අද (17) උදෑසන මවකට මෙලෙස සය නිවුන් දරු උපතක් සිදුව ඇති බවත් ඇය රාගම ප්‍රදේශයේ පදිංචි මවක් වන අතර මෙලෙස පිරිමි දරුවන් 6 දෙනෙකු බිහිකර ඇත.
බිලිඳුන් සයදෙනාම මේ මොහොතේ යහපත් සෞඛ්‍ය තත්වයේ පසුවන බවත් ඔවුන් ළදරු දැඩි සත්කාර ඒකකයේ ප්‍රතිකාර ලබන බවත් එම රෝහලේ ළදරු ඒකකය භාර විශේෂඥ වෛද්‍ය බී.සී. සමන් කුමාර මහතා සඳහන් කළේය. එම බිලිඳුන්ගෙන් පස්දෙනෙක් මේ වනවිට කාසල් රෝහලෙත් එක් අයෙක් කොළඹ ළමා රෝහලෙත් ප්‍රතිකාර ලබයි.
වෛද්‍ය සමන් කුමාර කියා සිටියේ සති 26 දී නොමේරූ ළදරුවන් ලෙස උපත ලැබූ මෙම දරුවන් උපතේදී බර ග්‍රෑම් 400-700 අතර වූ බවයි. එවැනි නොමේරූ ළදරුවන් ජීවත් කරවීම දැවැන්ත අභියෝගයක් බවද වෛද්‍යවරයා පැවසීය.
-P.M
