එවැනි පුද්ලගයින් නිරෝධායන වන ස්ථානයෙන් බැහැරට යන බවට ලැබුණු තොරතුරු මත මෙය ක්‍රියාත්මක කල බවයි පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ සදහන් කරේ.
ඒ අනුව ස්වයං නිරෝධායනවන පුද්ගලයින් එම ස්ථානයෙන් පිටව යෑම හෝ පිටත පුද්ගලයෙක් නිරෝධායනය වන ස්ථානයට ගෙන්වා ගැනීම නිරෝධායනය රීතින් යටතේ දඬුවම් ලැබිය හැකි වරදක් බව ද පොලිස්පතිවරයා දැනුම් දෙයි .
මේ අතර පසුගිය පැය 24ක කාලය තුළ නිරෝධායන නීතින්ට පටහැනිව කටයුතු කළ පුද්ගලයින් 52ක් අත්අඩංගුවට ගෙන තිබේ.
ඒ අනුව 2020 ඔක්තෝබර් මස 30 වන දින සිට මේ දක්වා වු කාලය තුළ නිරෝධායන නීති කර අත්අඩංගුවට ගෙන ඇති මුළු පුද්ගලයින් සංඛ්‍යාව 2,905ක් බව ද පොලිස් මාධ්‍ය ප්‍රකාශකවරයා පැවසීය.
-පංචාලි අබේසේකර
