මේ අතර අද දිනයේ දී සුවිශේෂී සාකච්ඡා කීපයක් ම පැවැත්වීමට නියමිත බවයි වාර්තා වන්නේ.
ශ්‍රී ලංකා – පාකිස්ථානු මිත්‍ර සබඳතා ශක්තිමත් කරමින් පාකිස්ථානයේ 22 වැනි අගමැතිවරයා වන ඉම්රාන් ඛාන් මැතිතුමාගේ ශ්‍රී ලංකා නිළ සංචාරය ඊයේ (පෙබරවාරි 23) සිදුවිය. අග්‍රාමාත්‍ය ධූරයට පත්වීමෙන් පසු ඔහු ශ්‍රී ලංකාවට පැමිණි පළමු අවස්ථාව මෙයයි.
පාකිස්තානය සහ ශ්‍රී ලංකාව නිරන්තරයෙන්ම සමීප,සුහද හා අන්‍යෝන්‍ය සහයෝගීතා සබඳතා පවත්වා ගෙන යන මිත්‍රශීලී අසල්වාසීන් වෙන්නේ 1948 සිටමය. දෙරට අතර ජාත්‍යන්තර හා කලාපීය කාරණා සම්බන්ධයෙන් පොදු අදහස් හුවමාරු කරගැනීම නිරන්තරයෙන්ම සිදුවන්නේ ගැටලුවකින් තොරවය. එක්සත් ජාතීන්ගේ සංවිධානය සහ සාර්ක් ඇතුළු ජාත්‍යන්තර හා කලාපීය වේදිකාවල ද දෙපාර්ශ්වයම සමීපව කටයුතුකරන අයුරු මනාව දැකගත හැකිය.
-පංචාලි අබේසේකර
