඉදිරිපත් විය යුත්තේ දානපතියන්.

 

මේ දන්සැලෙන් දෙන්නේ හාස්‍ය විතරමද?

සියයට සියයක්‌ම විනෝදය දෙනවා. මම ඉන්න තැන විනෝදය ඇත. ඒත් ගැඹුරු දැහැමි සමාජයක්‌ ගොඩනඟන්න දරන උත්සාහයක්‌. පව් කිරීමට මිනිසුන්ට බිය ඇති කරවනවා මේ නාට්‍යයෙන්. හාමුදුරුවරු, ආගමික නායකයන් දෙසන බණ මේ නාට්‍යයේ තිබෙනවා. වදින තැන්වලට වදින්න ගහනවා.

 

මේ ලිපිය අවසන් කරන්න කලින් තවත් යමක්‌ කියන්න තියෙනවද?

අනේ.... කියන්න නම් ඕනතරම් දේ තියෙනවා. අද අපේ රටේ රූපවාහිනි නාලිකා කීයක්‌ තිබෙනවාද ජනතාවගේ සතුට සඳහා සංගීත සංදර්ශන පමණක්‌ කරන මේ නාලිකා ඉඳහිට හෝ එළිමහන් නාට්‍යයකට දායකත්වය ලබා දෙනවා නම් ඒක ජනතාවට අලුත් අත්දැකීමක්‌ වේවි. මගේ මේ මහා නාට්‍ය දන්සැල ගැන දැනගෙන මේ වනවිටත් කුලියාපිටිය, කිරිබත්ගොඩ, මොණරාගල, පේරාදෙණිය වගේ ප්‍රදේශවල දන්සැල පවත්වන්න ආරාධනා ලැබී තිබෙනවා.

අජිත් අලහකෝන්

එක්‌සත් ජාතීන්ගේ මානව හිමිකම් කටයුතු පිළිබඳ මහ කොමසාරිස්‌ නවනීදන් පිල්ලේ මහත්මිය ශ්‍රී ලංකාවට එරෙහි ජාත්‍යන්තර පරීක්‌ෂණය වඩාත් වේගවත් කරමින් එම පරීක්‌ෂණ මණ්‌ඩලයට උපදෙස්‌ දීම සඳහා විද්වතුන් තිදෙනකු ගෙන් සමන්විත කමිටුවක්‌ පසුගියදා පත් කර තිබෙනවා. පරීක්‌ෂණ කණ්‌ඩායම ඉදිරිපත් කරන වාර්තා අනුමත කිරීම ඔවුන්ගේ කාර්යභාරයයි. එම කමිටුවේ සාමාජිකාවක්‌ වන්නේ පින්ලන්තයේ හිටපු ජනාධිපතිවරයකු මෙන්ම නොබෙල් ත්‍යාගයෙන්ද පිදුම් ලැබූවකු වන මාටි අටිසාරිත් පකිස්‌තානු ශ්‍රේෂ්ඨාධිකරණ නීතිඥ සංගමයේ සාමාජිකාවක මෙන්ම පකිස්‌තානු මානව හිමිකම් කමිටුවේ සාමාජිකාවක ද වන අස්‌මා ජහන්ගීජි සහ නවසීලන්තයේ හිටපු ආණ්‌ඩුකාරවරියක්‌ මෙන්ම කාන්තා හිංසනයට එරෙහි කමිටුවේ හිටපු සාමාජිකාවක ද වන සිල්වියා කාට්‌රයිට්‌ යන තිදෙනායි.

මේ තිදෙනා අතරින් මාටි අටිසාරි මහතා සහ අස්‌මා ජහන්ගීර් මහත්මිය සමගත් නවනීදන් පිල්ලේ මහත්මියගෙන් පසු මහ කොමසාරිස්‌ ධුරයට පත්වන හුසේන් කුමරු සමගත් රාජ්‍යතාන්ත්‍රික ක්‍රියාදාමයන්හි නියෑළුණු ශ්‍රී ලංකාවේ කෘතහස්‌ත රාජ්‍යතාන්ත්‍රිකයකු වන වොෂින්ටන්හි සහ ජිනීවාහි හිටපු ශ්‍රී ලංකා තානාපති මෙන්ම එක්‌සත් ජාතීන්ගේ මහලේකම් ධුරයටද වරක්‌ තරග කළ ජයන්ත ධනපාලයන් සමග අප මේ සාකච්ඡා කරන්නේ නවනීදන් පිල්ලේ මහත්මියගේ මේ විද්වත් මණ්‌ඩලයත් ඇයගෙන් පසු එම තනතුරට පත්වන හුසේන් කුමරුත් ශ්‍රී ලංකාව පිළිබඳ දරන ආකල්පය කෙබඳු එකක්‌ද යන්න පිළිබඳවයි.

