කොළඹ වරාය නැගෙනහිර බහාලුම් පර්යන්තය සංවර්ධනය, ජපානයට Featured

Published in පුවත්
Tuesday, 06 December 2022 10:35

කොළඹ වරායේ නැගෙනහිර බහාලුම් පර්යන්තය සංවර්ධන කටයුතු ජපානය වෙත භාරදීමට යෝජනා කෙරී ඇතැයි ජනාධිපති රනිල් වික්‍රමසිංහ  පවසයි.

ඊයේ සන්ධ්‍යාවේදී ආරම්භ වුණු ලංකා වාණිජමණ්ඩලය මගින් සංවිධානය කරන ශ්‍රී ලංකා ආර්ථික සමුළුව (Sri Lanka Economic Summit) අවස්ථාවෙහි ප්‍රධාන ආරාධිතයා ලෙස සහභාගි වෙමින් ජනපතිවරයා මේ බව පවසා තිබේ.

මීට පෙර යහපාලන යුගයේදී ද මෙම නැගෙනහිර පර්යන්තය සංවර්ධනය කිරීමේ කටයුතු ජපාන, ඉන්දියානු සහ ශ්‍රී ලංකා ත්‍රෛපාර්ශ්වික හවුල් ගිවිසුමක් හරහා සිදු කිරීමට යෝජනා වී තිබුණි. එම යෝජනාව ගෝඨාභය පාලන සමයේදී ක්‍රියාත්මක කිරීමට යෑමේදී වරායවෘත්තීය සමිති සහ ජවිපෙ වැනි දේශපාලන පක්ෂ මගින් එල්ලවූ විරෝධයට බියවී ගෝඨාභය ජනාධිපතිවරයා එය අවලංගු කර එම පර්යන්තයේ ඉදිකිරිම් වරාය අධිකාරිය වෙත ලබාදීම සිදුවිය. එහෙත් වරාය අධිකාරියට හෝ රජයට ඩොලර් මිලියන 600 ක පමණ එම මහාපරිමාණ සංවර්ධන කටයුත්ත කිරීම වෙනුවෙන් පිරිවැය දැරීමේ හැකියාවක් නොතිබිණි.

“අපිට මේ පර්යන්තය සංවර්ධනය කරන්න අවශ්‍ය නම් එය ජපානයට ලබා දිය යුතු වෙනවා. එතැනදී පළමු යෝජනාව ඉදිරිපත් වන්නේ ජපානයටයි. ඔවුන් ඊටකැමැත්තක් නොදැක්වුවහොත් වෙනත් රටක් වෙත යොමුවෙනවා.” යනුවෙන්ද ජනපතිවරයා මෙහිදී පවසා තිබේ.

මේ අතර කොළඹ වරායේ බටහිර පර්යන්තයේ ඉදිකිරීම් මේවනවිට ආරම්භ කෙරී ඇති අතර, ඉන්දියාවේ අදානි සමාගම, ශ්‍රී ලංකාවේ ජෝන් කීල්ස් හෝල්ඩිංග්ස් පීඑල්සී සමාගම සහ ශ්‍රී ලංකා වරාය අධිකාරිය අතර ඇති කරගත් එකඟතාව යටතේ පිහිටුවාගත් සමාගමක් මගින් එම කටයුතු සිදු වෙයි.

පසුගියදා පැවැති ලලිත් ඇතුලත්මුදලි සමරු දේශනයේදී ජනාධිපතිවරයා නැගෙනහිර පර්යන්තය සංවර්ධනය සඳහා විදේශ අයෝජකයන් කැඳවන බව මුල් වරට ප්‍රකාශකර තිබිණි. එසේම එහිදී තවත් කරුණක් ආනාවරණය කරමින් පවසා සිටියේ උතුරු පර්යන්තය සංවර්ධනයද විදේශ ආයෝජකයන් වෙත ලබා දී ඒ ජා ඇල ප්‍රදේශය දක්වා පුළුල් කරන බවය. ඒ අනුව මෙම ආසියනු කලාපයේ පවතින විශාලම වරාය කොළඹ වරාය බවට පත් වන අතර කලාපයේ ප්‍රධානම ප්‍රතිඅපනයන වරාය කේන්ද්‍රස්ථානය කොළඹ වරාය බවටද පත් වෙනු ඇත.

