ඒ සඳහා අවශ්‍ය පියවර ගන්නැයි ජනාධිපති ගෝඨාභය රාජපක්ෂ මහතා විසින් ඖෂධ නිෂ්පාදන, සැපයුම් හා නියාමන රාජ්‍ය අමාත්‍ය මහාචාර්ය චන්න ජයසුමන මහතාට පෙරේදා (26 දා) කොවිඞ් මර්දන විශේෂ කමිටුව රැස්වූ අවස්ථාවේ දී දැනුම් දී ඇත. එසේම කොරෝනා මර්දන එන්නත් දෙවැනි මාත‍්‍රාව ලැබ මාස තුන ඉක්ම වූ වයස අවුරුදු 60ට වැඩි සියලූ දෙනාට ජංගම සේවා මගින් අධි මාත‍්‍රාව (Booster) ලබාදීමට කටයුතු කරන්නැයි ද ජනාධිපතිවරයා සෞඛ්‍ය බලධාරීන්ට උපදෙස් දී තිබේ. එහිදී රෝහල් වෛද්‍ය සායන සඳහා පැමිණෙන වයස අවුරුදු 60 ඉක්ම වූ සියලූ දෙනාට ද එම සායන තුළදී අධි මාත‍්‍රා එන්නත ලබාදීමට ද තීරණය කෙරිණි.
කොරෝනා මර්දන දෙවන එන්නත් මාත‍්‍රාව ලැබ මාසයක් ඉක්ම වූ වයස අවුරුදු 20ට වැඩි බෝනොවන රෝගවලින් පෙළෙන සියලූ දෙනාට ද තුන්වැනි මාත‍්‍රාව ලබා දීමට තීරණය විය. ඒ අනුව පිළිකා රෝගීන්, පිළිකා රෝග සඳහා ප‍්‍රතිකාර ලබන්නන්, අවයව බද්ධ කළ රෝගීන්, රුධිර කාන්දුකරණ රෝගීන්, බෝනොවන රෝගයක් හේතුවෙන් ප‍්‍රතිශක්තිකරණය අඩු සියලූ දෙනාට විශේෂඥ වෛද්‍ය නිර්දේශ මත එන්නතේ තුන්වන මාත‍්‍රාව ලබාදීම සිදු කෙරේ.
කොවිඩ් වෛරසය ලෝක අර්බුධයක් දක්වා විහිදී ඇති අවස්ථාවක මෙය මර්නදය කිරීම සදහා එකම විසදුම ලෙස ලෝක සෞඛ්‍ය සංවිධානය විසින් අනුමත කරන ලද්දේ එන්නත්කරණ ක්‍රියාවලියයි. මෙම කොවිඩ් එන්නතින් එහාට ගොස් අද වන විට මෙය පාලනය කිරීම සදහා මොල්නුපිරවීර් යන නමින් ඖෂධ කරලක් නිෂ්පාදනය කිරීමට ඇමරිකාව සමත් විය. ඒ කොසේහෝ වේවා කොවිඩ් අර්බුදයෙන් මිදීමට ඇති එකම විකල්පය වන මෙම එන්නතත් ,මෙම ඖෂධයත් හෙයින් එම විකල්ප මෙරටට ගෙන්වීමට වත්මන් ආණ්ඩුව යුහුසුළුව කටයුතු කරමින් සිටි. එහි ප්‍රතිපලයක් ලෙස මෙම මොල්නුපිරවීර් කැප්සුලය (Molnupiravir Capsule) හැකි ඉක්මනින් මෙරටට ගෙන්වීමට පියවර ගන්නා ලෙස ජනාධිපතිවරයා උපදෙස් දී ඇත්තේ. කොවිඩ් වසංගතය තුරන් කිරීම රටක රාජ්‍ය තන්ත්‍රයට පමණක් කළ නොහැකි ක්‍රියාවකි. එයට අනිවාර්යෙන්ම ජනතා සහාය අවශ්‍යවනු ඇත. එහෙත් මෙරට ජනතාවගේ සහාය ,විපක්ෂය ඇතුළු අනෙකුත් දේශපාලන ප්‍රවාහයන් වල සහාය කෙසේවෙතත් ජනාධිපතිවරයා තම රටෙහි පුරවැසියන් වෙනුවෙන් තම යුතුකම ඉටුකරමින් වගවීමෙන් කටයුතු කරන ආකාරය සැබවින්ම ඇගයිය යුතුය.
-පංචාලි
