මීට පෙර තීරණය කර තිබුණේ වී මෙට්‍රික් ටෙන් 3ක් මිළ දී ගැනීමටය.

එසේ මිලට ගන්නා වී තොග මෙට්‍රික් ටොන් පනස් දහස බැගින් වෙළෙඳපොළට නිකුත් කිරීමට පියවර ගන්නා බව කී ඇමැතිවරයා යහපාලන කාලයේ සිටි කෘෂිකර්ම ඇමැතිවරයා වී කිලෝවක් රුපියල් 52.00 බැගින් මිලට ගෙන සත්ව ආහාර යැයි පවසමින් කිලෝවක් රුපියල් 22.00 කට අලෙවි කිරීම නිසා වී අලෙවි මණ්ඩලයට රුපියල් කෝටි 2200 ක් (බිලියන 22 ක්) පාඩු කළ බවද පැවැසුවේය.

වී මිලදී ගැනීම සඳහා වී අලෙවි මණ්ඩලයට රුපියල් කෝටි 1600 ක්ද (බිලියන 16 ක්), සමුපකාරවලට රුපියල් කෝටි 500 ක් (බිලියන 5 ක්) සහ දිස්ත්‍රික් ලේකම්වරුන්ට රුපියල් කෝටි 200 ක් (බිලියන 5 ක්) ලබා දෙන බවද ඇමැතිවරයා කීවේය. ඇමැතිවරයා මේ බව පැවැසුවේ කුරුණෑගල දිස්ත්‍රික් මන්ත්‍රී තුෂාර ඉඳුනිල් අමරසේන විසින් අසන ලද ප්‍රශ්නයකට පිළිතුරු දෙමිනි.