ඒ, ශ්‍රී ලංකාව සමග එළෙඹ ඇති මාස 48ක විස්තීරණ අරමුදල් පහසුකමේ පළමු සමාලෝචනය ජාත්‍යන්තර මූල්‍ය අරමුදලෙහි විධායක මණ්ඩලය විසින් ඊයේ (12) රාත්‍රියේ අවසන් කිරීමත් සමගයි.
ඒ අනුව දෙවැනි වාරිකය යටතේ, ශ්‍රී ලංකාවට අමෙරිකානු ඩොලර් මිලියන 337ක් පමණ හිමිවීමට නියමිතව ඇත.
මෙරට ආර්ථික ප්‍රතිපත්ති සහ ප්‍රතිසංස්කරණ සඳහා සහය ලබාදීම සඳහා පසුගිය මාර්තු 20 වැනි දා ජාත්‍යන්තර මූල්‍ය අරමුදලේ විධායක මණ්ඩලය ශ්‍රී ලංකාව සඳහා අදාළ විස්තීරණ ණය පහසුකම අනුමත කළේ ය.
ණය පහසුකම යටතේ මෙරටට හිමි වූ පළමු වාරිකයේ වටිනාකම ඩොලර් මිලියන 330ක් පමණ වේ.
මේ අතර සිය X ගිණුමෙහි සටහනක් තබමින් මුදල් රාජ්‍ය අමාත්‍ය ශෙහාන් සේමසිංහ මහතා සඳහන් කළේ, දෙවන වාරිකය සඳහා ජාත්‍යන්තර මූල්‍ය අරමුදලේ අනුමැතිය ලැබීමත් සමග ඉතා දුෂ්කර කාල පරිච්ඡේදයක් පසුකළ අපට සහනදායි ආර්ථික කලාපයකට ඇතුළු වීමට හැකියාව ලැබී ඇති බවයි.
ජාත්‍යන්තර මූල්‍ය අරමුදලේ විධායක මණ්ඩලය පෙන්වා දී ඇත්තේ ශ්‍රී ලංකාව පෙන්නුම් කර ඇති ආර්ථික ප්‍රගතිය පිළිබඳව ජාත්‍යන්තර මූල්‍ය අරමුදල සෑහීමට පත්වන බවය.
-P.M
