ඉදිරි මාස කීහිපය තුළ ලංකාවේ ආර්ථිකය ඉහළටම ගෙන යන බවට කබ්රාල්ගෙන් පොරොන්දුවක් !

Published in පුවත්
Thursday, 07 October 2021 20:50

ඉදිරි මාස කීපය තුළ ලෝකෙ රටවල් කුමන පසුබෑමකට ලක්වුවද ශ්‍රී ලංකාවේ ආර්ථිකය ඉහළට රැගෙන යන බවට සහතික වන බව මහ බැංකු අධිපති අජිත් නිවාඩ් කබ්රාල් මහතා පවසනවා.

ජනාධිපති මාධ්‍ය කේන්ද්‍රයේ අද පැවති මාධ්‍ය හමුවට එක්වෙමිනුයි ඒ මහතා මේ බව කියාසිටියේ. මහ බැංකුවේ සාර්ව ආර්ථික හා මූල්‍ය පද්ධති ස්ථායිතාව සහතික කිරීම සදහා වන සය මාසික පෙර දැක්ම පිළිබද විග්‍රහයක් එහිදී සිදුකෙරුණා.

මේ අතර ශ්‍රී ලංකා මහ බැංකුවේ අධිපතිවරයා ලෙස අජිත් නිවාඩ් කබ්රාල් මහතා පත්කිරීම ජනාධිපතිවරයා සිදුකර ඇති බැවින් ඊට එරෙහි පෙත්සම විභාග කිරීමට අධිකරණයට බලයක් නොමැති බවත් එය විභාගයට නොගෙන නිශ්ප්‍රභ කරන ලෙසත් නීතිපතිවරයා අභියාචනාධිකරණය හමුවේ මූලික විරෝධතා මතුකර තිබේ.

අදාළ පත්කිරීම අභියෝගයට ලක්කරමින් ගොනුකළ පෙත්සමක් සළකා බැලූ අවස්ථාවේ නීතිපතිවරයා වෙනුවෙන් පෙනීසිටි අතිරේක සොලිසිටර් ජෙනරාල් නෙරින් පුල්ලෙ මහතායි මෙම විරෝධතා මතුකළේ. දකුණු පළාත් හිටපු ආණ්ඩුකාර රජිත් කිර්ති තෙන්නකෝන් මහතා මෙහි පෙත්සම්කරුයි. නෙරින් පුල්ලේ මහතා තවදුරටත් කියාසිටියේ මෙම පෙත්සම තුළ අසත්‍ය සහ නොමග යවන සුලු කරුණු රැසක් ඇති බවයි.

අජිත් නිවාඩ් කබ්රාල් මහතා නිහාල් ෆොන්සේකා නමැත්ත්තෙකු 2015 වසරේදී මහබැංකුවේ මුදල් මණ්ඩලයට පත්කළ බව පෙත්සමේ සදහන්. එහෙත් කබ්රාල් මහතා එම වසරේ මහබැංකු අධිපති ධුරයේ කටයුතු නොකළ බව අතිරේක සොලිසිටර් ජනරාල්වරයා පෙන්වා දුන්නා. මෙවැනි අසත්‍ය සහ නොමග යවන තොරතුරු රැසක් පෙත්සම තුළ අන්තර්ගත බැවින් එය විභාග කිරීමට අධිකරණයට හැකියාවක් නොමැති බව ඔහු අවධාරණය කළා.

මෙය මහජන සුබසාධනය උදෙසා ගොනුකළ බවට පෙත්සම්කරු පැවසුව ද එය ද්වේශ සහගත සහ මඩගැසීමේ අරමුණෙන් අධිකරණ ක්‍රියාපටිපාටිය අවභාවිතයට ලක්කරමින් ගොනුකර ඇතැයි ද ඒ මහතා පැවසුවා.

කබ්රාල් මහතා වෙනුවෙන් පෙනීසිටි ජනාධිපති නීතිඥ රොමේෂ් ද සිල්වා මහතා ද ඉල්ලා සිටියේ මෙම පෙත්සම විභාගයට නොගෙන නිශ්ප්‍රභ කරන ලෙසයි. මෙය හුදෙක් දේශපාලන වාසි සහ ප්‍රසිද්ධියක් ලබා ගැනීමේ අරමුණෙන් ගොනුකරන ලද්දක් බවද ඔහු පවසා ඇත.

-පංචාලි අබේසේකර

Leave a comment

ld add copy

Gossip

හිටපු ජනපති රනිල්ගෙන් විශේෂ ප්‍රකාශයක්.. ආණ්ඩුවට එරෙහිව නඩු යන ලකුණු !   

හිටපු ජනපති රනිල්ගෙන් විශේෂ ප්‍රකාශයක්.. ආණ්ඩුවට එරෙහිව නඩු යන ලකුණු !  

හිටපු ජනාධිපති රනිල් වික්‍රමසිංහ මහතා එළැඹෙන 06 වනදා විශේෂ ප්‍රකාශයක් සිදුකිරීමට නියමිත බව වාර්තා වෙ...

රෝහලේ සිට රනිල් ගහපු ගේම

රෝහලේ සිට රනිල් ගහපු ගේම

මේ සතියේ ලංකාවේ මෙන්ම විදෙස් දේශපාලන ලෝකයේ වැඩිපුරම කතා බහට ලක් වූ චරිතය වන්නේ රනිල්ය.රනිල් වෙනස කතා...

හරිනි මැදියම් රැයේ මෛත්‍රී එක්ක රනිල් බලන්න ඇවිත්!

හරිනි මැදියම් රැයේ මෛත්‍රී එක්ක රනිල් බලන්න ඇවිත්!

හිටපු ජනපති රනිල් වික්‍රමසිංහගේ සුව දුක් බැලීමට ඊයේ ( 24) රෑ මැදියම පසු වී අළුයම් කාලයේ අග්‍රාමාත්‍ය...

මහින්ද කුලී නිවෙසක් සොයයි

මහින්ද කුලී නිවෙසක් සොයයි

හිටපු ජනපති මහින්ද රාජපක්ෂගේ විජේරාමයේ පිහිටා තිබූ නිල නිවස පිළිබඳව පසුගිය කාල සීමාවේ බොහෝ දෙනෙක් ගේ...

Connet With Us