එම ගුවන් යානයේ සිටි කාර්ය මණ්ඩල සාමාජිකයින් 12 දෙනා අතරින් ජීවතුන් අතර සිටි අවසන් පුද්ගලයා තියඩෝර් වෑන් කර්ක් නමැති ඔහු යි.

ඔහු මිය යන විට 93 වන වියේ පසුවිය.
van kirk“Little Boy” නමැති පරමාණු බෝම්බය ඔවුන් සිටි ගුවන් යානයේ සිට ජපානයේ හිරෝෂිමා නගරයට හෙළනු ලැබුවේ, 1945 වසරේ අගෝස්තු මස 6 වන දා ය.

පරමාණු බෝම්බයක් පළමු වරට ප්‍රතිවාදීන්ට එරෙහිව භාවිත කළ පළමු අවස්ථාව එය විය.
ඒ වන විට තියඩෝර් වෑන් කර්ක් පසු වූයේ, 24 වන වියේ ය.

එම ‍බෝම්බ ප්‍රහාරයෙන් ජපාන වැසියන් 14000ක් ජීවිතක්ෂයට පත්වූ අතර තවමත් උපදින ඇතැම් දරුවන් නොයෙක් ආබාධයන්ට ලක්වන බව වාර්තා වේ.
පසුකාලීනව ඔහු මාධ්‍යයට පවසා තිබුණේ, බෝම්බ ප්‍රහාරයෙන් පසුව හිරෝෂිමා නගරය ම දුමෙන් වැසී ගිය අයුරු තමන් දුටු බව ය.