ඇමරිකාවේ ෆ්ලොරිඩා ප්‍රාන්තයේ කේප් කැනවර් ගගන මධ්යස්ථානයේ සිට අභ්‍යාවකාශ ගත වූ Falcon 9 නමැති රොකට්ටුව මෙලෙස පුපුරා ගොස් අත්ලාන්තික සාගරයට කඩා වැටුණි. මෙම යානය ජාත්‍යන්තර අභ්‍යවකාශ මධ්‍යස්ථානය වෙත රැගෙන ගිය භාණ්ඩ අතර ආහාර, සෞඛ්‍ය උපකරණ, පරිගණක උපකරණ, අභ්‍යවකාශ තාක්ෂණික උපකරණ තිබී ඇත.
කෙසේවෙතත් නාසා ආයතනයේ ප්‍රධානි චාර්ල්ස් බෝල්ඩන් පැවසුවේ භාණ්ඩ ප්‍රවාහනය කරමින් තිබූ මෙම යානය හදිසියේ විනාශ වුවත් ජාත්‍යන්තර අභ්‍යවකාශ මධ්යස්ථානයේ රැඳී සිටින ගගන ගාමීන් සතුව අවශ්‍ය ප්‍රමාණයට භාණ්ඩ ඇති බව සහ මෙම පිපිරීමට හේතුව අනාවරණය කරගෙන නැවත යානාවක් යැවීමට කටයුතු කරන බවයි.
කෙසේවෙතත් නාසා ආයතන බලධාරීන් පවසන පරිදි භාණ්ඩ රැගත් රොකට්ටුවක් යාමට ප්‍රමාද වේනම් ජාත්‍යන්තර අභ්‍යවකාශ මධ්යස්ථානයේ රැඳී සිටින ගගනගාමීන් ගෙන්වා ගැනීම සඳහා යානාවක් සුදානම්ව පවතියි.
