ඊයේ පස්වරු 2 සිට මාර්ගයේ සැහැල්ලු වාහන ධාවනය තාවකාලිකව නතර කෙරුණ ද මේ වන විට මඩකලපුව - පොලොන්නරුව ප්‍රධාන මාර්ගය නැවත දැනුම් දෙනතුරු සම්පූර්ණයෙන් වසා දැමීමට කටයුතු කරන බව ආපදා කළමනාකරණ මධ්‍යස්ථානය දැනුම් දෙයි.
ඒ අනුව, වැලිකන්ද, දිඹුලාගල, මඩකලපුව දක්වා ගමන් කරන මගීන්ට, ගමන් පහසුව සලසා ගැනීම සඳහා කදුරුවෙල දුම්රිය ස්ථානයේ සිට මනම්පිටිය දෙසට විශේෂ දුම්රිය සේවාවක් පෙ.ව.10.30 සිට ක්‍රියාත්මක වනු ඇති බව වාර්තා වෙයි.
තවද මඩකලපුව දෙසට ගමන් කරන වාහන සඳහා විකල්ප මාර්ගයක් ලෙස ගිරිතලේ ,ඇලහැර,බකමූණ,දෙහිඅත්තකණ්ඩිය මාර්ගය හරහා ගමන් කළ හැකිය.