 

මහ කොමසාරිස්‌ නවනීදන් පිල්ලේ මහත්මිය පත්කර ඇති විද්වත් කමිටුව අපේ රට පිළිබඳ දරන්නෙ කෙබඳු මතයක්‌ද?

මේ තිදෙනාම මහ කොමසාරිස්‌තුමිය විසින් ඉතාමත් සැලකිල්ලෙන් තෝරගත්ත තුන්දෙනෙක්‌. මේ තිදෙනාගෙන් දෙදෙනෙක්‌ සමගම එනම් මාටි අටිසාරි මහතා සහ අස්‌මා ජහන්ගීර් මහත්මිය සමග මා ටික කාලයක්‌ කටයුතු කර තිබෙනවා. මාටි අටිසාරි මහතා එක්‌සත් ජාතීන්ගේ සංවිධානයේ මා දැරූ තනතුර ටික කාලයක්‌ දැරුවා. ඊට පසු ඔහු පින්ලන්තයේ තානාපතිවරයකු ලෙසත් ඉනික්‌බිතිව පින්ලන්තයේ දෙවරක්‌ම ජනාධිපති තනතුරත් දැරුවා. නොබෙල් සාම ත්‍යාගයෙනුත් පිදුම් ලැබූ කෙනෙක්‌. අපේ හිටපු තානාපති නෙවිල් කනකරත්න මහතා සමග එක්‌ව නැම්බියාවේ නිදහස වෙනුවෙන් විශාල කාර්යභාරයක්‌ ඔහු සිදුකර තිබෙනවා. යටත් විජිතවාදීන් පරදවන්නටත් ඔහු වෑයම් කළා. ඔහු නොයෙක්‌ අවස්‌ථාවල ජනතාවගේ මානව අයිතිවාසිකම් වෙනුවෙන් පෙනී සිටියා. ඔහු මා සමග ඉතාමත් සුහදව කටයුතු කළ පුද්ගලයෙක්‌. ශ්‍රී ලංකාවේ ජන ජීවිතය පිළිබඳවත් ඔහු තුළ අවබෝධයක්‌ තිබුණා.

අස්‌මා ජහන්ගීර් මහත්මියත් අපේ රටේ කාන්තාවන් සමගත් නොයෙක්‌ අවස්‌ථාවලදී සහයෝගයෙන් කටයුතු කර තිබෙනවා. ඇය පොදුවේ කාන්තාවන්ගේ අයිතිවාසිකම් ගැන විශාල කාර්යභාරයක්‌ සිදුකර තිබෙනවා. පාකිස්‌තානයේ තලෙයිබාන් ත්‍රස්‌තවාදීන්ට එරෙහිව නිර්භයව කතා කළ කෙනෙක්‌. ජහන්ගීර් මහත්මිය එක්‌ අවස්‌ථාවක ශ්‍රී ලංකාවටත් පැමිණ සහභාගී වූ සම්මේලනයකදී තලෙයිබාන් ත්‍රස්‌ත සංවිධානයට එරෙහිව ඉතාමත් නිර්භීතව අදහස්‌ ප්‍රකාශ කළා. අන්තවාදී අදහස්‌ දරන්නන්ට ඇය විරුද්ධයි.

සිල්වියා කාට්‌රයිට්‌ සමග මා කටයුතු කර නැති නමුත් ඇය පිළිබඳවත් මා දන්නවා. නවසීලන්තයේ අග්‍රාණ්‌ඩුකාරවරිය ලෙස කිහිපවතාවක්‌ම කටයුතු කර ඇති ඇය කාම්බෝජියාවේ සිදුවූ යුද අපරාධ ගැනත් විශේෂ පරීක්‌ෂාවක නිරත වී අත්දැකීම් ඇති තැනැත්තියක්‌.

 

ඒකපාක්‌ෂිකව කටයුතු කර ඇති බවට යම් අවස්‌ථාවලදී මේ අයට චෝදනා එල්ල වෙලා නැද්ද?

 මඩගැසීම ඕනෑම ක්‌ෂේත්‍රයක දකින්නට පුළුවන් දෙයක්‌. චෝදනා නගන්න ඕනම කෙනෙකුට පුළුවන්. නමුත් මේ පුද්ගලයන්ගේ ක්‍රියාකලාපයන් දිහා බැලුවොත් ඔවුන්ට එරෙහිව නගන චෝදනා මඩගැසීම්.

 

ශ්‍රී ලංකාව සම්බන්ධයෙන් මේ අයට පැවරී තිබෙන කාර්යභාරය කුමක්‌ද?

