දකුණු කොරියාව ශ්‍රී ලාංකික ශ්‍රමිකයන් සඳහා දෙන රැකියා කෝටාව මෙවර ඉහළ දමන බව මේවන විට දන්වා තිබෙන බවත් ඒ සම්බන්ධ නිල ප්‍රකාශනයක් පෙබරවාරී මාසයේදී සිදු කිරීමට එම රජය සූදානම් බවත් ඒ මහතා කීය.
මෙරට ශ්‍රමිකයන්ට විදේශ රටවල රැකියා අවස්ථා වැඩිපුර ලැබීම අපේ ආර්ථිකයට අතිශයින් වැදගත් කරුණක් බවත් මෙරට ශ්‍රමිකයන් දකුණු අප්‍රිකාවේදී කටයුතු කරන ආකාරය සම්බන්ධව එම රජය දැඩි ප්‍රසාදයකින් යුතුව කතා කරන බවත් කී ඒ මහතා මේ නිසාම මෙවර ශ්‍රී ලංකාවට ලබාදෙන රැකියා අවස්ථා ප්‍රමාණය වැඩි කිරීමට ඔවුන් තීරණය කර තිබෙන බවද අවධාරණය කළේය.
ශ්‍රී ලංකාව සහ ජපානය අතර මිත්‍රත්වයට මේ වසරේදී වසර 70 ක් සපිරෙන බවත් එය සැමරීම පිණිස වැඩසටහන් ගණනාවක් විදේශ කටයුතු අමාත්‍යාංශය හා ජපන් තානාපති කාර්යාලය එක්ව සංවිධානය කරන බවත් ඇමැතිවරයා කීය.
ආණ්ඩු දෙක අතර පවතින සම්බන්ධතාවයෙන් ඔබ්බට ගොස් දෙරටේ ජනතාව අතර ඍජු සම්බන්ධතා ඇති කිරීම කෙරෙහි ජපන් රජයේ අවධානය යොමුව තිබෙන බවත් සිනමාව,චිත්‍ර,සංගීතය,නාට්‍ය වැනි කලා අංශ ඔස්සේ එය සිදු කිරිමට අවධානය යොමුව තිබෙන බවත් මහචාර්යවරයා පැවසුවේය.
විදෙස් රටවල හොඳ රැකියා ලබා ගැනීමට ඉංග්‍රීසි පමණක් නොව ජපන්,චීන,කොරියානු වැනි භාෂා ඉගෙන ගැනීම අතිශයින් වැදගත් බවත් මේවන විට කොරියානු භාෂාව මෙරට පාසල් විෂය මාලාවටද එක්කර තිබෙන බවත් ඔහු ප්‍රකාශ කළේය.
-පංචාලි අබේසේකර
