යතුරු පැදියකින් ගමන් කරමින් සිටියදී ඔහු අත්අඩංගුවට ගත්තේ සංවිධානාත්මක අපරාධ කොට්ඨාසය විසිනි. මෝදර රොක් හවුස් පටුමගේදී ද තවත් සැකකරුවෙකු හෙරොයින් ග්‍රෑම් 5යි මිලිග්‍රෑම් 250ක් සමඟ අත්අඩංගුවට ගෙන තිබෙනවා.කොළඹ උතුර කොට්ඨාස විමර්ශන අංශයයි වැටලීම සිදු කළේ. එම ප්‍රදේශයේදීම තවත් සැකකරුවෙකු හෙරොයින් ග්‍රෑම් 2 යි මිලිග්‍රෑම් 400 ක් සමඟ අත්අඩංගුවටඩ ගැනුණා.

ඒ අනුව ඊයේ දිනයේ මෝදර ප්‍රදේශය තුළ වැටලීම් 03 ක් සිදු කර ඇත.

මේ අතර ග්‍රෑන්ඩ් පාස් ප්‍රදේශයේදීද මත්ද්‍රව්‍ය වැටලීමක් සිදු කෙරුණා. එහිදී හෙරොයින් ග්‍රෑම් 03 මිලිග්‍රෑම් 100ක් සමඟ එම ප්‍රදේශයේම පදිංචි පුද්ගයෙකු අත්අඩංගුවට ගැනුණා. මෙම සැකකරු ද අද දිනයේදී මාලිගාකන්ද මහේස්ත්‍රාත් අධිකරණයට ඉදිරිපත් කිරීමට නියමිත බවයි බොරැල්ල පොලීසිය පවසන්නේ.

මේ අතර තවත් සැකකරුවෙකු බොරැල්ල සීවලීපුර ප්‍රදේශයේදී අත්අඩංගුවට ගැනුණේ හෙරොයින් ග්‍රෑම් 2 මිලිග්‍රෑම් 500 ක් සමඟින්. බොරැල්ල ප්‍රදේශයේ පදිංචිකරුවෙකු වන මොහු ද අද දින අධිකරණයට ඉදිරිපත් කිරීමට නියමිතයි.

-පංචාලි අබේසේකර