ශ්‍රී ලංකාව තුළ යුද අපරාධ සිදුවී තිබෙනවාද කියල පරීක්‌ෂා කර බලන්නේ වෙනම කණ්‌ඩායමක්‌. ඒ පරීක්‌ෂා කිරීම් තුළින් සකස්‌ කරන වාර්තාව මේ ත්‍රිපුද්ගල කමිටුවට ඉදිරිපත් කරනව. ඒ වාර්තාව අනුමත වීමට නම් මේ ත්‍රිපුද්ගල කමිටුව එම වාර්තාව පිළිගත යුතුයි. ඔවුන් එම වාර්තාවට එකඟ නොවුණොත් එය අනුමත වෙන්නේ නෑ.

 

නමුත් ශ්‍රී ලංකා රජය මේ පරීක්‌ෂණයට සහභාගි නොවීමටත් සහයෝගය නොදැක්‌වීමටත් තීරණයක්‌ ගෙන තිබෙනවා. මේ අන්තර්ජාතික පරීක්‌ෂණය වළක්‌වන්නට ශ්‍රී ලංකාවට නොහැකි වුණේ ඇයි?

ආණ්‌ඩුව ශ්‍රී ලංකාව තුළ අභ්‍යන්තර පරීක්‌ෂණයක්‌ ආරම්භ කළා නම් මේ අන්තර්ජාතික පරීක්‌ෂණය වළක්‌වන්නට ඉඩ තිබුණා. අපේ රටේ දක්‌ෂ නීතිඥවරු ඉන්නවා. මා කීප වතාවක්‌ යෝජනා කළා රට ඇතුළෙ අපක්‌ෂපාතී පරීක්‌ෂණයක්‌ ආරම්භ කරමු කියල. අපි ඒක කලින්ම ආරම්භ කළා නම් මේ අන්තර්ජාතික පරීක්‌ෂණ වුවමනා නෑ. එබඳු පරීක්‌ෂණයක්‌ ආරම්භ කරන්න තවමත් පුළුවන්.

එල්. එල්. ආර්. සී. කොමිසම ජිනීවා ගිය අපේ කණ්‌ඩායමට විශාල වාසියක්‌ වුණා. ජිනීවාවල දී ඉදිරිපත් වුණු විසඳුම වුණෙත් එල්. එල්. ආර්. සී. කොමිසමේ නිර්දේශ ක්‍රියාත්මක කරන්න කියලයි. ඒ විදිහටම යුද අපරාධ සිදුවුණාද නැද්ද පිළිබඳව අපි අභ්‍යන්තර පරීක්‌ෂණයක්‌ ආරම්භ කරල තිබුණ නම් එයිනුත් අපේ රටට ලොකු වාසියක්‌ ලැබෙන්න ඉඩ තිබුණා. එහෙම තිබුණ නම් මේ ජාත්‍යන්තර පරීක්‌ෂණ එන්නෙ නෑ. දැන් පිටරට අය හිතන්නෙ අපි ඇත්ත හෙළි නොකර සඟවගෙන ඉන්නව කියලයි. මම හිතන්නෙ අපි අභ්‍යන්තර පරීක්‌ෂණයක්‌ ආරම්භ නොකිරීමෙන් අපේ හමුදාවන්ට අවමානයක්‌ සිදුවුණා කියලයි.

අපේ වීරෝදාර සෙබළු ජීවිත පූජාවෙන් සටන් කරල ත්‍රස්‌තවාදීන් පරාජය කළා. ඒ සටනෙදි යුද අපරාධ සිදුවුණාද නැද්ද කියල අප විසින්ම අපක්‌ෂපාතී පරීක්‌ෂණයක්‌ නොපැවැත්වීම නිසා ත්‍රස්‌තවාදීන් පරාජය කර අප ලැබූ ඒ ජයග්‍රහණය අද බාල්දු වී තිබෙනවා. ආණ්‌ඩුව විසින් රට තුළ අභ්‍යන්තර පරීක්‌ෂණයක්‌ ආරම්භ කිරීම රටේ ස්‌වෛරීභාවයට අවමානයක්‌ නෙමෙයි. අපේ රටේ අන්තර්ජාතික මට්‌ටමේ විනිසුරුවන් ඉන්නවා. නීතිඥවරු ඉන්නවා. යුද අපරාධ සිදුවී ඇත්දැයි සොයාබැලීමට අභ්‍යන්තර පරීක්‌ෂණයක්‌ ආරම්භ කරන්න දැනුත් පුළුවන්.

