තහනම් කර තිබූ රසායනික පොහොර වර්ග කිහිපයක් ආනයනය කිරීම සඳහා අගෝස්තු 01 වැනිදා සිට අවකාශය සලසමින් මුදල් අමාත්‍යවරයා විශේෂ ලිපියක් නිකුත් කර තිබිණි.
මේ පිළිබඳව පැහැදිලි කිරීමක් සිදු කරන මුදල් අමාත්‍යංශයේ ලේකම්වරයා සඳහන් කරන්නේ මුදල් අමාත්‍යවරයා විසින් ආනයනය කිරීම සඳහා අවසර ලබා දී තිබෙන්නේ කාබනික පොහොර නිෂ්පාදනය සඳහා අවශ්‍ය දියර නයිට්‍රජන් ඇතුලු රසායනික පොහොර වර්ග කිහිපයක් පමණක් බවයි. ඒවා රජයේ බලපත්‍රයක් මත පමණක් ගෙන්වීමට අවසර තිබෙන බවයි ලේකම්වරයා සඳහන් කරන්නේ.
නමුත් රේගු කටයුතුවලදී යොදා ගන්න‍ෙ කේතය යටතට දියර නයිට්‍රජන් මෙන්ම වෙනත් රසායනික පොහොර වර්ග ද ඇතුළත් වන බැවින් පොහොර තහනම ඉවත් කර ඇති බවට චෝදනා කරන බවත් මුදල් ලේකම්වරයා පෙන්වා දෙනවා.
මේ සඳහා දැනටමත් ටෙන්ඩර් කැඳවීම සිදුකර ඇති බවත් රජයේ නිර්දේශ මත පමණක් ගෙන්වීමට අනුමැතිය ලබා දෙන බවත් ඔහු තවදුරටත් සඳහන් කළා.
