මහ බැංකු බැදුම්කර සිද්ධිය සම්බන්ධයෙන් හිටපු මහ බැංකු අධිපති අර්ජුන් මහේන්ද්‍රන් ඇතුලු 10 දෙනෙකු චෝදනා එල්ල වූ අතර පොදු දේපළ පනත යටතේ ඉදිරිපත් කර තිබු එම චෝදනා පවත්වාගෙන යාමට නොහැකි බැවින් ඔවුන් මුදා හැරීමටයි කොළඹ ත්‍රීපුද්ගල මහාධිකරණ විනිසුරුමුඩල්ල තීන්දු කර තිබුණේ.
එම නියෝගය ක්‍රියාත්මක වීම අත්හිටුවමින් ශ්‍රේෂ්ඨාධිකරණය අද අතුරු නියෝගයක් නිකුත් කරන ලදී.
මෙම සිද්ධිය සම්බන්ධයෙන් ත්‍රීපුද්ගල මහාධිකරණ විනිසුරුමඩුල්ල හමුවේ පැවැත්වෙන නඩු විභාගය ද අත්හිටුවන ලෙස තවත් අතුරු නියෝගයක් නිකුත් කෙරුණි.
ශ්‍රේෂ්ඨාධිකරණය මෙම නියෝග නිකුත් කළේ ත්‍රීපුද්ගල මහාධිකරණ විනිසුරුමඩුල්ලේ නියෝගවලට එරෙහිව නීතිපතිවරයා ඉදිරිපත් කළ අභියාචනා පෙත්සමක් විභාගයට ගැනීමට අවසරදෙමිනි.
නීතිපතිවරයා වෙනුවෙන් පෙනීසිටි ජ්‍යෙෂ්ඨ අතිරේක සොලිසිටර් ජනරාල් ප්‍රියන්ත නාවාන කරුණු දක්වමින් පැසුවේ ත්‍රීපුද්ගල මහාධිකරණ විනිසුරුමඩුල්ලේ තීන්දුව දෝෂ සහිත බවයි.
2015.02.27 වැනිදා පැවැති මහ බැංකු බැඳුම්කර වෙන්දේසියකදී රජයට අයත් රුපියල් මිලියන 688 ක් සාවද්‍ය ලෙස පරිහරණය කිරීම, ඒ සඳහා ආධාර අනුබල දීම ඇතුළු අධිචෝදනා 23 ක් යටතේ නීතිපතිවරයා විසින් හිටපු මහ බැංකු අධිපති ලක්ෂ්මන් අර්ජුන මහේන්ද්‍රන්, ඔහුගේ බෑනා වූ අර්ජුන් ඇලෝසියස්, පර්පෙචුවෙල් ටේ්‍රෂරීස් සමාගම සහ එහි අධ්‍යක්‍ෂවරුන් හා හිටපු නියෝජ්‍ය මහ බැංකු අධිපති පත්තිනිගේ සමරසිරි ඇතුළු විත්තිකරුවන් දසදෙනකුට එරෙහිව එම නඩුව පවරා තිබුණා.
-P.M