 

නවිපිල්ලේ මහත්මිය ගෙන් පසු එක්‌සත් ජාතීන්ගේ මානව හිමිකම් කොමසාරිස්‌ තනතුර හිමිවන්නේ හුසේන් කුමරුට. ඔහු මුස්‌ලිම් සම්භවයක්‌ සහිත පුද්ගලයෙක්‌. අපේ රට පිළිබඳ ඔහුගේ ආකල්පය කෙබඳුවෙයිද?

හුසේන් කුමරු නිව්යෝක්‌හිදී මා සමග රාජ්‍යතාන්ත්‍රික කටයුතුවල නිරත වී තිබෙනවා. එක්‌සත් ජාතීන්ගේ මහලේකම් තනතුරට මා තරග කරන විට ඔහු මගේ ප්‍රතිවාදියෙක්‌. අප දෙදෙනාම ඒ තරගයෙන් පැරදුණා. මහලේකම් තනතුර හිමිවුණේ බන්කි මූන්ට. හුසේන් කුමරුත් ලෝකයේ විවිධ රටවල ජනතාවගේ මානුෂික අයිතිවාසිකම් වෙනුවෙන් කැප වී කටයුතු කළ කෙනෙක්‌. විවිධ රටවල කටයුතු කළ සාම සාධක හමුදාවන්හි විනය විරෝධී ක්‍රියා සම්බන්ධයෙන් ඔහු අපක්‌ෂපාතීව ක්‍රියාකර තිබෙනවා. හුසේන් කුමරු එක්‌සත් ජාතීන්ගේ සංවිධානයේ කීර්තිමත් පුද්ගලයකු ලෙස නමක්‌ ඇති කෙනෙක්‌.

නමුත් ශ්‍රී ලංකාවේ අපි නවනීදන් පිල්ලේ මහත්මියට වගේ මේ හුසේන් කුමරුටත් දෝෂාරෝපණය කළොත් ඒක අපි උඩබලාගෙන කෙළ ගහනව වගේ වැඩක්‌. අන්තර්ජාතික සංවාදවලදී වචන භාවිත කළ යුත්තේ කෙලෙසද යන්න පිළිබඳ අපි වඩාත් සැලකිලිමත් වෙන්නට ඕන. අපි විවේචනය කළ යුත්තේ පුද්ගලයන් නොවෙයි. ඔවුන්ගේ අදහසුයි. මේ අන්තර්ජාතික පුද්ගලයන්ට දෝෂාරෝපණ කිරීම නොහොබිනා වැඩක්‌ වගේම අපේ රටට ඉතාමත් අවාසිසහගත දෙයක්‌.

(දිවයින :සාකච්ඡා කළේ -පාලිත සේනානායක)

Page 8 of 9

Gossip

සාරංගගෙන් වෙන් වුණ උමාලි රංගන ශිල්පියෙක් සමග විවාහ ගිවිස ගනී

සාරංගගෙන් වෙන් වුණ උමාලි රංගන ශිල්පියෙක් සමග විවාහ ගිවිස ගනී

උමාලි තිලකරත්න කියලා කියන්නේ හැමෝම ආදරය කරන රංගන ශිල්පිණියක්. ඇය ඉතාම ආදරෙන් විවාහා වී සිටියේ සාරංග...

පාස්කු ප්‍රහාරයේ සුළමුල හෙළිකරමින් මෛත්‍රීගෙන් පොතක්

පාස්කු ප්‍රහාරයේ සුළමුල හෙළිකරමින් මෛත්‍රීගෙන් පොතක්

"පාස්කු ප්‍රහාරය සැබෑ ලෙසම කළේ කවුරුන්ද කියලා තවම කිසි කෙනෙක් කියලා නෑ. ඒක මම දන්නවා කවුද කළේ කියලා"

ප්‍රමිතියේ ගැටලුවක් නිසා mc ලංකාව හැර යන්න සුදානමින්

ප්‍රමිතියේ ගැටලුවක් නිසා mc ලංකාව හැර යන්න සුදානමින්

මෙරට පිහිටි සියලුම මැක්ඩොනල්ඩ් අවන්හල් ශාඛාවන් නැවත දැනුම් දෙන තුරු වසා දමා තිබේ.

රනිල් බැසිල් අදත් හමුවේ. ඊයේ ගත්ත තීන්දුව දැනුම් දෙයි ?

රනිල් බැසිල් අදත් හමුවේ. ඊයේ ගත්ත තීන්දුව දැනුම් දෙයි ?

ජනාධිපති රනිල් වික්‍රමසිංහ මහතා සහ පොදුජන පෙරමුණේ නිර්මාතෘ හා හිටපු අමාත්‍ය බැසිල් රාජපක්ෂ මහතා අතර...

Connet With Us