එම අවස්ථාවේදී වෙළද අමාත්‍ය බන්දුල ගුණවර්ධන මෙලෙස අදහස් පළ කර ඇත,
''මෙගා සතොස අලෙවිසැල අද දින ජාඇල දී විවෘත කිරීමට ලැබීම මා ලැබූ අතිශය වැදගත් අවස්ථාවක් කොට සලකමි. පාරිභෝගික ජනතාව වෙත සහන සලසන අතරතුර මෙරට වෙළෙඳපොල හැසිරවීමේ ප්‍රමුඛයා වශයෙන් සතොස ආයතනය කටයුතු කරනු ලබන අතරම මේ දක්වා සතොස කඩා වැටීම්, බාධා රැසකට මුහුණ පෑව ද තම උපරිම දායකත්වයෙන් යුතුව සතොස ගොඩ ගැනීමේ කර්තව්‍යයට දායක වූ සෑම දෙනාම සිහිපත් කරනුයේ ගෞරවයෙනි. අතිගරු ජනාධිපතිතුමා, අග්‍රාමාත්‍යතුමා මේ වෙනුවෙන් ලබා දුන් නිරන්තර ශක්තිය තුළ අද දින මෙගා සතොස විවෘත කිරීම දක්වා පැමිණි ගමනේ දී සතොස කළමණාකාරීත්වයත් සේවක මණ්ඩලයත් දැක්වූ කැපවීම ද අගය කොට සලකමි.
මෙම ආදර්ශය තුළින් ගුණත්වයෙන් ඉහළ භාණ්ඩ සාධාරණ මිළට පාරිභෝගිකයාට භාණ්ඩ නිකුත් කිරීමේ වගකීම පෞද්ගලික සුපිරි වෙළෙඳසැල් හරහා ද ක්‍රියාත්මක වීම අගය කරමින් අනෙකුත් සුපිරි වෙළෙඳසැල් හරහා ද මෙම ක්‍රියාවලියට දායකත්වය සපයනු ඇතැයි උදක්ම විශ්වාස කරමි'' යනුවෙන් සදහන් කර තිබේ.
-පංචාලි අබේසේකර
