බුද්ධශාසන ආගමික හා සංස්කෘතික කටයුතු අමාත්‍යවරයා ලෙස අග්‍රාමාත්‍ය මහින්ද රාජපක්ෂ ගේ සංකල්පයකට අනුව මෙම ආධාර වැඩසටහන සැලසුම් කර තිබේ.
කෝවිල් සඳහා කෙරෙන ප්‍රදානය සංකේතවත් කරමින් ඊයේ දින කොළඹ, කළුතර, කෑගල්ල, රත්නපුර හා ගම්පහ දිස්ත්‍රික්වල කෝවිල් සඳහා චෙක්පත් ප්‍රදානය කර ඇත. අනෙකුත් කෝවිල් සඳහා එම ප්‍රදානයන් දිස්ත්‍රික් මට්ටමින් සිදු කිරීමට නියමිත යි.
මෙයට පෙර නව රාත්‍රී උත්සව සමයේ රට පුරා තෝරාගත් කෝවිල් 40කට ද රුපියල් පනස් දහස බැගින් ප්‍රදානය කිරීමට ද කටයුතු සම්පාදනය කර තිබේ.
මෙම අවස්ථාව සඳහා අමාත්‍ය ඩග්ලස් දේවානන්ද, පාර්ලිමේන්තු මන්ත්‍රී සුරේන් රාගවන් හා අග්‍රාමාත්‍ය වැවිලි ක්ෂේත්‍ර සම්බන්ධීකරණ ලේකම් සෙන්දිල් තොණ්ඩමන් ඇතුළු පිරිසක් එක්ව සිටි බවයි අග්‍රාමාත්‍ය මාධ්‍ය ඒකකය වාර්තා කරන්නේ.
-පංචාලි අබේසේකර