ලෝකයේ පවතින ගැඹුරුම වරායන් කිහිපය අතරින් එකක් වන කොළඹ වරායට දැනට ලෝකයේ පවතිව විශාලතම නෞකාවට වුව ඇතුළු වීමේ හැකියාව පවතින නිසාත් ලෝකයේ කාර්ය බහුලම මුහුදු මාර්ගයෙහි පිහිටා තිබීමක් මත කොළඹ වරාය ප්‍රති අපනයන කටයුතුවල දී විශාල පහසුවක් වාසියක් කලාපයේ අනෙකුත් රාජ්‍යයන් වලට අත්පත්කර දෙන ස්ථානයකි. මේ හරයා ශ්‍රී ලංකාවේ ආර්ථිකයට දැවැන්ත පිම්මක් පැනීම නිතැතින්ම සිදු වෙනු ඇත.

Leave a comment

Gossip

හැකි නම් අයවැය පරාජය කරන්න! ජනපතිගෙන් බැසිල් පිලට අභියෝගයක්

හැකි නම් අයවැය පරාජය කරන්න! ජනපතිගෙන් බැසිල් පිලට අභියෝගයක්

වහාම කැබිනට් මණ්ඩලය පත් නොකළහොත් අයවැය පරාජය විය හැකි බවට අනතුරු අඟවන්නට ගිය පොහොට්ටුවේ ප්‍රබලයින් ප...

මහින්ද එක්කත් බෑ..රනිල් එක්කම යන්න පොහොට්ටු ප්‍රබලයන් සැරසේ..   

මහින්ද එක්කත් බෑ..රනිල් එක්කම යන්න පොහොට්ටු ප්‍රබලයන් සැරසේ..  

මහින්ද සමග යළි නැගිටීම පසෙක තබා රනිල් වික්‍රමසිංහ හා එක්ව යන දේශපාලන ගමනක් වෙනුවන් රාජපක්ෂ පවුලේ දේශ...

එජාපය මහ මැතිවරණයට සූදානම් වෙයි. රවීට මහ ලේකම් තනතුර.

එජාපය මහ මැතිවරණයට සූදානම් වෙයි. රවීට මහ ලේකම් තනතුර.

එජාපය මහ ලේකම් තනතුරට හිටපු අමාත්‍ය රවී කරුණානායක පත්කිරීමට තීරණය කර ඇති බව වාර්තා වේ. එමෙන්ම එජාපයේ...

පවර්, විපක්ෂයේ ඉල්ලීම් තඹේකට මායිම් කරලා නෑ ! මහ මැතිවරණ ඉල්ලන්න පිස්සු දැයි අහලා

පවර්, විපක්ෂයේ ඉල්ලීම් තඹේකට මායිම් කරලා නෑ ! මහ මැතිවරණ ඉල්ලන්න පිස්සු දැයි අහලා

වත්මන් ජනාධිපතිවරයාට සහ ආණ්ඩුවට ජනමතයක් නොමැති බැවින් වහාම මහමැතිවරණයක් පැවැත්වීමට බලපෑම් කරන ලෙස වි...

අනං මනං

ආත්මය විකුණු ප්‍රේමය ...

ආත්මය විකුණු ප්‍රේමය ...

එදාත් හරි ලස්සනට ඉර පායපු දවසක්උඹ ඇවිත් මගේ ලෝකේ පාට කරා බලාපොරොත්තු හින පෙන්නුවාමාත් හරි අසාව...

Connet With Us