පිටු 192 කින් සමන්විත රදගුරුවරුන් වෙත යොමු කළ ලිපියකින් උන්වහන්සේ පෙන්වා දෙන්නේ මිහිතලය උණුසුම් වීමට මිනිස් ක්‍රියාකරකම් දැඩිව බලපා ඇති බවයි. පොසිල ඉන්ධන භාවිතය අඩු කිරීම කෙරේ කඩිනම් අවධානය යොමු කරන්නැයි ප්‍රැන්සිස් පාප් වහන්සේ කියා සිටී.
පෙට්‍රෝලියම් ආදී පොසිල ඉන්ධන භාවිතය අඩු කිරීමට හැකිවෙන පරිදි වඩාත් සංවර්ධිත රටවල් වල වැසියන් තමන්ගේ ජීවන රටාව සහ පරිභෝජන රටාවන් වෙනස් කරගත යුතු බව එම ලිපියේ සඳහන් ඇති බව පැවසේ.
පාප් වහන්සේගේ මේ අදහස් දැක්වීම දෙසැම්බර් මාසයේදී ප්‍රංශයේ පැරිස් අගනුවර පැවැත්වීමට නියමිත එක්සත් ජාතීන් ගේ කාලගුණික සමුළුවේ කතා බහ කෙරේ සුභවාදී බලපෑමක් කරනු ඇතැයි පරිසරවේදීහු විශ්වාසය පළ කරති.
නමුත් ඇමරිකාවේ කොන්ස්ර්වෙටිව් පාක්ෂික ජනාධිපති ධුර අපේක්ෂකයින් වන ජෙබ් බුෂ් සහ රික් සන්ටෝර්ම් යන දෙදෙනාම පාප් වහන්සේට කාලගුණ විද්‍යාවට සම්බන්ධව අදහස් දැක්වීමට ඇති සුදුසු කම් පිළිබඳව ප්‍රශ්න කොට ඇති බව පැවසේ.
