පළාත් අතර සංචරණය මෙම 30 වැනිදා තෙක් තහනම් කිරීමට රජය තීරණය කර ඇතත් අත්‍යවශ්‍ය සේවාවන්හි නිරත කාර්ය මණ්ඩලවල ඉල්ලීම හා පහසුව තකා දුම්රිය දෙපාර්තුමේන්තුව මෙම පියවර ගෙන තිබෙන බවයි ඔහු පවසා ඇත්තේ.
කොළඹ කොටුවේ සිට මහනුවර, බෙලිඅත්ත, මහව, රඹුක්කන හා හලාවත දක්වා ගමන්වාර දහයක් මෙලෙස ධාවනය වන බවත් එම දුම්රිය සඳහා අත්‍යවශ්‍ය රාජකාරීවල කාර්ය මණ්ඩල පමණක් ප්‍රවාහනය කිරීමට නියමිත බවත් එම ආයතනවල කාර්ය මණ්ඩල බව සනාථ කරන හැඳුනුම්පත් හා ලිපි සන්තකයේ පැවතීම අනිවාර්ය බවත් දුම්රිය ස්ථානාධිපතිවරුන් හා දුම්රිය ආරක්ෂක නිලධාරීන් දුම්රියේ ගමන් කරන සෑම මගියෙකුගේම අනන්‍යතාව පරීක්ෂා කරනු ඇති බවත් ගමනාගමන අධිකාරීවරයා පවසා ඇත.
-පංචාලි අබේසේකර
