අදාළ ජේලර්වරයාගේ වැඩ තහනම් කරනු ලැබුවේ, මන්ත්‍රීවරයාට සිය ජංගම දුරකථනය රැගෙන බන්ධනාගාරය තුළට ඇතුළු වීමට ඉඩලබා දීම නිසා බවයි
බන්ධනාගාර දෙපාර්තමේන්තුව පවසන්නේ.
මේ පිළිබඳ වැඩිදුරටත් අදහස් දැක්වු බන්ධනාගාර කොමසාරිස්වරයා,
“මෙම අවස්ථාවේදී මෙම සිරකරුවා පෙන්වීම බන්ධනාගාර අධිකාරිවරයා ජේලර්වරයකු ට භාර දීල තිබෙනවා. විශේෂයෙන්ම බන්ධනාගාරයට ඇතුළත් වෙනකොට සියලුම පුද්ගලයෝ තමන්ගේ අතේ තිබෙන දේවල් නිරාවරණය කරලා බන්ධනාගාරයට භාර දිය යුතුයි. නමුත් මෙම අවස්ථාවේදී මෙම මන්ත්‍රීවරයා ජංගම දුරකථනය විශේෂ කාර්ය බලකාය සෝදිසි කිරීමේදී ඔහු ඒක භාරදීලා නැහැ. විශේෂයෙන්ම මෙහිදී කියන්න ඕනේ මන්ත්‍රීවරුන් අපි බන්ධනාගාරයට ඇතුළු වෙනකොට බොඩි සර්ච් එකක් කරන්නේ නැහැ. ඉතින් ඒ අවස්ථාවේ පාර්ලිමේන්තු මන්ත්‍රීවරයෙක් වුණහම ඒ ගෞරවය අපි රකින්න ඕනේ. විශේෂයෙන්ම පාර්ලිමේන්තු වරප්‍රසාද යටතේ බන්ධනාගාර ආඥා පනතේ ඒ බලතල අනුව මන්ත්‍රීවරයෙකුට බන්ධනාගාරයේ විසිට් කිරීම අවස්ථාව තිබෙනවා.“
-පංචාලි අබේසේකර
