පසුගිය මාස කිහිපය තුළ, තද උණ, නොනැසී පවතින කැස්ස, ඇඟපත වේදනාව, තෙහෙට්ටුව සහ උගුරේ වේදනාවසහිත රෝගීන් වැඩිවීමක් වෛද්‍යවරුන් විසින් වාර්තා කර ඇති බවයි එරට වාර්තාවල දැක්වෙන්නේ.

ඉන්දියාවේ, උණ සමයේ උච්චතම අවස්ථාව සාමාන්‍යයෙන් සිදුවන්නේ සිසිල් මාසවලදී වුවද, වෛද්‍යවරුන් පවසන්නේ මෙම වසරේ රෝගීන්ගේ වැඩිවීම අපේක්ෂිත කාලයට වඩාකලින්සිදුවී ඇති බවයි.

සෞඛ්‍ය විශේෂඥයින් අනතුරු අඟවන්නේ, පෙර ඉන්ෆ්ලුවෙන්සා සමයන්ට වඩා මේ වසරේ රෝග ලක්ෂණ දරුණු බවක් පෙනෙන බවයි.

H3N2 යනු ලොව පුරා සෘතුමය උණ ඇතිවීමට පොදු හේතුවක් වන ඉන්ෆ්ලුවෙන්සා A වෛරසයේ ප්‍රභේදයක්.

සාමාන්‍ය සෙම්ප්‍රතිශ්‍යාවට වඩා වෙනස්වු, H3N2 උණ මගින්හදිසි තද උණ, මාංශ පේශි වේදනාව, හිසරදය සහ අධික තෙහෙට්ටුවඇති කළ හැකි බවයි ඉන්දීය වාර්තාවල සඳහන් වන්නේ.

ඇතැම් විට අවදානමට ලක්විය හැකි පිරිසට නියුමෝනියාව වැනි සංකූලතාවලට ද තුඩු දිය හැකිය.

මෙම ප්‍රභේදය නිතර විකෘති (mutate) ප්‍රභේදයන් මතුකරන බවට ප්‍රසිද්ධයි.

එම නිසා ‘උණ එන්නත්’ සෑම වසරකම යාවත්කාලීන කිරීමට අවශ්‍ය වන බව එරට සෞඛ්‍ය විශේෂඥයන් පවසා තිබෙනවා.

ඕනෑම කෙනෙකුට H3N2 ආසාදනය විය හැකි නමුත්, ළමුන්, වැඩිහිටියන්, ගර්භනී කාන්තාවන් සහ දුර්වල ප්‍රතිශක්තිකරණ පද්ධති ඇති පුද්ගලයින්ටඑය විශේෂයෙන් භයානක යි.

H3N2 ඉන්ෆ්ලුවෙන්සාවල වඩාත් පොදු රෝග ලක්ෂණ නම් තද උණ සහ සීතල, නොනැසී පවතින කැස්ස සහ උගුරේ වේදනාව, ඇඟපත වේදනාව සහ මාංශ පේශි වේදනාව, තෙහෙට්ටුව සහ දුර්වලතාවය, හිසරදය, සහ ඉඳහිට ඔක්කාරය හෝ වමනය ඇති වීමයි.

වෛද්‍යවරු අවධාරණය කරන්නේ, පෙර උණ සමයන් හා සසඳන විට, මෙම වසරේ රෝගීන්වඩාත් වැඩි තෙහෙට්ටුවක් සහ අධික උණක්වාර්තා කරන බවයි.

මෙම රෝග ලක්ෂණ අත්විඳින ඕනෑම අයෙකු, විශේෂයෙන්ම ඒවා දින කිහිපයකට වඩා දිගු කලක් පවතින්නේ නම්, වහාම වෛද්‍ය උපදෙස් ලබා ගත යුතු වනවා.

H3N2 ආසාදිත පුද්ගලයෙකු කැස්ස හෝ කිවිසුම් යාමේදීපිටවන ශ්වසන බිංදු හරහා පුද්ගලයාගෙන් පුද්ගලයාට පහසුවෙන් ව්‍යාප්ත වන බව සඳහන්.

වෛරසය ආසාදිත මතුපිට ස්පර්ශ කර, පසුව ඔබේ මුහුණ, නාසය හෝ මුඛය ස්පර්ශ කිරීමෙන් ද ආසාදනය ඇති විය හැකියි.

පාසල්, කාර්යාල සහ පොදු ප්‍රවාහනය වැනි තදබදය සහිත ස්ථානසම්ප්‍රේෂණ අවදානම වැඩි කරන බවයි එහි සඳහන් වන්නේ.

H3N2 ආසාදනය වැළැක්වීමට නම්, එන්නත් ලබාගැනීම, නිතර සබන් හා වතුරෙන් අත් සෝදමින් සනීපාරක්ෂාව පවත්වා ගැනීම, පිටත සිටින විට ඇල්කොහොල් අඩංගු අත් පිරිසිදුකාරක (hand sanitiser) භාවිතා කිරීම ද ඊට අයත්.

එමෙන්මඋණ වැනි රෝග ලක්ෂණ පෙන්නුම් කරන පුද්ගලයන්ගෙන් ඈත් වී සිටීම, පලතුරු සහ එළවළු බහුල සමබර ආහාර වේලක් ගැනීම තුළින් ප්‍රතිශක්තිය වැඩි දියුණු කිරීම,සජලනය වී සිටින්න (stay hydrated), සහ ප්‍රමාණවත් නින්දක් ලබා ගැනීම, ඔබට රෝග ලක්ෂණ ඇති වුවහොත්, වෛරසය අන් අයට පැතිරීම වැළැක්වීම සඳහා ඔබ හුදකලා වී සිටීම ද ඵලදායී බවයි සෞඛ්‍ය බලධාරීන් පවසා ඇත්තේ.

ඔබට යම් රෝග ලක්ෂණයක් අත්විඳින්නේ නම්, වහාම වෛද්‍ය ප්‍රතිකාර ලබා ගැනීමට ද අවධානය යොමු කළ යුතු බව ඔවුහු පෙන්වා දෙනවා.