ඒ අනුව පසුගිය 25 වැනිදා එම එන්නත නිෂ්පාදනය කළ රුසියාවේ ඖෂධ සමාගමේ සහ ජාතික ඖෂධ නියාමන අධිකාරියේ තාක්ෂණික කමිටුවේ නිලධාරීන් අතර විශේෂ සාකච්ඡාවක් පැවැත් වූ බව ජාතික ඖෂධ නියාමන අධිකාරියේ අධ්‍යක්ෂ ජනරාල්, ප්‍රධාන විධායක නිලධාරි විශේෂඥ වෛද්‍ය කමල් ජයසිංහ සඳහන් කර තිබේ .
මෙහි දී ‘ස්පුට්නික්’ එන්නත නිෂ්පාදනය කිරීමට හා සායනික පරීක්ෂාවන්ට අදාළ මෙතෙක් නොලැබුණු සියලුම ලියකියවිලි ඉක්මනින් ගෙන්වා ගැනීම හා පරීක්ෂා කිරීම වේගවත් කිරීමටත් තාක්ෂණික කමිටුව තීරණය කළ බව විධායක නිලධාරී වෛද්‍ය ජයසිංහ පැවසුවේය. ලියකියවිලි පරීක්ෂා කර බලා එම එන්නත මෙරටට සුදුසු වන්නේ නම් පමණක් හැකි ඉක්මනින් ඇණවුම් කළ හැකි යැයිද ඔහු සඳහන් කරයි.
-පංචාලි අබේසේකර
