මෙය යාපනයේ කුප්පවේලි ප්‍රදේශයේ ගබඩා තිබු අතර මේ සම්බන්ධයෙන් කෘෂිකර්ම අමාත්‍යාංශය විමර්ශනයක් ද ආරම්භ කර ඇත.
මේ සම්බන්ධයෙන් කෘෂිකර්ම දෙපාර්තමේන්තුවේ අධ්‍යක්ෂ ජනරාල්වරියගෙන් වහාම වාර්තාවක් කැඳවීමට අමාත්‍ය මහින්ද අමරවීර පියවර ගෙන ඇති බව කෘෂිකර්ම අමාත්‍යංශය සඳහන් කරයි.
කෙසේ වෙතත් එම බීජ අර්තාපල් තොගය නිසිපරිදි ගබඩා කර නොතිබීම හේතුවෙන් දිලීර විශේෂයකින් හා බැක්ටීරියා විශේෂයකින් එම අර්තාපල් තොගයෙන් සියයට 40ක පමණ හානි වී ඇති බවට විමර්ශනවල දී අනාවරණය වී තිබේ.
බීජ අර්තාපල් නිසි ලෙස ගබඩා කිරීම සඳහා පියවර නොගැනීම මෙන්ම ඒවා විනාශ වීම මඟින් රජයට සිදු කළ පාඩුව සැලකිල්ලට ගෙන අදාළ වගකිව යුතු නිලධාරින්ගෙන් කරුණු විමසන ලෙස අමාත්‍යාංශ ලේකම් ජානක ධර්මකීර්ති වෙත උපදෙස් ලබා දී ඇති මහින්ද අමරවීර අමාත්‍යවරයා, ඊට අදාළ ඉහළම පියවර ගන්නා ලෙස ද දැනුම් දී ඇති බව සඳහන්ය.
